རྒྱ་གར་དམག་དོན་གནམ་གྲུ་པ་ཀི་སི་ཐན་དུ་སིམ་འཛུལ་བྱས་ལུཌ།

༄༅༎པ་ཀི་སི་ཐན་གྱི་ཕྱི་སྲིད་ལས་ཁུངས་ནས་འགྲེལ་བརྗོད་བྱས་པར་ལྟར་ན་དེ་རིང་རེས་གཟའ་ཕུར་བུའི་ཉིན་པ་ཀི་སི་ཐན་ནང་ཡོད་པའི་རྒྱ་གར་གཞུང་ཚབ་པ་གཞོན་པ་མན་པི་རིཏ་ལྦོཧ་ར་མཆོག་བསྐོང་འགུགས་གནང་ནས་ཉེ་ཆར་རྒྱ་གར་གྱི་དམག་དོན་ཐད་འཕུར་གནམ་གྲུ་འགའ་ཤས་པ་ཀི་སི་ཐན་གྱི་མངས་ཁོངས་སུ་ཡོད་པའི་པན་འཇབ་དང་ཀ་ཤི་མིར་མངའ་ཁུལ་དུ་སིམ་འཛུལ་བྱས་ཡོད་པའི་གནད་དོན་སྐོར་ཡིག་ཐོག་ནས་ངོ་སྤྲོད་དང་འབྲེལ་སྐྱོན་བརྗོད་བྱས་ཡོད་འདུག

འོན་ཀྱང་རྒྱ་གར་གྱི་གནམ་དམག་ལས་དོན་ཚན་པའི་མགྲིན་ཚབ་པ་དམག་སྤྱི་མ་ཧེཤ་ཨུ་པ་ས་ནིས་གསུངས་ན་པ་ཀི་སི་ཐན་གྱི་ཉེས་བཙུགས་བྱས་པའི་གནད་དོན་ལ་ང་ཚོས་ཁས་ལེན་རྩ་བ་ནས་མེད་ལ་ཁྲིམས་འགལ་གྱི་སིམ་འཛུལ་བྱས་པའི་གནས་ཚུལ་འདི་རིགས་རྩ་བ་ནས་བྱུང་མེད་ལུགས་གསུངས་འདུག

གང་ལྟར་རྒྱ་གར་དང་པ་ཀི་སི་ཐན་ཡུལ་གཉིས་དབར་ཟླ་བ་སྔོན་མ་རྒྱ་གར་གྱི་གྲོང་ཁྱེར་མུམ་སྦའེ་ནང་འཇིགས་སྐུལ་དྲག་སྤྱོད་ཀྱི་གཏོར་རྒོལ་ཚབས་ཆེ་བཏང་བའི་གནས་ཚུལ་བྱུང་བའི་རྗེས་བྱེད་གཏེ་རྣམས་པ་ཀི་སི་ཐན་གྱི་འཇིགས་སྐུལ་དྲག་སྤྱོད་ཚོགས་པ་ཡིན་པའི་ཉེས་བཙུགས་བྱས་པ་སོགས་ཀྱིས་ཕྱོགས་ཕན་ཚུན་གྱི་འབྲེལ་ལམ་ཇེ་སྡུག་ཏུ་ཕྱིན་ཡོད་པ་རེད།