རྒྱ་གར་དང་ཨ་རིས་པ་ཀིསྟན་ནང་གྱེན་ལོག་པར་དྲག་རྒོལ།

༄༅༎རྒྱ་གར་དང་ཨ་མི་རི་ཀའི་གནོན་ཤུགས་འོག་པ་ཀིསྟན་གཞུང་གིས་བྱང་ཕྱོགས་ལྦ་ཛི་རེསེ་ཐན་ནང་གྱེན་ལོག་པར་དྲག་རྒོལ་བྱེད་རྒྱུའི་གྲ་སྒྲིག་ཡོད་པའི་གནས་ཚུལ་ཐོན་འདུག

པ་ཀིསྟན་གྱི་བརྒྱད་ལམ་འདྲ་མིན་ནང་གནས་ཚུལ་ཐོན་བཞིན་པར་གཞིགས་ན་ པ་ཀིསྟན་དང་ཨཕ་ག་ནིསྟན་གྱི་ས་མཚམས་ཀྱི་ས་ཁུལ་བྱང་ཕྱོགས་ལྦ་ཛི་རེ་སེསྟན་ནང་རྒྱ་གར་གཞུང་གིས་ཨ་མི་རི་ཀའི་མཐུན་གྱུར་འོག་ཀུན་སློང་བྱས་པའི་འཐབ་རྩོད་ལ་ཁ་གཡོག་ནས་དོ་དམ་ཐོག་ ལ་ཤེ་ཁར་ཨི་ཏའི་བྭ་དང་ཧ་ག་ནི་ཞེས་པའི་སྒྲིག་འཛུགས་གཉིས་ལ་དྲག་རྒོལ་བྱེད་རྩིས་ཡོད་འདུག

གནས་ཚུན་ཐོན་པ་གཞིགས་ན་ ཨ་རིའི་ཕྱི་སྲིད་དྲུང་ཆེ་ཧི་ལེ་རི་ཁི་ལིན་ཀྲེན་དང་སྲིད་འཛིན་ཨོ་བྭ་མྭ་ཡི་དམིགས་བསལ་སྐུ་ཚབ་རི་ཆརྜི་ཧོལ་བྭུརུཁ་དམག་སྤྱི་མའེཁ་མུལེན་བཅས་ཀྱིས་བྱང་ཕྱོགས་ལྦ་ཛི་རེ་སེ་ཐན་ཁ་བྲལ་གྱེན་ལོག་པ་ར་དྲག་རྒོལ་མཇུག་སྐྱོང་སླད་པ་ཀིསྟན་གྱི་དམག་སྤྱི་ཨཤེ་ཕཁ་པར་ལྦེཤེ་ཀ་ཡ་ཎི་ཡིས་ལས་རྒྱུན་ལོ་གསུམ་འཕར་འགྱངས་ཡོང་བར་པ་ཀིསྟན་གྱི་གཞུང་ལ་གནོན་ཤུགས་སྤྲད་ཡོད་ལུགས་འགྲེལ་བརྗོད་བྱས་འདུག། ཨ་རི་དང་རྒྱ་གར་གྱི་གནོན་ཤུགས་འོག་པ་ཀིསྟན་གྱི་གཞུང་གིས་རེས་གཟའ་པ་སངས་ཉིན་འཇིགས་སྐུལ་དྲག་སྤྱོད་པ་གདོན་ལེན་བྱེད་རྒྱུའི་ཆིངས་དོན་ཞིག་ཀྱང་ཁས་ལེན་བྱས་ཡོད་འདུག།།