རྒྱ་གར་ནང་ཆར་པ་མ་འབབ་པའི་དཀའ་ངལ།

༄༅༎རྒྱ་གར་ནང་ད་ལྟ་ཆར་ཞོད་ཀྱི་དུས་ཆོད་དེ་ཡིན་ནའང་འདི་ལོ་རྒྱ་གར་ནང་ཆར་ཆུ་མེད་པའི་དཀའ་ངལ་ཆེན་པོ་ཞིག་འཕྲད་བཞིན་ཞིང་པ་མང་ཚོགས་བློ་འཚབ་བྱེད་དགོས་པ་འགྱུར་བཞིན་ཡོད་འདུག

རྒྱ་གར་དབུས་གཞུང་གི་བློན་ཆེན་པིརིཐ་ལྦི་རཇ་ཆ་ལྦན་ཞུ་བས་དབྱིན་ཇིའི་སྦི་སྦི་སི་གསར་འགྱུར་ལས་ཁང་ལ་ཆར་པ་ལྡེང་ངེས་མེད་པའི་དཀའ་ངལ་ཡོད་ནའང་དཀའ་ངལ་དེར་བློ་འཚབ་ཆེན་པོ་བྱ་དགོས་དོན་མེད་པ་དང་ཟླ་བ་བདུན་པའི་ནང་ཆར་ཤུགས་ཆེན་པོ་ཡོང་ངེས་ཀྱིས་དེས་ཐན་པའི་གནོད་འཚེ་མི་ཕོག་པ་ཡོང་གི་རེད་ཅེས་ངོ་སྤྲོད་གནང་ཡོད་པ་རེད།

ཕྱི་ཟླ་དྲུག་པ་ནས་དགུ་པའི་ཆར་ཞོད་ཀྱི་དུས་ཚོད་ལ་ཆར་པ་དགོས་པ་དེ་ཞིང་པ་མང་ཚོགས་ལ་སྟོན་འབྲས་ཡག་པོ་ཡོང་རྒྱུར་མེད་ཐབས་མེད་པ་ཞིག་ཡིན་པ་དང་རྒྱ་གར་གྱི་ཡུལ་མི་བརྒྱ་ཆ་བདུན་བཅུ་ཙམ་གྱི་འཚོ་བ་སོ་ནམས་ཞིང་ལས་ལ་བརྟེན་བཞིན་ཡོད་པ་དང་དེའི་ནང་ཞིང་པ་མང་ཚོགས་བརྒྱ་ཆ་དྲུག་བཅུའི་སྟོན་འབྲས་ཆ་ཚང་ཆར་ཆུར་བརྟེན་དགོས་ཀྱི་ཡོད་པ་རེད།

རྒྱ་གར་གྱི་གསར་ཤོག་ཁག་གིས་གནས་ཚུལ་སྤེལ་དོན་ལ་གཞིགས་ན་ཉུང་མཐར་ཡང་རྒྱ་གར་གྱི་མངའ་སྡེབརྒྱད་ཙམ་གྱི་ནང་ཆར་ཆུ་དུས་ཐོག་མ་འབབ་པའི་དཀའ་ངལ་ཆེན་པོ་འཕྲད་བཞིན་མང་ཚོགས་རྣམས་ཅི་བྱ་ལྟོས་མེད་གྱུར་ཏེ་ཆར་ཆུ་ཡོང་ཐབས་སུ་སྨོན་ལམ་གསོལ་འདེབས་རིམ་པ་ཞིག་བྱེད་བཞིན་ཡོད་འདུག