ཨ་རིའི་སྲིད་འཛིན་ནས་བོད་ཐོག་གླེང་བ།

༄༅༎ཨ་རིའི་ནང་གཟིགས་བསྐོར་གནང་བཞིན་པའི་རྒྱ་ནག་གི་ཕྱི་སྲིད་བློན་ཆེན་དབྱང་ཅེ་ཀྲེ་ཡིས་ཨ་མི་རི་ཀའི་སྲིད་འཛིན་སྦ་རཀ་ཨོ་སྦ་མ་མཆོག་དང་མཇལ་འཕྲད་གནང་ཡོད་པ་དང་དཔོན་རིགས་རྣམ་གཉིས་ཀྱི་དབར་ཡུལ་གཉིས་ཀྱི་འབྲེལ་ལམ་དང་རྒྱལ་སྤྱིའི་དཔལ་འབྱོར་གྱི་གནས་བབས་གཞན་ཡང་བྱང་ཀོ་རི་ཡའི་གནད་དོན་གྱི་མཚོན་རྒྱལ་སྤྱིའི་དཀའ་རྙོག་ཁག་ཅིག་གི་ཐད་བཀའ་བསྡུར་གནང་ཡོད་པ་དང་ཨ་མི་རི་ཀའི་སྲིད་འཛིན་ལས་ཁུངས་ཀྱི་གསར་འགོད་གསལ་བསྒྲགས་ཀྱི་ནང་སྲིད་འཛིན་ཨོ་སྦ་མ་མཆོག་གིས་བོད་ཀྱི་གནད་དོན་གླེང་སློང་གི་གནང་བའི་ནང་སྲིད་འཛིན་མཆོག་གིས་རྒྱ་ནག་གི་ཕྱི་སྲིད་བློན་ཆེན་དབྱང་ཅེ་ཁྲེ་ལ་རྒྱ་ནག་གཞུང་དང་༸གོང་ས་ཏཱ་ལའི་བླ་མའི་སྐུ་ཚབ་དབར་གྱི་བོད་རྒྱ་འབྲེལ་མོལ་ལ་དོན་འབྲས་ཤིག་ཡོང་རྒྱུའི་ཐུགས་རེ་གནང་གི་ཡོད་ཅེས་གང་ལྟར་ཨ་རིའི་སྲིད་འཛིན་མཆོག་གིས་བོད་ཀྱི་ཆབ་སྲིད་ཀྱི་དཀའ་རྙོག་ལ་ཐུགས་འཁུར་ཆེ་བཞེས་ཀྱིས་རྒྱ་ནག་གི་ཕྱི་སྲིད་བློན་ཆེན་ལ་གླེང་སློང་གནང་ཡོད་པའི་གསལ་བསྒྲགས་གནང་ཡོད་པ་རེད།

རྒྱ་ནག་གི་ཕྱི་སྲིད་བློན་ཆེན་གྱིས་སྲིད་འཛིན་ཨོ་སྦ་མ་མ་ཆོག་མཇལ་འཕྲད་ཀྱི་སྔོན་སྔ་དྲོ་ཨ་མི་རི་ཀའི་རྒྱལ་སུང་སློབ་སྟོན་པ་དམག་དཔོན་ཇོན་སོ་དང་མཇལ་འཕྲད་གནང་ཡོད་པ་དང་ཕྱོགས་མཚུངས་རེས་གཟའ་ལྷག་པའི་ཉིན་ཨ་རིའི་ཕྱི་སྲིད་དྲུང་ཆེ་ལྕམ་ཧི་ལ་རི་ཀི་ལིན་ཊོན་དང་མཇལ་འཕྲད་གྲོས་མོལ་གནང་ཡོད་ཅིང་སྐབས་དེར་ཨ་རིའི་ཕྱི་སྲིད་དྲུང་ཆེ་མཆོག་གིས་རྒྱ་ནག་གི་ཕྱི་སྲིད་བློན་ཆེན་ལ་བོད་ཀྱི་གནད་དོན་སྐོར་གླེང་སློང་གནང་ཡོད་པའི་སྐོར་ཕྱི་སྲིད་དྲུང་ཆེ་རང་ཉིད་ཀྱིས་གསར་འགོད་ལྷན་ཚོགས་ཐོག་ངོ་སྤྲོད་གནང་ཡོད་པ་རེད།