༸གོང་ས་མཆོག་དང་སརྐོསི་མཆོག་གི་མཇལ་འཕྲད་ལ་འགྱུར་མེད།

༄༅༎རྒྱ་ནག་གཞུང་གི་གནོན་ཤུགས་དང་དེ་བཞིན་རྒྱ་ནག་དང་ཕ་རན་སིའི་བར་གྱི་ཨ་སྒོར་ཐེར་འབུམ་མང་པོའི་ཚོང་འབྲེལ་མཚམས་འཇོག་ཡོང་རྒྱུའི་ཉེན་བརྡ་བཏང་བར་མ་ལྟོས་པར་ཕ་རན་སིའི་སྲིད་འཛིན་ནིཀོ་ལས྄་སར་ཀོ་སི་མཆོག་གིས་བོད་ཀྱི་དབུ་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་དང་ལྷན་དུ་གཟའ་སྤེན་པའི་ཉིན་པོ་ལེནཌ་ཡི་སྲིད་འཛིན་ཟུར་པ་ལེཅ་བལི་སྰ་མཆོག་ལ་ནོར་བེལ་ཞི་བདེའི་གཟེངས་རྟགས་བཞེས་ནས་ལོ་ངོ་ཉི་ཤུ་རྩ་ལྔ་འཁོར་བའི་དུས་དྲན་གྱི་རྟེན་འབྲེལ་མཛད་སྒོ་སྐབས་སུ་མཇལ་འཕྲད་གནང་རྒྱུ་ཡིན་པ་ཕ་རན་སའི་སྲིད་འཛིན་ཕོ་བྲང་གི་མགྲིན་ཚབ་པས་གཟའ་པ་སངས་ཀྱི་ཉིན་གནས་ཚུལ་ཕྱིར་བསྒྲགས་གནང་ཡོད་པ་རེད།

ཕ་རན་སིའི་ཕྱི་སྲིད་བློན་ཆེན་མཆོག་གིས་ཕ་རན་སིའི་གཞུང་གི་ལས་དོན་སྤེལ་ཕྱོགས་དང་ཕ་རན་སིའི་དཔོན་རིགས་ཀྱིས་མི་སུ་འདྲ་ཞིག་དང་མཇལ་འཕྲད་གནང་མིན་གྱི་ཐོག་ང་ཚོའི་གྲོགས་པོ་ཡིན་ན་ཡང་བཀོད་པ་གཏང་རྒྱུའི་དབང་ཚད་གང་ཡང་མེད་པ་རེད་ཅེས་གསུངས་ཡོད་པ་དང་དེ་བཞིན་གཟའ་སྤེན་པའི་ཉིན་པོ་ལེནཌ་ཡི་སྲིད་བློན་ཌོ་ནལ་ཊ་ས྄ཀ་མཆོག་དང་༸གོང་ས་སྐྱབས་མགོན་ཆེན་པོ་མཆོག་རྣམ་གཉིས་ཡང་མཇལ་འཕྲད་གནང་ཡིན་པ་རེད༎