རྒྱ་གར་གྱི་སྐྱོན་བརྗོད་ལ་པ་ཀི་སི་ཐན་གྱི་ལན།

༄༅༎རྒྱ་གར་གྱི་སྲིད་བློན་མཆོག་གིས་རེས་གཟའ་མིག་དམར་ཉིན་སྔ་ལོ་རྒྱ་གར་གྱི་གྲོང་ཁྱེར་མུམ་སྦའེ་ནང་དྲག་སྤྱོད་པས་དྲག་ལས་སྤེལ་བའི་ལས་འགུལ་དེར་པ་ཀི་སི་ཐན་གྱི་གཞུང་འབྲེལ་ཚན་པ་ཁག་ཅིག་གི་རྒྱབ་སྐྱོར་ཡོད་པ་གང་ཙམ་མངོན་གྱི་ཡོད་པའི་སྐྱོན་བརྗོད་ལ་པ་ཀི་སི་ཐན་གྱི་ཕྱི་སྲིད་བློན་ཆེན་མཆོག་གིས་བློ་ཕམ་ཆེན་པོ་བྱུང་སྐོར་གསུངས་ཡོད་པ་རེད།

དེ་ཡང་ཁོང་གིས་རྒྱ་གར་སྲིད་བློན་མཆོག་གི་སྐྱོན་བརྗོད་ལ་དགག་ལན་དུ་གནད་ལུགས་ཆ་ཚང་རྟོགས་ཐུབ་མཁན་གྱི་མཁྱེན་རྒྱ་ཡངས་པའི་དབུ་ཁྲིད་ཅིག་གིས་སྐྱོབ་བཙུགས་དེ་འདྲ་ཞིག་གནང་བར་བློ་ཕམ་ཆེན་པོ་བྱུང་ཞེས་དང་རྒྱ་གར་གཞུང་གིས་ཕུགས་བསམ་གྱི་དགོངས་པ་ཆེན་པོ་ཞིག་བཞེས་ཐུབ་ཀྱི་མེད་པ་དང་གལ་ཏེ་དེ་ལྟར་བཞེས་ཐུབ་ཀྱི་ཡོད་ན་སྐྱོན་བཙུགས་དེ་ལྟ་བུ་ཞིག་གི་རྗེས་ང་ཚོས་རྒྱ་གར་གྱི་ལྷན་དྲག་སྤྱོད་བཀག་སྡོམ་ལ་ལས་འཁུར་མཉམ་ལས་གང་འདྲ་ཞུ་དགོས་ཀྱི་རེད་དམ་ཅེས་དང་ཡང་ཁོང་གིས་གལ་ཏེ་ང་ཚོས་དྲག་སྤྱོད་བཀག་སྡོམ་གྱི་ལས་འཆར་ལ་མཉམ་ལས་ཞུ་དགོས་ཀྱི་ཡོད་ཚེ་ང་ཚོར་སྐྱོན་བཙུགས་བྱ་རྒྱུ་མཚམས་འཇོག་བྱ་དགོས་པ་གྱུར་ཡོད་ཅེས་ཁོང་གིས་དེ་རིང་ཨབ་ག་ནི་སི་ཐན་གྱི་རྒྱལ་ས་ཀ་སྦུལ་ནང་གཟིགས་བསྐོར་གྱི་སྐབས་གསར་འགོད་ལྷན་ཚོགས་ཀྱི་ཐོག་གསུངས་ཡོད་པ་རེད།