བོད་རིགས་སྨན་པར་རྒྱ་གར་གཞུང་གིས་དེབ་སྐྱེལ་ཆོག་མཆན་གནང་བ།
2015.01.20
བོད་པའི་སོའི་སྨན་པ་དཀོན་མཆོག་སྒྲོལ་མ་ལགས་ཀར་ན་ཊ་ཀ་མངའ་སྡེའི་སྨན་པའི་ལྷན་ཚོགས་ནང་ཐོག་འགོད་གནང་ཐུབ་པ།
རྒྱ་གར་གྱི་Karnatakaམངའ་སྡེའི་གཞུང་ནས་བོད་རིགས་སོའི་སྨན་པ་ཞིག་གཞུང་འབྲེལ་དེབ་སྐྱེལ་བྱེད་ཆོག་པའི་ཆོག་མཆན་གནང་འདུག དེ་ཡང་དབུས་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་དང་། ལྷོ་སྤྱི་ལས་ཁུངས་གཉིས་ཐུན་མོང་གི་ཐོག་ནས་རྒྱ་གར་ལྷོ་ཕྱོགས་ཀར་ན་དྲ་ཀ་མངའ་སྡེའི་གཞུང་གི་འབྲེལ་ཡོད་ཚོར་སྔ་ལོ་ཕྱི་ལོ་༢༠༡༤ལོའི་བོད་མི་སྐྱབས་བཅོལ་བ་ཚོའི་ཐོག་འཛིན་རྒྱུའི་སྲིད་བྱུས་གཞིར་བཟུང་ཞུ་གཏུགས་རིམ་པ་གནང་ཡོད་སྟབས། རྒྱ་གར་དབུས་ནང་སྲིད་ལས་ཁུངས་ནས་འབྲེལ་ཡོད་ལས་ཁུངས་སུ་བཀའ་ཡིག་གནང་ཡོད་པ་བཅས་གང་ལྟར་ད་རེས་ལྷོ་ཕྱོགས་བྷེ་ལ་ཀོ་པི་གཞིས་ཆགས་ནས་ཡིན་པའི་སོའི་སྨན་པ་དཀོན་མཆོག་སྒྲོལ་མ་ལགས་སུ་མངའ་སྡེའི་སོའི་སྨན་པའི་ལྷན་ཚོགས་སུ་དེབ་སྐྱེལ་བྱེད་ཆོག་པའི་ཆོག་མཆན་གནང་ཡོད་འདུག སྔ་ལོ་རྒྱ་གར་དབུས་གཞུང་ནས་སྐྱབས་བཅོལ་བོད་མིར་མཐུན་རྐྱེན་སྦྱོར་སྤྲོད་ཀྱི་སྲིད་བྱུས་ཞེས་པའི་གཏན་འབེབས་ཡིག་ཆའི་ནང་། བོད་མི་སྐྱབས་བཅོལ་བ་ཆེད་ལས་ཀྱི་ལས་རིགས་དཔེར་ན། སྨན་པ་དང་། སྨན་ཞབས་པ། དེ་བཞིན་ལུགས་མཐུན་གྱི་ཚོང་ལས་གཉེར་མཁན་སོགས་ནས་རྒྱ་གར་ཡུལ་མི་གཞིར་བཟུང་རྒྱ་གར་གྱི་ལས་ཁུངས་ཁག་ནང་ལས་ཀ་བྱེད་ཆོག་པ་དང་། ཡང་ན་མཐོ་རིམ་སློབ་གཉེར་བྱེད་ཆོག་པའི་ཐོབ་ཐང་འདྲ་མཉམ་ཡོད་ལུགས་གསུངས་ཡོད་པ་རེད། གོང་ཞུས་སྲིད་བྱུས་དེའི་སྐོར་རྒྱ་གར་དབུས་གཞུང་ནས་མངའ་སྡེ་སོ་སོར་གསལ་བསྒྲགས་གནང་ཡོད་པ་མ་ཟད་མངའ་སྡེ་སོ་སོའི་ནང་། བོད་མི་ཚོས་བདེ་སྡུག་ཞུ་ཡུལ་ཡོད་པ་ཞིག་ཀྱང་ཆགས་ཡོད་པ་རེད།
གསར་འགོད་པ་རིག་འཛིན་ཆོས་སྒྲོན།
ཞིབ་ཕྲ་འདི་གའི་གསར་འགོད་པ་པདྨ་དངོས་གྲུབ་ལགས་ཀྱིས་ས་གནས་ནས་བཏང་བའི་གནས་ཚུལ་ལ་གསན་རོགས།
གསར་འགོད་པ་པདྨ་དངོས་གྲུབ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- རྒྱ་དཀར་ནག་གཉིས་དབར་འདི་ལོའི་དབྱར་ཁར་རྒྱ་གར་གྱི་གནས་སྐོར་བ་བོད་ནང་གནས་མཇལ་དུ་གཏང་རྒྱུའི་གྲོས་མཐུན་བྱུང་འདུག