ཨི་སི་རེལ་གྱིས་སྒ་ཛར་རོགས་སྐྱོར་བ་བཅུ་བསད་པ།

༄༅༎འཛམ་གླིང་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་མཆོག་གིས་སྒ་ཛ་ཁུལ་དུ་རོགས་སྐྱོར་གྱི་དངོས་ཟོག་འོར་འདྲེན་བྱེད་མཁན་ལ་གཏོར་རྒོལ་བཏང་བའི་བྱ་སྤྱོད་ཀྱི་གནས་ཚུལ་ཤེས་རྟོགས་བྱུང་སྐབས་ཧང་སང་བ་དང་ བྱ་སྤྱོད་དེ་རིགས་སྤེལ་མཁན་ཐོག་ཁ་རྡུང་ཡང་དྲག་པོ་བཏང་བའི་སྐོར་གསར་འགོད་ལྷན་ཚོགས་ཐོག་འགྲེལ་བརྗོད་གནང་ཡོད་པ་རེད་

ཨི་སེ་རལ་གྱི་གསར་འགྱུར་རྒྱུད་ལམ་ཐོག་གནས་ཚུལ་སྤེལ་བའི་ནང་གཟའ་ཟླབའི་ཉིན་སྔ་དྲོ་ཨེ་སེ་རལ་མཚོ་ཐོག་དམག་དཔུང་གིས་སྒ་ཛ་ཁུལ་དུ་རོགས་སྐྱོར་དངོས་ཟོག་འོར་འདྲེན་བྱེད་མཁན་གྱི་གྲུ་གཟིངས་ཤིག་ལ་གཏོར་རྒོལ་བཏང་ནས་ཉུང་ཐར་ཡང་མི་གྲངས་༡༠རྐྱེན་ལམ་དུ་ཕྱིན་ཡོད་པ་དང་ མི་གྲངས་བཅུ་གྲངས་ཁ་ཤས་ལ་རྨས་སྐྱོན་ཕོག་ཡོད་ཅིང་ཨི་སེ་རལ་གྱི་མཚོ་ཐོག་དམག་དཔུང་གིས་བརྗོད་ན་ དེའི་གོང་དངོས་ཟོག་འོར་འདྲེན་བྱེད་མཁན་གྱི་རོགས་སྐྱོར་གྲུ་གཟིངས་དེ་སྒ་ཛ་ཁུལ་གྱི་གྲུ་ཁར་ཡོངས་མི་ཆོག་པའི་ཉེན་བརྡ་བཏང་བ་ཡིན་ལུགས་བརྗོད་ཀྱི་ཡོད་པ་རེད་

གོང་ཞུས་དངོས་ཟོག་དབོར་འདྲེན་བྱེད་མཁན་ཚོ་ནི་པེ་ལེ་སི་ཀྲའེན་ལ་རྒྱབ་སྐྱོར་བྱེད་མཁན་གྱི་ཀྲུར་ཀིཤ་མི་རིགས་ཡིན་པ་དང་པེ་ལེ་སི་ཀྲིན་མི་མང་ཚོས་སྒ་ཛ་ཁུལ་དུ་དངོས་ཟོག་འོར་འདྲེན་གྱི་རོགས་སྐྱོར་ཚོགས་པ་དེ་ཡོང་རྒྱུར་དགའ་བསུའི་སྣེ་ལེན་ཞུ་རྒྱུར་འགུག་ནས་དད་ཡོད་ཀྱང་   དངོས་ཟོག་འོར་འདྲེན་གྱི་གྲུ་གཟིངས་དེ་སྒ་ཛ་ཁུལ་གྱི་མཚོ་གྲམ་དུ་འབྱོར་མ་ཐག་ཨི་སེ་རལ་མཚོ་ཐོག་དམག་དཔུང་གི་མེ་མགྱོགས་ཀྱི་གཏོར་རྒོལ་ཕོག་ནས་རོགས་སྐྱོར་བྱེད་མཁན་མི་གྲངས་བཅུ་གྲངས་ཀྱི་ཚེ་སྲོག་ཤོར་བ་དང་མི་གྲངས་བཅུ་གྲངས་ཁ་ཤས་ལ་རྨས་སྐྱོན་ཕོག་པའི་གནས་ཚུལ་བྱུང་ནས་པེ་ལེ་སི་ཀྲའེན་མི་མང་ཚོས་ཁོང་ཚོ་ཆེན་པོས་ངོ་རྒོལ་གྱི་ཁ་གཏད་གཅོག་རྒྱུ་ཡིན་ལུགས་ཀྱི་ཉེན་རྡ་བཏོང་གི་ཡོད་པ་དང་  ལྷག་པར་དུ་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་སྦན་ཀི་མུན་་མཆོག་གིས་རོགས་སྐྱོར་གྱི་དངོས་ཟོག་འོར་འདྲེན་བྱེད་མཁན་ཚོའི་ཐོག་གཏོར་རྒོལ་བཏང་བའི་བྱ་སྤྱོད་དེ་རིགས་ལ་སྐྱོན་བརྗོད་ཤུགས་ཆེ་གནང་ཡོད་པ་རེད་