པདྨ་སྒྲོལ་མ་ལགས་བོད་རང་བཙན་སློབ་ཕྲུག་ཚོགས་པའི་སྤྱི་ཁྱབ་འགན་འཛིན་དུ་བསྐོ་བཞག་གནང་འདུག
པདྨ་སྒྲོལ་མ་ལགས་བོད་རང་བཙན་སློབ་ཕྲུག་ཚོགས་པའི་སྤྱི་ཁྱབ་འགན་འཛིན་དུ་བསྐོ་བཞག་གནང་རྗེས། ༠༨།༣༠།༢༠༢༢
SFT
དེ་ཡང་རྡོ་རྗེ་ཚེ་བརྟན་ལགས་ཀྱིས་མི་ལོ་ལྔའི་རིང་བོད་རང་བཙན་སློབ་ཕྲུག་ཚོགས་པའི་སྤྱི་ཁྱབ་འགན་འཛིན་གྱི་ལས་འགན་བཞེས་སྟེ། ཉེ་ལམ་ཟླ་བ་འདིའི་ནང་ལས་ཡུན་མཇུག་སྒྲིལ་གནང་བ་དང་བསྟུན། ཚོགས་པ་དེའི་ལས་འགུལ་འགན་འཛིན་པད་མ་སྒྲོལ་མ་ལགས་སྤྱི་ཁྱབ་འགན་འཛིན་གསར་པར་བསྐོ་བཞག་བྱུང་བ་བོད་རང་བཙན་སློབ་ཕྲུག་ཚོགས་པས་ཕྱི་ཚེས་༣༠ཉིན་གསལ་བསྒྲགས་སྤེལ་འདུག
གསལ་བསྒྲགས་ནང་ཚོགས་གཙོ་ཟུར་པ་དང་བོད་མི་དམངས་སྤྱི་འཐུས་རྡོ་རྗེ་ཚེ་བརྟན་ལགས་ཀྱིས་ལས་འགན་བཞེས་བའི་བརྒྱུད་རིམ་ནང་། བོད་དོན་འཐབ་རྩོད་ཀྱི་ལས་འགུལ་ཐད་བོད་རང་བཙན་སློབ་ཕྲུག་ཚོགས་པས་མུ་མཐུད་དུ་འབད་བརྩོན་གནང་ཡོད་པ་དང་། ལྷག་པར་དུ་བོད་དང་། ཡུ་གུར། ཧོང་ཀོང་། ཐེ་ཝན། རྒྱ་རིགས་མང་གཙོ་དོན་གཉེར་བ་སོགས་ཀྱི་བར་དུ་མཉམ་ལས་ཀྱི་ཐོག་ནས་རྒྱལ་སྤྱིའི་སྡིངས་ཆའི་སྟེང་རྒྱ་ནག་གཞུང་ལ་ངོ་རྒོལ་གྱི་ལས་འགུལ་སྤེལ་བ་རིམ་པའི་ནང་ལས་འགན་གཙོ་བོ་བཞེས་གནང་ཡོད་པ་རེད་ཅེས་སྤེལ་འདུག
རྡོ་རྗེ་ཚེ་བརྟན་ལགས་ཀྱིས་མི་ལོ་བཅུ་གཉིས་རིང་བོད་རང་བཙན་སློབ་ཕྲུག་ཚོགས་པའི་ནང་ཕྱག་ལས་གནང་རྒྱུའི་གོ་སྐབས་བཟང་པོ་བྱུང་བར་ཐུགས་རྗེ་ཆེ་ཞུས་གནང་བ་དང་། སྤྱི་ཁྱབ་འགན་འཛིན་གསར་བར་འཚམས་འདྲི་གནང་འདུག
པད་མ་སྒྲོལ་མ་ལགས་ནི། བོད་རང་བཙན་སློབ་ཕྲུག་ཚོགས་པའི་དམིགས་ཡུལ་ལྟར། རྒྱལ་སྤྱིའི་སྡིངས་ཆའི་སྟེང་ལས་འགུལ་འདྲ་མིན་ནང་མཉམ་ཞུགས་ཐེངས་མང་གནང་མྱོང་ཡོད་མཁན་ཞིག་ཡིན་པ་དང་། ཁོང་གིས་བོད་རང་བཙན་སློབ་ཕྲུག་ཚོགས་པའི་ལས་འགུལ་ནང་མི་མང་བརྒྱ་ཕྲག་མང་པོར་ལས་འགུལ་འགོ་ཁྲིད་ཀྱི་ཟབ་སྦྱོང་གནང་མྱོང་ཡོད་པ་མ་ཟད། བོད་རང་བཙན་སློབ་ཕྲུག་ཚོགས་པའི་ལས་འགུལ་ཁག་གི་ཐོག་ཏུ་ལྷག་བསམ་དང་རྣམ་དཔྱོད་ལྡན་པའི་སྒོ་ནས་ལེགས་སྐྱེས་ཕུལ་མཁན་ཞིག་ཡིན་པ་རེད་ཅེས་གསལ་བསྒྲགས་སྤེལ་འདུག
བོད་རང་བཙན་སློབ་ཕྲུག་ཚོགས་པ་དེ། བོད་རང་བཙན་རྒྱབ་སྐྱོར་མཁན་བོད་མི་དང་ཕྱི་རྒྱལ་གྱི་བོད་དོན་རྒྱབ་སྐྱོར་བ་ཚོས་༡༩༩༤ལོར་ཨ་རིའི་གྲོང་ཁྱེར་ནེའུ་ཡོག་དུ་གསར་འཛུགས་གནང་བ་ཞིག་དང་། དམིགས་ཡུལ་གཙོ་བོ་མཐོ་སློབ་ཁག་ཏུ་འགྲིམས་བཞིན་པའི་ན་གཞོན་སློབ་མ་ཚོས་བོད་རང་བཙན་ལ་རྒྱབ་སྐྱོར་དང་། རྒྱལ་སྤྱིའི་སྟེང་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ལས་འགུལ་དང་གོ་རྟོགས་སྤེལ་གནང་གི་ཡོད་པ་རེད། ད་སྐབས་ནུབ་ཕྱོགས་ཡུལ་གྲུ་གཙོས་པའི་རྒྱལ་ཁབ་ཁག་མང་པོ་ཞིག་གི་མཐོ་སློབ་ཁག་ནང་བོད་རང་བཙན་སློབ་ཕྲུག་ཚོགས་པའི་ཡན་ལག་ཚོགས་པ་༦༥༠ཙམ་ཡོད་པ་དང་། དེ་བཞིན་ཁེ་ཎ་ཌ་དང་། དབྱིན་ཡུལ་རྒྱ་གར་བཅས་ལ་ཡན་ལག་ལས་ཁུངས་གསར་བཙུགས་གནང་ཡོད་འདུག
མི་ལོ་༢༨གོང་ཚོགས་པ་དབུ་བརྙེས་ནས་སྤྱི་ཁྱབ་འགན་འཛིན་དང་པོ་དེ་བོད་དོན་རྒྱབ་སྐྱོར་བ་(John Hocevar)་ལགས་ཡིན་པ་དང་། དེ་ནས་བསྟན་འཛིན་ལྷ་སྒྲོན་ལགས་དང་། དེའི་རྗེས་བསྟན་རྡོར་ལགས། རྡོ་རྗེ་ཚེ་བརྟན་ལགས། པད་མ་སྒྲོལ་མ་ལགས་བཅས་ཡིན་པ་རེད།
གསར་འགོད་པ། དབྱངས་སྒྲོན།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག