བོད་ནང་མནར་གཅོད་དང་གདུག་རྩུབ་ཀྱི་བྱ་སྤྱོད་མཚམས་འཇོག་དགོས་པའི་ལས་འགུལ།
རྒྱལ་སྤྱིའི་བོད་དོན་ལས་འགུལ་ཁང་གིས་དྲ་རྒྱའི་ཐོག་ལས་འགུལ་སྤེལ་བ།
རྒྱལ་སྤྱིའི་བོད་དོན་ལས་འགུལ་ཁང་།
ཕྱི་ཟླ་དྲུག་པའི་ཚེས་ ༢༦ ཉིན་མོ་ནི་འཛམ་གླིང་མཉམ་འབྲེལ་རྒྱལ་ཚོགས་ནས་རྒྱལ་སྤྱིའི་མནར་གཅོད་འགོག་པའི་ཉིན་མོར་གཏན་འབེབས་གནང་བར་བརྟེན་ནས་།འདི་ག་ཨ་རིའི་རྒྱལ་སར་ཡོད་པའི་རྒྱལ་སྤྱིའི་བོད་དོན་ལས་འགུལ་ཁང་ལ་སོགས་པས་ཉིན་མོ་དེ་དང་བསྟུན་ནས་དྲ་རྒྱའི་ཐོག་ནས་རང་དབང་ལུང་པར་གནས་སྡོད་བྱེད་མཁན་བོད་ཀྱི་ཆབ་སྲིད་བཙོན་པ་ཟུར་པ་ཁག་ཅིག་གོ་སྒྲིག་གནང་སྟེ།རྒྱ་ནག་གི་བཙོན་ཁང་དུ་དཀའ་སྡུག་དང་མནར་གཅོད་མྱོང་བཞིན་པའི་བོད་མི་ཆབ་སྲིད་བཙོན་པ་ཚོའི་གནས་སྟངས་གླེང་སློང་གནང་སྟེ་བོད་ནང་མནར་གཅོད་དང་གདུག་རྩུབ་ཀྱི་བྱ་སྤྱོད་མཚམས་འཇོག་བྱས་པའི་ལས་འགུལ་སྤེལ་ཏེ་འདི་ལོའི་རྒྱལ་སྤྱིའི་མནར་གཅོད་འགོག་པའི་ཉིན་མོ་སྲུང་བརྩི་ཞུས་ཡོད་པ་རེད།
དེ་ཡང་དྲ་རྒྱའི་ལས་འགུལ་དེའི་ནང་དུ་འདི་ག་ཨ་རིར་ཡོད་པའི་བོད་ཀྱི་ཆབ་སྲིད་བཙོན་ཟུར་ངག་དབང་གསང་སྒྲོན་ལགས་དང་།དོན་གྲུབ་དབང་ཆེན་ལགས་།གོ་ལོག་འཇིགས་མེད་ལགས་།སུད་སིར་བཞུགས་པའི་ཆབ་སྲིད་བཙོན་པ་ཕུན་ཚོགས་ཉི་སྒྲོལ་ལགས་དང་རིག་འཛིན་ཆོས་སྐྱིད་ལགས་བཅས་ནས་མཉམ་ཞུགས་གནང་སྟེ།དེང་སྐབས་ཚེ་བཙོན་གྱི་ཉེས་ཆད་མྱོང་བཞིན་པའི་བོད་ཀྱི་ཆབ་སྲིད་བཙོན་པ་དབང་འདུས་ལགས་དང་།སླར་ཡང་མི་ལོ་ ༡༨ ཀྱི་བཙོན་འཇུག་གི་ཉེས་ཆད་མྱོང་བཞིན་པའི་བློ་གྲོས་ལགས།དེ་བཞིན་ལོ་ངོ་༡༥བཙོན་འཇུག་གི་ཉེས་ཆད་མྱོང་བཞིན་པའི་ཡེ་ཤེས་ཆོས་སྒྲོན་ལགས། ཡང་དེང་སྐབས་བཙོན་ཁང་ནང་སྡུག་སྦྱོང་མནར་གཅོད་འོག་ནད་གཅོང་བཟོས་པའི་ཐབས་མཁས་རྒྱ་མཚོ་ལགས། བོད་མིའི་གནས་སྟངས་སྐོར་རྩོམ་ཡིག་སྤེལ་བར་བརྟེན་ནས་བཙོན་དུ་ཚུད་པའི་བོད་ཀྱི་རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་བཅས་ཀྱིས་རྒྱ་ནག་གི་བཙོན་ཁང་དུ་མནར་གཅོད་མྱོང་བཞིན་པའི་གནས་སྟངས་གླེང་སློང་གནང་ཡོད་པ་རེད། ད་དུང་རྒྱལ་སྤྱིའི་བོད་དོན་ལས་འགུལ་ཁང་གིས་རྒྱལ་སྤྱིའི་ནང་གི་ཚོགས་མི་རྣམས་ལ་དྲ་རྒྱའི་ཐོག་ནས་རྒྱ་གཞུང་གིས་བོད་ནང་གི་བོད་མི་བཙོན་པ་ཚོར་མནར་གཅོད་གཏོང་བཞིན་པའི་སྦྱར་ཡིག་འགྲེམས་སྤེལ་གནང་སྟེ་ལས་འགུལ་ནང་མཉམ་ཞུགས་གནང་དགོས་པའི་འབོད་སྐུལ་ཞུས་པ་མ་ཟད།
མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་འགན་འཛིན་ལྕམ་Michelle Bachelet མཆོག་ལ་རྒྱ་ནག་གཞུང་གིས་བོད་མིའི་ཐོག་ལག་བསྟར་བྱེད་པའི་དྲག་པོའི་བྱ་སྤྱོད་ཁག་མཚམས་འཇོག་ཡོང་ཐབས་གནང་སྐྱོང་ཡོང་བའི་སྙན་ཞུར་བོད་དོན་རྒྱབ་སྐྱོར་བ་ཆིག་ཁྲི་བདུན་སྟོང་ལྷག་གིས་རྒྱབ་སྐྱོར་ས་ཡིག་བརྒྱབ་པ་ཞིག་ཕུལ་གནང་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག