མི་སྣ་སྙན་གྲགས་ཆེ་ཤོས།

༄༅།    །ཕྱི་ཟླ་ ༥ ཚེས་ ༢༩ ཉིན་ཧ་རི་སི་པོལ་ (Harris Poll) ཞེས་པའི་དྲ་གནས་ཐོག་མང་ཚོགས་ཀྱི་བསམ་ཚུལ་བསྡུ་ལེན་བྱས་པའི་གྲུབ་འབྲས་ཤིག་བཀོད་ཡོད་པ་དང་།  ལས་འཆར་འདི་ནི་ཕྱི་ཟླ་ལྔ་པའི་ཚེས་ ༨ ནས་ ༡༥ བར་ཕ་རན་སི་དང་། ཨིན་ལན། སི་པན། ཨི་ཊ་ལི། ཨ་མི་རི་ཀ་བཅས་ཀྱི་ནང་ལོ་བཅོ་བརྒྱད་ཡན་གྱི་མི་སྣ་ ༧༢༤༥ གྱི་བསམ་ཚུལ་བསྡུ་རུབ་གནང་བའི་གྲུབ་འབྲས་ཤིག་ཡིན་པ་རེད། ཨ་རི་དང་ཡུ་རོབ་ཡུལ་གྲུ་ཁག་ནང་༸གོང་ས་མཆོག་དང་ཨ་རིའི་སྲིད་འཛིན་ཨོ་བྷ་མ། དེ་བཞིན་ཡེ་ཤུའི་བླ་ཆེན་Francisཕ་རན་སི་སི་མཆོག་བཅས་ནི་འཛམ་གླིང་ནང་སྙན་གྲགས་ཆེ་ཤོས་དང་དགའ་མོས་ཆེ་ཤོས་ཀྱི་མི་སྣར་ངོས་འཛིན་ཞུས་ཡོད་པ་རེད། ཨ་རིའི་ནང་བསམ་ཚུལ་བསྡུས་པའི་མི་བརྒྱ་ཆ་ ༦༤ ཡིས་༸གོང་ས་༸སྐྱབས་མགོན་ཆེན་པོ་མཆོག་སྙན་གྲགས་ཆེ་ཤོས་ལ་ངོས་འཛིན་ཞུས་ཡོད་པ་དང་། དེ་ནས་ཡེ་ཤུའི་བླ་ཆེན་ཕ་རན་སི་སི་མཆོག་ལ་དགའ་མོས་བྱེད་མཁན་བརྒྱ་ཆ་ ༦༡ བྱུང་བ། སྲིད་འཛིན་ཨོ་བྷ་མ་ལ་དགའ་མོས་བྱེད་མཁན་བརྒྱ་ཆ་ ༥༡ བྱུང་བ་སོགས་བཀོད་བཞག །