སྤྱི་ཚོགས་དྲ་རྒྱའི་ཐོག་མིང་འདྲ་མིན་རྫུན་བཟོས་བྱས་ནས་གནས་ཚུལ་བསྡུ་རུབ།

རྒྱ་ནག་གི་གསང་བའི་ལས་ཁུངས་ཀྱིས་སྤྱི་ཚོགས་དྲ་རྒྱའི་ཐོག་མིང་འདྲ་མིན་རྫུན་བཟོས་བྱས་སྟེ་ཇར་མན་(Germany)་གྱི་དཔོན་རིགས་དང་ཆབ་སྲིད་པའི་མི་སྒེར་གྱི་གནས་ཚུལ་བསྡུ་རུབ་བྱེད་བཞིན་པ་(Germany)་གི་གསང་བའི་ལས་ཁུངས་ཀྱིས་ཕྱིར་བསྒྲགས་བྱས་འདུག
དེ་ཡང་(Reuters)་གསར་ཁང་གིས་སྤྱི་ཚེས་༡༠་ཉིན་(Germany)་གྱི་རྒྱལ་ས་(Berlin)ནས་གནས་ཚུལ་སྤེལ་བ་ལྟར་ན། (The BfV)་རྒྱལ་ནང་གི་གསང་བའི་ལས་ཁུངས་ཀྱིས་རྒྱུན་ལྡན་མིན་པའི་སྒོ་ནས་སྤྱི་ཚོགས་དྲ་རྒྱའི་ཐོག་མི་སྒེར་དང་སྒྲིག་འཛུགས་ཀྱི་ངོ་བོའི་ཐོག་ནས་མིང་རྫུན་བཟོས་བྱས་པའི་གནས་ཚུལ་ཐེར་བཏོན་གྱིས་དཔོན་རིགས་ཚོར་སྤྱི་ཚོགས་དྲ་རྒྱའི་ཐོག་རིན་ཐང་ཆེ་བའི་སྒེར་གྱི་གནས་ཚུལ་ཕྱིར་ཤོར་འགྲོ་བཞིན་པའི་ཉེན་བརྡ་བཏང་འདུག
ལས་ཁུངས་དེས་རྒྱ་ནག་གི་གསང་བའི་ལས་ཁུངས་དག་གིས་སྤྱི་ཚོགས་ཀྱི་དྲ་རྒྱ་དཔེར་ན་(LinkedIn)་ཞེས་པར་ཧ་ཅང་དོ་སྣང་གིས་དེ་བརྒྱུད་གསང་བའི་གནས་ཚུལ་དཔེར་ན། དྲ་རྒྱ་བེད་སྤྱོད་པོའི་གོམས་གཤིས་དང་། དབྱིངས་ལས། ཆབ་སྲིད་ཀྱི་དགའ་མོས་བཅས་ཀྱི་གནས་ཚུལ་བསྡུ་རུབ་བྱེད་བཞིན་པའི་གནས་སྟངས་ཡིན་པ་བརྗོད་འདུག
(the BfV)་གསང་བའི་ལས་ཁུངས་ཀྱིས་མུ་མཐུད་དུ་ཟླ་ངོ་དགུ་ཙམ་རིང་ཁོང་ཚོས་གནས་སྟངས་དེའི་ཐད་ཞིབ་འཇུག་བྱས་པའི་བརྒྱུད་(Germany)་གྱི་མི་སེར་ཁྲི་གཅིག་ཙམ་ལ་(LinkedIn)་ ཆེད་ལས་ཀྱི་དྲ་རྒྱའི་བརྒྱུད་དུ་སློབ་སྟོན་པ་དང་། ཉམས་ཞིབ་པ་ཡང་ན་སློབ་གཉེར་བ་བཅས་ཀྱི་མིང་འདྲ་མིན་རྫུན་བཟོས་བྱེད་མཁན་ཁག་གིས་ཁོ་ཚོ་དང་འབྲེལ་མཐུད་བྱས་པའི་གནས་ཚུལ་ཤེས་རྟོགས་བྱུང་ཡོད་པ་དང་། ད་དུང་དེ་ལས་མང་ཙམ་གྱི་སྒེར་བར་དམིགས་ཚད་བཟུང་བ་དང་། རྫུན་བཟོས་བྱས་པའི་མིང་ངོས་འཛིན་མ་ཐུབ་པའི་གྲངས་ཀ་མཐོ་པོ་ཡོད་སྲིད་པ་རེད་ཅེས་བརྗོད་འདུག
རེས་གཟའ་ཟླ་བའི་ཉིན་གནད་དོན་དེའི་སྐོར་པེ་ཅིང་དུ་གླེང་སློང་གནང་སྐབས་རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པ་(Lu Kang)་གིས་ཉེས་འཛུགས་དེ་ནི་གཞི་རྩ་མེད་པ་ཞིག་རེད་ཅེས་བརྗོད་དེ་ངོས་ལེན་བྱས་མི་འདུག

གསར་འགོད་པ་གུ་རུ་ཆོས་སྐྱིད།