རྒྱ་ནག་གིས་བོད་རང་སྐྱོང་ལྗོངས་ཁོངས་སུ་ཞིབ་བཤེར་བྱེད་བཞིན་པ།
2015.01.28
བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ལས་ཁུངས་ཀྱི་དམར་ཤོག་ཚོགས་པའི་དྲུང་ཆེ་དང་། འགན་འཛིན་གཞོན་པ་གཅིག་ལྕོག་བློ་བཟང་ཚེ་རིང་།
དྲ་བཤུས། Inews
བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ལས་ཁུངས་ཀྱི་དམར་ཤོག་ཚོགས་པའི་དྲུང་ཆེ་བློ་བཟང་ཚེ་རིང་ལ་ཞིབ་བཤེར་གནང་བཞིན་པ།
དེ་ཡང་རྒྱ་ནག་གཞུང་གི་ནང་དཔལ་འབྱོར་སོགས་ཧམ་ཟ་བྱེད་མཁན་ལ་ངོ་རྒོལ་དང་ཞིབ་དཔྱོད་བྱེད་མཁན་གྱི་ཚོགས་པ་ཞིག་གིས་བོད་ནང་ཡོད་པའི་རྒྱ་ནག་གཞུང་འབྲེལ་གྱི་གུང་ཁྲན་ཏང་གི་ཚོགས་མི་གནད་ཡོད་མི་སྣ་༡༥་ཙམ་གྱིས་དཔལ་འབྱོར་ལྐོག་ཟ་བྱས་པའི་ཁྲིམས་འགལ་གྱི་གནས་ཚུལ་ཤེས་རྟོགས་བྱུང་བ་རྒྱ་ནག་གི་གསར་ཤོག་ནང་བཏོན་ཡོད་པ་དང་། རྒྱ་ནག་དབུས་ཏང་གི་ཚོགས་པའི་ཞིབ་དཔྱོད་ཚོགས་པས་དོགས་གཞི་བྱེད་ཡུལ་འབྲེལ་ཡོད་མི་སྣས་བོད་རང་བཙན་ལ་རྒྱབ་སྐྱོར་བྱེད་མཁན་དང་། ཡང་ན་ལག་སྦྲེལ་བྱེད་པའམ་བོད་མིའི་མགོན་སྐྱབས་ཏཱ་ལའི་བླ་མའི་ཕྱོགས་གཏོགས་ལ་གནས་ཚུལ་ངོ་སྤྲོད་བྱས་པ། དེ་བཞིན་ལས་འགུལ་ནང་རྒྱབ་སྐྱོར་དང། རྒྱལ་ཁབ་བདེ་སྲུང་ལ་ཉེན་ཁ་བཟོས་པ་སོགས་ཀྱི་སྐོར་བོད་ནང་དཔལ་འབྱོར་ཧམ་ཟ་བྱེད་མཁན་ཞིབ་དཔྱོད་ལས་དོན་ཚོགས་པའི་དྲུང་ཆེ་ཝང་ཀང་གིས་བཤད་ཡོད་པ་རེད།
རྒྱ་ནག་གཞུང་གིས་བོད་ནང་དམིགས་བསལ་གྱི་དམ་བསྒྲགས་སྲིད་བྱུས་འཛིན་བཞིན་པ་གང་ཞིག་ལ་ད་རེས་ལྐོག་ཟ་རུལ་སུངས་ཀྱི་གནས་ཚུལ་ཞིབ་དཔྱོད་བྱུང་བ་དེའང་རྣམ་ཀུན་དང་མི་འདྲ་བའི་གནས་ཚུལ་ཞིག་ཀྱང་བྱུང་བ་རེད།
དེ་བཞིན་ཡང་འདི་ཚེས་༢༨ཉིན་རྒྱ་གར་གྱི་PTIགསར་ལས་ཁང་གིས་གནས་ཚུལ་སྤེལ་གསལ་ལྟར་ན། བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ལས་ཁུངས་ཀྱི་དམར་ཤོག་ཚོགས་པའི་དྲུང་ཆེ་དང་། འགན་འཛིན་གཞོན་པ་གཅིག་ལྕོག་བློ་བཟང་ཚེ་རིང་ཞེས་པ་ཞིག་ལ་ས་གནས་སྒྲིག་ཁྲིམས་ཞིབ་བཤེར་ལས་ཁུངས་ནས་སྒྲིག་ཁྲིམས་ལས་ཚབས་ཆེ་འགལ་བའི་གྱོད་གཞིའི་འོག་ཞིབ་བཤེར་བྱེད་བཞིན་ཡོད་པ་དང་། ཡིན་ནའང་བློ་བཟང་ཚེ་རིང་གིས་སྒྲིག་ཁྲིམས་ལས་ཚབས་ཆེ་གང་ཞིག་འགལ་བའི་སྐོར་ཞིབ་ཕྲའི་གསལ་ཁ་གང་ཡང་བཏོན་མིན་འདུག རྒྱ་ནག་གི་གཞུང་འབྲེལ་ཤིན་ཧ་གསར་ལས་ཁང་གིས་གནས་ཚུལ་ནང་བཀོད་པར་གཞིགས་ན། གོང་གསལ་བློ་བཟང་ཚེ་རིང་ཞེས་པ་དེ་༢༠༠༦ནས་༢༠༡༡བར་ཁོ་པ་བོད་རང་སྐྱོང་ལྗོངས་ཀྱི་ལྷོ་ཁ་ས་ཁུལ་གྱི་རྒྱ་ནག་དམར་ཤོག་ཚོགས་པའི་དྲུང་ཆེའི་འགན་ཡང་ཁུར་མྱོང་ཡོད་པ་རེད། འདས་པའི་ལོ་གཉིས་ནང་ཚུད། སྲིད་འཛིན་ཞེ་ཅིན་ཕིན་གྱིས་རྒྱ་ནག་ནང་ལྐོག་ཟ་རུལ་སུངས་ལ་རྡུང་རྡེག་གཏོང་བའི་ནང་། རྒྱ་ནག་དམར་ཤོག་ཚོགས་པ་དང་། དྲག་པོའི་སྒྲིག་འཛུགས་ཀྱི་མཐོ་རིམ་མི་སྣ། དམག་སྤྱི་གཙོས་པའི་རྒྱ་ནག་ནང་ཁྱོན་ཡོངས་སུ་མཐོ་དམན་བར་གསུམ་གྱི་འགོ་ཁྲིད་མི་སྣ་བརྒྱ་ཕྲག་མང་པོར་ལྐོག་ཟའི་གྱོད་དོན་གྱིས་དོ་དམ་འཛིན་བཟུང་དང་ཞིབ་དཔྱོད་བྱེད་བཞིན་ཡོད་པ་རེད། སྲིད་འཛིན་ཞི་ཅིན་ཕིན་གྱི་ལྐོག་ཟ་རུལ་སུངས་ལ་རྒོལ་རྡུང་ལས་འགུལ་དེ་ལྐོག་ཟ་རུལ་སུངས་ཀྱི་མིང་ཐོག་ནས་དབང་ཆའི་འཐབ་རྩོད་ཡིན་ལུགས་དང་། ཡང་ཁག་གཅིག་གིས་ཞི་ཅིན་ཕིན་གྱི་ལྐོག་ཟ་རུལ་སུངས་རྒོལ་རྡུང་གི་ལས་འགུལ་དེ་ཁ་ཞེ་གཉིས་མེད་ཀྱི་ལྐོག་ཟའི་ལམ་ལུགས་མེད་པ་བཟོ་ཐབས་ཡིན་པར་ལྟ་ཕྱོགས་མི་འདྲ་བ་ཡོད་པ་རེད་འདུག
གསར་འགོད་པ་བསོད་ནམས་ལྷ་མོ་དང་དོན་གྲུབ་རྣམ་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག