ཧོང་ཀོང་ནང་དམངས་གཙོའི་ལས་འགུལ་བ་ཚོས་ཡི་ཤུའི་འཁྲུངས་སྐར་ཉིན་མུ་མཐུད་དུ་གཞུང་ལ་ངོ་རྒོལ་བྱས།
2019.12.25
ཧོང་ཀོང་ནང་དམངས་གཙོའི་ལས་འགུལ་བ་ཚོས་ཡི་ཤུའི་འཁྲུངས་སྐར་ཉིན་མུ་མཐུད་དུ་གཞུང་ལ་ངོ་རྒོལ་བྱས་སྐབས། ༢༠༡༩།༡༢།༢༥
AFP
ཧོང་ཀོང་ནང་དམངས་གཙོའི་ལས་འགུལ་བ་ཚོས་ཡི་ཤུའི་འཁྲུངས་སྐར་ཉིན་མོར་མུ་མཐུད་དུ་ངོ་རྒོལ་གྱི་ལས་འགུལ་སྤེལ་འདུག
དེ་ཡང་སྤྱི་ཟླ་༡༢་བའི་ཚེས་༢༥་སྟོན་པ་ཡི་ཤུའི་འཁྲུངས་སྐར་ཉིན་མོར། གང་སར་གུང་སེང་བཏང་ནས་དུས་ཆེན་ལ་རོལ་བཞིན་ཡོད་ཀྱང་ཧོང་ཀོང་ནང་གཞུང་ལ་ངོ་རྒོལ་བྱེད་མཁན་དམངས་གཙོའི་ལས་འགུལ་བ་ཚོས་དམངས་གཙོའི་དགོས་འདུན་གྱི་འབོད་ཚིག་སྒྲོག་བཞིན། ས་གནས་ཁག་གཅིག་ནང་མུ་མཐུད་དུ་རྔམ་སྟོན་ཁྲོམ་སྐོར་བྱས་ཡོད་པ་དང་། དེ་ནི་ཉེན་རྟོག་པ་དང་ངོ་རྒོལ་བའི་བར་དྲག་པོའི་གདོང་ཐུག་བྱུང་ནས་ཡུལ་སྐོར་བའི་ས་གནས་གཙོ་བོ་ཞིག་ཏུ་ཉེན་རྟོག་པས་མིག་ཆུ་ཤོར་བྱེད་ཀྱི་དུག་རླངས་ཀྱིས་ཁེངས་བཅུག་པའི་ཉིན་གཉིས་པ་དེ་ཡིན་པ་རེད།
འདས་བའི་ཟླ་ངོ་དྲུག་ལྷག་གི་རིང་ཧོང་ཀོང་ནང་བྱུང་བའི་ངོ་རྒོལ་གྱི་ལས་འགུལ་མང་ཆེ་བ་ཞི་བའི་ངོ་རྒོལ་ཡིན་ཞིང་། ཉེ་བའི་ཆར་ས་གནས་འོས་བསྡུའི་ཁྲོད་དམངས་གཙོའི་ཕྱོགས་གཏོགས་ལ་རྒྱལ་ཁ་ཆེན་པོ་ཐོབ་ཡོད་པ་རེད།
མི་དམངས་ཀྱི་བསམ་ཚུལ་བསྡུ་ལེན་ཁྲོད་པེ་ཅིན་གཞུང་དང་སེམས་ཐག་ཉེ་བའི་ཧོང་ཀོང་གི་འགོ་ཁྲིད་ཚོར་ཕམ་ཁ་བྱུང་ཡོད་པ་ཤེས་རྟོགས་གསལ་པོ་བྱུང་ཡོད་ནའང་ཧོང་ཀོང་གི་འགོ་ཁྲིད་ཚོས་གུ་ཡངས་ཀྱི་རྣམ་འགྱུར་གང་ཡང་མེད་པར། ཐ་ན་དུས་ཆེན་གྱི་འདུ་འཛོམས་ལའང་དྲག་གནོན་གྱི་རྣམ་པ་ཤུགས་ཆེ་རུ་བཏང་སྟེ། འདས་བའི་དུས་སུ་ངོ་རྒོལ་ལས་འགུལ་བྱུང་ཡུལ་ཁག་ཏུ་ཉེན་རྟོག་པས་སྐོར་ནས་ཡི་ཤུའི་འཁྲུངས་སྐར་དུས་ཆེན་གྱི་རྒྱན་གོས་གོན་མཁན་ལྟ་སྐོར་བ་དང་ཉོ་ཅ་རྒྱག་མཁན་ཚོར་ཡང་འགྲོ་འོང་སྟབས་མི་བདེ་བ་བྱུང་ཡོད་པ་གནས་ཚུལ་ཁག་ནང་བཀོད་འདུག
བརྙན་པར་ཞིག་གི་ནང་མི་ཚོཊ་ཆེ་སའི་(Mong Kok)་ས་གནས་སུ་ཉེན་རྟོག་པ་ཞིག་གིས་ལྟ་སྐོར་བ་སྐྱེས་པ་ཞིག་གི་ཐོག་སི་པན་གྱི་ཟེགས་ཆུ་གཏོར་བ་མ་ཟད། ཁྲོམ་རའི་ཕྱི་རོལ་ཏུ་ཉེན་རྟོག་པ་ཚོས་མི་དེ་འཛིན་བཟུང་བྱས་ཡོད་པ་མཐོང་ཐུབ་ཀྱི་ཡོད་པ་རེད།
ཧོང་ཀོང་ནང་ཞི་བའི་ངོ་རྒོལ་ནང་ཞུགས་མཁན་མི་གྲངས་བརྒྱ་ཕྲག་མང་པོས་གོས་ནག་པོ་གྱོན་ཞིང་ཁ་རས་གྱོན་ནས་ཁྲོམ་ར་ཁག་ཏུ་ཧོང་ཀོང་ནང་རང་དབང་དགོས་བའི་འབོད་ཚིག་འདྲ་མིན་སྒྲོག་བཞིན་ས་གནས་གཞུང་ལ་ངོ་རྒོལ་བྱས་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག