རྒྱ་ནག་ཡུན་ནན་ཞིང་ཆེན་དུ་ས་ཡོམ།

༄༅༎རྒྱ་ནག་གི་ཡུན་ནན་ཞིང་ཆེན་ཡའོ་ཨན་རྫོང་ནང་ཕྱི་ཚེས་དགུ་ཉིན་ས་འགུལ་གྱི་གནོད་འཚེ་ཕོག་ནས་མི་གཅིག་རྐྱེན་ལམ་དུ་ཕྱིན་ཡོད་པ་དང་ད་བར་མི་གྲངས་༣༢༨ལ་རྨས་སྐྱོན་ཕོག་ཡོད་ཅིང་སྡོད་ཁང་ཁྲི་གཅིག་དང་བརྒྱད་སྟོང་ལྷག་ཙམ་རྩ་བརླག་ཕྱིན་ཡོད་པ་རེད།

ཨ་རིའི་ས་འགུལ་རྟག་དཔྱད་ལས་ཁང་གི་ཟིན་ཐོ་གཞིར་ཟུང་བྱས་ན་ཡུན་ནན་ཞིང་ཆེན་གྱི་ཡའོ་ཨན་རྫོང་ནས་ཕྱི་ཚེས་དགུའི་ཕྱི་དྲོ་ཚོུད་བདུན་དང་སྐར་མ་བཅུ་དགུ་ཙམ་གྱི་ཐོག་ས་འགུལ་འགུལ་ཚད་༥།༧བྱས་པ་ཞིག་བརྒྱད་ཡོད་པ་དང་ས་འགུལ་གྱི་འགུལ་ཤུགས་ཡུན་ནན་གྱི་རྒྱལ་ས་ཁུན་མིང་དང་གྲོང་ཁྱེར་གླི་ཅང་།ཏག་ལི་སོགས་ས་གནས་ནང་ལ་ཡང་ཚོར་བ་བྱུང་ཡོད་པ་རེད། རྒྱ་ནག་གཞུང་འབྲེལ་གསར་འགྱུར་བརྒྱུད་ལམ་ཐོག་གནས་ཚུལ་སྤེལ་བའི་ནང་ཕྱི་ཚེས་བཅུ་བར་ས་འགུལ་གྱི་གནོད་འཚེ་ཡའོ་ཨན་རྫོང་གཙོས་པའི་རྫོང་ཁག་དྲུག་དང་གྲོང་སྡེ་༥༥ཙམ་གྱི་ནང་གནོད་འཚེ་ཕོག་མཁན་མི་གྲངས་ས་ཡ་གཅིག་ཡན་ཟིན་གྱི་ཡོད་པ་འཁོད་ཡོད་པ་རེད།