ནུབ་ཕྱོགས་ཆེད་ལས་པ་རྒྱ་གར་ནང་ལས་ཀ་འཚོལ་བཞིན་པ།

༄༅༎འབྱོར་ལྡན་རྒྱལ་ཁབ་ཚོའི་ནང་དཔལ་འབྱོར་ཉམས་གུད་ཀྱིས་ལས་མེད་ཀྱི་དཀའ་ངལ་ཆེ་བའི་སྐབས་འདིར་ནུབ་ཕྱོགས་ཀྱི་ཆེད་ལས་པ་རྒྱ་གར་ནང་ལས་ཀ་འཚོལ་མཁན་མང་དུ་འགྲོ་བཞིན་པའི་གནས་ཚུལ་ཐོན་འདུག
རེས་གཟའ་ཉི་མའི་ཉིན་པི་ཊི་ཨེ་(Press Trust of India) ཞེས་པའི་རྒྱ་གར་གྱི་བཟོ་ལས་ཁག་གི་སྙན་ཐོ་གསར་པ་ཞིག་ལུང་འདྲེན་གྱིས་གནས་ཚུལ་སྤེལ་བར་གཞིགས་ན།  ད་ཆ་རྒྱ་གར་ནང་ཨ་མེ་རི་ཀ་གཙོས་པའི་ནུབ་ཕྱོགས་ཀྱི་རྒྱལ་ཁབ་ཀྱི་ཆེད་ལས་པ་ ཁྲི་བཞི་ཡོད་པ་དང་། སྔ་ལོ་ཕྱི་མི་རྒྱ་གར་ནང་ལས་ཀ་འཚོལ་མཁན་བརྒྱ་ཆ་༡༥ནས་ཉི་ཤུ་བར་འཕར་ཡོད་འདུག། རྒྱ་གར་ནང་ལས་ལ་འཚོལ་མཁན་མང་ཆེ་བ་སོ་སོའི་རྒྱལ་ཁབ་ནང་ལས་ཀ་ཤོར་བ་དང་ཁྲལ་ཆེ་བ་སོགས་རྒྱུ་མཚན་དྲངས་ཀྱི་ཡོད་འདུག། རྒྱུ་མཚན་གཞན་ཞིག་ནི་ རྒྱ་གར་ནང་ལས་ཀ་བྱེད་མྱོང་ཡོད་པ་དེས་སླད་ཕྱིན་ཆད་ནས་རྒྱལ་ཁབ་གཞན་ནང་ལས་ཀ་འཚོལ་རྒྱུར་ཕན་ཐོགས་ཆེན་པོ་ཡོད་ལུགས་འགྲེལ་བརྗོད་བྱས་འདུག། ཆེད་ལས་པ་མང་ཆེ་བ་དངུལ་ཁང་དང་མོ་ཊའི་བཟོ་གྲ་སྣམ་བཟོ་ཁང་བཅས་སུ་འཛུལ་ཞུགས་བྱེད་ཀྱི་ཡོད་འདུག༎