རྒྱ་ནག་དང་བལ་ཡུལ་གྱི་དམག་སྦྱོང་ཐེངས་དང་པོ།

རྒྱ་ནག་དང་བལ་ཡུལ་གྱི་དམག་མིའི་དབར་དམག་སྦྱོང་ཐེངས་དང་པོ་དེ་ དེ་རིང་རངེས་གཟའ་ཉི་མའི་ཉིན་རྒྱལ་ས་ཀཐ་མན་ཌུའི་ནང་འགོ་འཛུགས་བྱས་ཡོད་པ་དང་། དེ་ནི་རྒྱ་ནག་གིས་བལ་ཡུལ་ནང་ཤུགས་རྐྱེན་ཆེ་རུ་གཏོང་ཐབས་སུ་བལ་ཡུལ་མཉམ་ཟུང་སྦྲེལ་དམག་སྦྱོང་བྱས་པ་ཞིག་ཡིན་པའི་གནས་ཚུལ་འདུག དེ་ཡང་བལ་ཡུལ་ནི་རྒྱ་གར་དང་རྒྱ་ནག་དབར་གནས་པའི་རྒྱལ་ཁབ་ཆུང་ངུ་ཞིག་ཡིན་པ་དང་། རྒྱ་གར་དང་རྒྱ་ནག་གཉིས་ནས་ཡུལ་དེར་ཤུགས་རྐྱེན་སྤྲོད་ཐབས་སུ་ཐབས་ཤེས་གང་ཡོང་བྱེད་བཞིན་པ་རེད། དེ་རིང་བལ་ཡུལ་རྒྱལ་སའི་ནང་ Sagarmath Friendship འམ་༢༠༡༧ལོའི་Sagarmathམཛའ་གྲོགས་ཞེས་པའི་རྒྱ་ནག་དང་བལ་ཡུལ་དབར་དམག་སྦྱོང་ཐེངས་དང་པོ་དེ་འགོ་འཛུགས་བྱས་ཡོད་པ་དང་། ཉིན་བཅུའི་ཟུང་སྦྲེལ་དམག་སྦྱོང་ནང་གཙོ་བོ་འཇིག་སྐུལ་རིང་ལུགས་པར་ཁ་གཏད་ལྕོག་ཐབས་སྐོར་དམག་སྦྱོང་བྱ་རྒྱུ་ཡིན་ལུགས་བལ་ཡུལ་གྱི་དམག་མིའི་མགྲིན་ཚབ་པ་Jhankar Bahadur Kadayatཞུ་བས་གསུངས་བཞག།
ཚེ་དབང་དངོས་གྲུབ།