མཁས་པའི་བགྲོ་གླེང་ཐོག་༸གོང་ས་མཆོག་ཆིབས་བསྒྱུར།

༄༅༎དེ་རིང་སྤྱི་ཚེས་༡༩ཉིན་ཨེ་མོ་རི་གཙུག་ལག་སློབ་གྲ་ཆེན་མོ་རུ་མི་སྣ་གྲགས་ཅན་ལྷན་འཛོམས་ཀྱི་བགྲོ་གླེང་ཐོག་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་མཉམ་ཞུགས་ཀྱིས་ཆོས་དང་ རིག་རྩལ་ སྒྱུ་རྩལ་བཅས་ཀྱི་ཐོག་ལ་བགྲོ་གླེང་སྩལ་གནང་བཞིན་ཡོད་པ་རེད་

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཟླ་བ་འདིའི་ཚེས་༡༧ནས་འགོ་བཙུགས་ཀྱིས་ཇོ་ཇེ་ཡའི་མངའ་སྡེའི་གྲོང་ཁྱེར་ཨེཏ་ལན་ཀྲའི་ཨེ་མོ་རི་གཙུག་ལག་སློབ་གྲ་ཆེན་མོའི་ནང་ཆིབས་བསྒྱུར་བཀྲིན་བསྐྱང་གནང་བཞིན་པ་ལྟར་དེ་རིང་སྤྱི་ཚེས་༡༩ཉིན་གོང་ཞུས་སློབ་གྲ་དེའི་ནང་མི་སྣ་གྲགས་ཅན་ལྷན་འཛོམས་གྱི་བགྲོ་གླེང་ཐོག་༧གོང་ས་མཆོག་མཉམ་ཞུགས་ཀྱིས་ཆོས་དང་ རིག་རྩལ་ སྒྱུ་རྩལ་བཅས་ཀྱི་ཐོག་ལ་བགྲོ་གླེང་སྩལ་གནང་རྒྱུ་ཡིན་པ་སོགས་ཀྱི་སྐོར་གྲོང་ཁྱེར་ནེའུ་ཡོག་ནང་ཡོད་པའི་བཙན་བྱོལ་བོད་གཞུང་དོན་གཅོད་སྐུ་ཚབ་བཀའ་ཟུར་བློ་བཟང་སྙན་གྲགས་མཆོག་གིས་འདི་གར་ངོ་སྤྲོད་གནང་བ་དང་ ༸གོང་ས་སྐྱབས་མགོན་ཆེན་པོ་མཆོག་ཨེ་མོ་རི་གཙུག་ལག་སློབ་གྲའི་ནང་ཉིན་གསུམ་རིང་གི་མཛད་འཆར་ཁག་དེ་རིང་སྤྱི་ཚེས་༡༩ནས་གྲུབ་ཏེ་དེ་ནས་རིམ་བཞིན་ཨ་མི་རི་ཀའི་ཨོ་ཧིའོ་མངའ་སྡེའི་ནང་ཆིབས་བསྒྱུར་བསྐྱང་གནང་རྒྱུ་ཡིན་པ་རེད་