ལས་འགུལ་སྤེལ་འཇུག་རྒྱུ་མིན།

༄༅།    །Asia News ཞེས་པའི་གསར་ཤོག་ཐོག་གནས་ཚུལ་སྤེལ་བ་ལྟར་ན།  བལ་ཡུལ་གྱི་སྲིད་བློན་ཟུར་པ་དང་། མའོའི་ཆིག་བསྒྲིལ་ཚོགས་པའི་འགོ་ཁྲིད་Prachanda ནས་ཟླ་བ་འདིའི་ཚེས་༡༨ཉིན་པེ་ཅིན་ཏུ་རྒྱ་ནག་གི་སྲིད་འཛིན་ཞི་ཇིན་ཕིང་ལ་ཐུག་འཕྲད་སྐབས།   ཁོང་གིས་བལ་ཡུལ་ཕྱོགས་ནས་བལ་ཡུལ་ནང་གནས་སྡོད་བོད་མི་ཚོས་རྒྱ་ནག་ལ་ངོ་རྒོལ་གྱི་ལས་འགུལ་རིགས་སྤེལ་རྒྱུར་དམ་བསྒྲགས་བྱ་རྒྱུ ཡིན་པས་མ་ཟད།  རྒྱ་ནག་གཞུང་གི་འདོད་བློ་ལྟར་རྒྱ་ནག་གཅིག་གི་སྲིད་ཇུས་ལ་རྒྱབ་སྐྱོར་བྱ་རྒྱུ་ཡིན་པ་ཁས་ལེན་བྱས་ཡོད་པ་རེད། སྤྱིར་བལ་ཡུལ་ནང་། བོད་མི་ཉིས་ཁྲི་ལྷག་གནས་སྡོད་བྱེད་ཀྱི་ཡོད་པ་དང་།  རྒྱ་ནག་གཞུང་གི་གནོན་ཤུགས་འོག་བལ་ཡུལ་དུ་ཡོད་པའི་བོད་མི་ཚོའི་འཚོ་གནས་ཀྱི་ཐད་དཀའ་ངལ་འཕྲད་བཞིན་ཡོད་པ་རེད།    །