རྒྱ་གར་གྱི་དཔལ་འབྱོར་གནས་སྟངས་སྐོར་གསལ་བཤད་བྱས་པ།

༄༅༎དེང་སྐབས་འཛམ་གླིང་ནང་དཔལ་འབྱོར་གྱི་གནས་སྟངས་ཉམས་རྒུད་འགྲོ་བཞིན་ཡང་རྒྱ་གར་གྱི་དཔལ་འབྱོར་གྱི་གནས་སྟངས་དེ་ལྟར་མེད་སྐོར་དཔལ་འབྱོར་བློན་ཆེན་ཅི་རྡམ་སྦ་རམ་མཆོག་གིས་གསུང་འདུག

ཁོང་གིས་རྒྱ་གར་གྱི་དཔལ་འབྱོར་གྱི་གནས་བབ་དེ་ཉམས་རྒུད་འགྲོ་བའི་གནས་བབ་ཀྱི་ཉེ་འཁྲིས་སུའང་སླེབས་མེད་སྐོར་ཁོང་གིས་རྒྱལ་ས་ལྡི་ལིའི་ནང་ཚོགས་པའི་རྒྱ་གར་གྱི་དཔལ་འབྱོར་གྱི་གནད་དོན་ཐོག་གསར་འགོད་གནང་མཁན་གྱི་ལྷན་ཚོགས་ཤིག་ཐོག་གསུང་འདུག ཡང་ཁོང་གིས་དཔལ་འབྱོར་ཉམས་རྒུད་དེ་ལོ་ངོ་གཅིག་གི་ཟླ་ངོ་གསུམ་རེ་བྱས་པ་གཉིས་ནང་ཉམས་རྒུད་འགྲོ་བ་དེར་ཟེར་གྱི་ཡོད་སྟབས་རྒྱ་གར་ནི་དེའི་ཉེ་འཁྲིས་སུའང་སླེབས་ཡོད་པ་མ་རེད་ཅེས་གསུང་འདུག ཡང་ཅི་རྡམ་སྦ་རམ་མཆོག་གིས་རྒྱ་གར་གྱི་དཔལ་འབྱོར་འཕེལ་རྒྱས་ཀྱི་ཚད་གཞི་དེ་ཆུང་དུ་ཕྱིན་ཡང་འཛམ་གླིང་གི་རྒྱལ་ཁབ་ཁོངས་ནས་དཔལ་འབྱོར་འཕེལ་རྒྱས་མྱུར་ཚད་གཉིས་པ་དེར་མུ་མཐུད་གནས་རྒྱུ་ཡིན་སྐོར་གསུང་འདུག ཁོང་གི་མུ་མཐུད་ནས་གོང་ཞུས་ལྷན་ཚོགས་སུ་ཕེབས་པའི་གསར་འགོད་པ་རྣམས་པར་ཡུལ་གྱི་དཔལ་འབྱོར་གྱི་འཕེལ་རྒྱས་དེ་ཆུང་དུ་འགྲོ་རྒྱུར་གྲ་སྒྲིག་བྱེད་དགོས་སྐོར་གསུང་པ་དང་ཆབས་ཅིག་འཛམ་གླིང་གི་དཔལ་འབྱོར་གྱི་གནས་བབ་ཐོག་ལྷིང་འཇག་བྱུང་བ་ཡིན་ན་དཔལ་འབྱོར་གྱི་འཕེལ་ཚད་དེ་བརྒྱ་ཆ་དགུ་བར་བསྐྱར་གསོ་ཡོང་རྒྱུ་ཡིན་སྐོར་གསུང་འདུག