བོད་མི་རང་བསྲེག་མཁན་སྣང་གྲོལ་ལགས་ཀྱི་ཞལ་ཆེམས་།

༄༅༎འདི་ལོ་ཕྱི་ཟླ་གཉིས་པའི་ཚེས་༡༩ཉིན་ཛམ་ཐང་དགོན་པའི་ཉེ་འཁྲིས་སུ་རང་ལུས་མེར་སྲེག་གཏོང་མཁན་སྣང་གྲོལ་ལགས་ཀྱིས་བཞག་གནང་བའི་ཞལ་ཆེམས་ནང་ བོད་མིའི་ལ་རྒྱ་དང་ མཐུན་སྒྲིལ་བྱ་དགོས་པ་སོགས་འཁོད་ཡོད་པའི་སྐོར་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་འཁོད་འདུག 
བོད་རྒྱལ་ཁབ་དང་མི་རིགས་ཆེད་རང་ལུས་མེར་སྲེག་གཏོང་མཁན་སྣང་གྲོལ་ལགས་ཀྱིས་བཞག་གནང་བའི་ཞལ་ཆེམས་ནང་དེ་ལྟར་འཁོད་དོན་   ལ་རྒྱའི་སྙིང་སྟོབས་མ་ཞན་མགོ་བོ་ཁྱོགས་ མིང་སྣང་གྲོལ་ང་ཡི་ལ་རྒྱ་ ངའི་དྲིན་ཅན་ཕ་ལོ་མ་ལོ་ ངའི་འདང་ཅན་ཕུ་ནུ་ཉེ་འཁོར་ ང་མི་འདུག་འགྲོ་རན་བྱུང་ཐལ་ ངས་དྲིན་ཅན་བོད་མིའི་དོན་ལ་ ངའི་ཚེ་སྲོག་མེ་ལ་བསྐུར་ནས་བོད་མི་རིགས་ཕོ་མོ་རྣམ་པ་བུ་ང་ཡི་རེ་བ་ཡིན་ན་   ཁྱེད་ཚང་མར་མཐུན་སྒྲིལ་ཡོད་དགོས་ བོད་ཡིན་ན་བོད་ལྭ་གྱོན་དགོས་ དེའི་མི་ཚད་བོད་སྐད་བཤད་དགོས་ བོད་ཡིན་ན་སེམས་ནས་མ་བརྗེད་ བོད་ཡིན་ན་བྱམས་དང་སྙིང་རྗེ་དགོས་ ཕ་མ་ལ་བརྩི་བཀུར་དགོས་ མི་རིགས་ལ་མཐུན་སྒྲིལ་ཡོད་དགོས་ དུད་འགྲོ་ལ་སྙིང་རྗེ་སྒོམ་དགོས་ སེམས་ཅན་གྱི་ཚེ་སྲོག་ལ་འཛེམ་དགོས་ ༧རྒྱལ་དབང་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག བོད་གངས་ཅན་གྱི་བླ་སྤྲུལ་མཁན་པོ་སོགས་ཀྱི་སྐུ་ཚེ་ཁྲི་ལོར་བརྟན་པར་ཤོག བོད་མི་རིགས་རྒྱ་ངན་འདིའི་འོག་ནས་ཐར་བར་ཤོག རྒྱ་ངན་འདིའི་འོག་ནས་བོད་ལ་སྡུག་བསྔལ་ཆེ་ བསྡུག་བསྔལ་དེ་བཟོད་ཐབས་ཧ་ཅང་དཀའ་ རྒྱ་ངན་འདིས་བོད་པ་བཙན་བཟུང་བྱེད་ ཁྲིམས་ངན་འདིའི་འོག་ནས་སྡོད་ཐབས་མེད་ རྨ་མེད་པའི་གཅར་རྡུང་བཟོད་ཀྱི་དཀའ་ རྒྱ་ངན་དེར་བྱམས་དང་སྙིང་རྗེ་མེད་ མཐའ་གཞུག་ལ་བོད་ཀྱི་ཚེ་སྲོག་བཅད་  ༧རྒྱལ་དབང་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག་ཅེས་འཁོད་གནང་ཡོད་འདུག