རྒྱ་གར་གྱིས་ཡོ་རོབ་ཁུལ་དཔལ་འབྱོར་ཉམ་རྒུད་ཀྱི་དཀའ་ངལ་སེལ་ཐབས།

༄༅༎རྒྱ་གར་གྱིས་སྲིད་བློན་གྱིས་ཡོ་རོབ་ཁུལ་དཔལ་འབྱོར་ཉམ་རྒུད་ཀྱ་དཀའ་ངལ་སེལ་ཐབས་ཆེད་རྒྱལ་སྤྱིའི་མ་དངུལ་ཐེབས་རྩར་ཨ་རིའི་ཌོ་ལར་ཐེར་འབུམ་བཅུ་ཐམ་གནང་རྒྱུའི་ཐག་གཅོད་གནང་བ་དེ་སྲུང་སྐྱོབ་གནང་ཡོད་པའི་གནས་ཚུལ་ཐོན་འདུག

ཉིན་ཤས་གོང་མེཀྶི་ཀོའི་ནང་རྒྱལ་ཁབ་ཉི་ཤུའི་ཚོགས་ཆེན་སྐབས་རྒྱ་ནག་གཞུང་གིས་ཡོ་རོབ་ཁུལ་དཔལ་འབྱོར་ཉམ་རྒུད་ཀྱི་དཀའ་ངལ་སེལ་ཆེད་རྒྱལ་སྤྱིའི་མ་དངུལ་ཐེབས་རྩར་ཨ་རིའི་ཌོ་ལར་ཐེར་འབུམ་བཅུ་ཐམ་པ་གནང་རྒྱུའི་ཐག་གཅོད་གནང་བའི་ཐད་རྒྱ་གར་གྱི་ཕྱོགས་འགལ་ཚོགས་པ་ཚོས་རྒྱ་གར་རང་ཉིད་ཀྱི་དཔལ་འབྱོར་གནས་སྟངས་ཞན་པའི་སྐབས་འདིར་ཕྱི་རྒྱལ་ལ་རོགས་སྐྱོར་ཆེན་པོ་དེ་འདྲ་གནང་བར་སྐྱོན་བརྗོད་ཤུགས་ཆེ་བྱས་ཡོད་འདུག  འོན་ཀྱང་སྲིད་བློན་ མན་མོ་ཧན་སིངྒ་མཆོག་གིས་རྒྱ་གར་གྱིས་རོགས་སྐྱོར་གྱི་དངུལ་འབོར་གསལ་བསྒྲགས་མ་གནང་གོང་འབྲེལ་ཡོད་རྒྱལ་ཁབ་ བྭ་ར་ ཛིལ་དང༌། ར་ཤི་ཡ། རྒྱ་ནག་དང་ལྷོ་ཨཕ་རི་ཀའི་བཅས་ཀྱི་དབུ་ཁྲིད་རྣམས་དང་གྲོས་བསྡུར་གནང་ཡོད་ལུགས་གསུངས་པ་དང་སྦྲགས་དདུལ་འབོར་དེ་དག་དགོས་གལ་ནང་བྱུང་ལ་བེད་སྤྱོད་གཏོང་རྒྱུ་དང་དེའི་ལྷག་མ་རྒྱ་སྤྱའི་མ་དངུལ་ཐེབས་རྩའི་ནང་རྒྱ་གར་གྱི་མ་དངུལ་དུ་གསོག་འཇོག་བྱ་རྒྱུ་ཡིན་སྐོར་གསལ་བཤད་གནང་འདུག།