བོད་མི་རང་ལུས་མེར་བསྲེག་མཁན་གཉིས་ཀྱི་ཁ་ཆེམས་།

༄༅༎ཉེ་དུས་ཕྱི་ཟླ་༤ཚེས་༡༩ཉིན་ཇོ་སྣང་འཛམ་ཐང་དགོན་པའི་མདུན་སྐུ་ལུས་མེར་བསྲེག་བཏང་ནས་རྒྱ་གཞུང་ལ་ངོ་རྒོལ་གནང་མཁན་ ཆོས་འཕགས་སྐྱབས་ལགས་དང་བསོད་ནམས་ལགས་གཉིས་ཀྱིས་ཁ་ཆེམས་བཞག་གནང་འདུག།
ཁོང་རྣམ་གཉིས་ཀྱི་ཁ་ཆེམས་ལ། བོད་མི་རིགས་འདི་གཞན་དང་མི་མཚུངས་བའི་ཆོས་དང་རིག་གནས། བྱམས་དང་སྙིང་རྗེ་ལྡན་པ། གཞན་ལ་ཕན་སེམས་ཆེ་བའི་མི་རིགས་ཤིག་ཡིན། ཡིན་ན་ཡང༌། བོད་མི་རིགས་འདི་རྒྱ་ནག་གིས་བཙན་བཟུང་དང་དྲག་གནོན་མགོ་སྐོར་བྱས་པས། ང་ཚོ་བོད་མི་རིགས་ལ་འགྲོ་བ་མིའི་ཐོབ་ཐང་མེད་པའི་སྡུག་བསྔལ་དང༌། འཛམ་གླིང་ཞི་བདེ་ཡོང་ཆེད་དུ་ངས་ རང་ལུས་མེར་བསྲེགས་པ་ཡིན། ང་ཚོ་བོད་མི་རིགས་ལ་རང་དབང་མེད་པའི་སྡུག་བསྔལ་འདི་། ངས་རང་ལུས་མེར་བསྲེགས་པ་ལས་སྡུག་བསྡལ་ལྷག་ཏུ་ཆེ། ངེད་གཉིས་ཀྱིས་ཁྱེད་ཅག་ལ་ལ་བསམ་བློ་མ་བཏང་བ་མིན། ངེད་གཉིས་ཁྱེད་ཅག་དང་ཁ་བྲལ་བ་སྔ་ཕྱི་ཁོ་ན་ནི་ཡང་མིན། རང་གི་ཚེ་སྲོག་ལ་གཅེས་སྐྱོང་མ་ཤེས་པ་ཡང་མིན། ངེད་གཉིས་ཀྱིས་སེམས་བསམ་པ་མཉམ་པའི་སྒོ་ནས་བོད་ལ་རང་དབང་ཐོབ་པ། སངས་རྒྱས་ཀྱི་བསྟན་པ་དར་བ། སེམས་ཅན་ལ་བདེ་སྐྱིད་བསྐྲུན་ཐུབ་པ། འཛམ་གླིང་ཞི་བདེ་ཡོང་བའི་ཆེད་དུ་ངེད་གཉིས་ཀྱི་རང་ལུས་མེར་བསྲེགས་པ་ཡིན། ཡིན་ནའི་་ཁྱེད་ཅག་གིས་ངེད་གཉིས་ཀྱི་ཁ་ཆེམས་ལྟར་སྒྲུབས་དགོས། ངེད་གཉིས་རྒྱ་ལག་ཏུ་ཤོར་ཡང་ཁྱེད་ཅག་གིས་ཅི་ཡང་བྱེད་མི་དགོས། ངེད་གཉིས་ཀྱི་ཆེད་དུ་མི་གཅིག་ལ་གནོད་འཚེ་མེད་ན། ངེད་གཉིས་ཀྱི་བསམ་པ་འགྲུབ་པ་ཡིན། ངེད་གཉིས་ཀྱི་ཆེད་དུ་ཁྱེད་ཅག་གིས་སེམས་སྐྱོ་ན། མཁས་པ་དང་མཁན་སྤྲུལ་རྣམས་ཀྱི་ཁར་ཉན་ནས་རིག་གནས་སྦྱང་ན་རིག་གནས་སྦྱོང་བའི་ཁ་ཕྱོགས་མི་ནོར་བ་དང༌། རང་རིགས་ལ་དུང་ཞེན་དང༌། རང་གི་རིག་གནས་ལ་འབད་བརྩོན་བྱས་ན་རང་ཚིགས་མ་ཤོར་བར་རྡོག་རྩ་ཆིག་སྒྲིལ་བྱས་ན། ངེད་གཉིས་ཀྱི་རེ་བ་འགྲུབ་པ་ཡིན། ངེད་གཉིས་ཀྱི་ཁ་ཆེམས་ལྟར་སྒྲུབ་པར་སྙིང་ནས་རེ་བ་ཡིན། ཞེས་ཆོས་འཕགས་སྐྱབས་ལགས་དང་བསོད་ནམས་ལགས་ཀྱིས་བཞག་གནང་བའི་ཁ་ཆེམས་དེ་བཙན་བྱོལ་བོད་མིའི་སྒྲིག་འཛུགས་ཀྱི་དྲ་རྒྱའི་ཐོག་བཀོད་གནང་བཞག།