ཇར་མ་ནིའི་སྲིད་བློན་མཆོག་རྒྱ་ནག་ཏུ་ཕེབས་རྒྱུ།

༄༅༎རྒྱ་ནག་ཕྱི་འབྲེལ་ལས་ཁུངས་ཀྱི་མགྲིན་ཚབ་པས་ཁ་ས་གནས་ཚུལ་ཕྱིར་བསྒྲགས་བྱས་པའི་ནང་རྒྱ་ནག་གི་སྲིད་བློན་ལྦེན་ཅ་བའོ་གི་གདན་ཞུ་ཕུལ་བ་ལྟར་འདི་ཟླའི་ཚེས་ཉི་ཤུ་གསུམ་ནས་ཉི་ཤུ་ལྔ་བར་ཇར་མན་སྲིད་བལོན་ལྕམ་ཨེན་ཇེ་ལ་མར་ཀེལ་མཆོག་རྒྱ་ནག་ཏུ་རྒྱལ་དོན་འཚམས་གཟིགས་གནང་རྒྱུ་དང་དུས་ཚོད་དེའི་སྐབས་ཇར་མན་སྲིད་བློན་མཆོག་ནས་རྒྱ་ནག་ནང་ཚོགས་རྒྱུའི་ཨེ་ཤེ་ཡ་དང་ཡུ་རོབ་ཡུལ་ཁག་གི་ལྷན་ཚོགས་སུ་ཚོགས་བཅར་ཡང་ཞུ་རྒྱུ་ཡིན་པ་འགྲེལ་བརྗོད་བྱས་འདུག ཇར་མན་སྲིད་བློན་ཨེན་ཇེ་ལ་མར་ཀེལ་མཆོག་ནས་དེ་སྔ་བོད་མིའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཇར་མན་ཁུལ་དུ་ཆིབས་བསྒྱུར་བསྐྱངས་སྐབས་སྲིད་བློན་གྱི་ལས་ཁུངས་ནང་གཞུང་འབྲེལ་མཇལ་འཕྲད་ཞུས་ཏེ་རྒྱ་ནག་ལ་ཕོགས་ཐུག་གི་ཁོང་ཁྲོ་ཆེན་པོ་བྱུང་ཡོད་པ་མ་ཟད་སྲིད་བློན་མཆོག་ནས་པེ་ཅིང་དུ་རྒྱལ་སྤྱིའི་ཨོ་ལིམ་པིག་རྩེད་འགྲན་དབུ་འབྱེད་ཀྱི་མཛད་སྒོར་ཡང་ཕེབས་མེད་པ་རེད་ ཨེ་ཤེ་ཡ་དང་ཡུ་རོབ་ཡུལ་ཁག་གི་ལྷན་ཚོགས་འདི་བཞིན་འདི་ཟླའི་ཚེས་ཉི་ཤུ་བཞི་ནས་ཉི་ཤུ་ལྔ་བར་རྒྱ་ནག་གི་རྒྱལ་ས་པེ་ཅིང་དུ་ཚོགས་ཀྱི་ཡོད་འདུག་ལ་ཚོགས་འདུ་འདིའི་ཐོག་རྒྱ་ནག་གི་སྲིད་བློན་ལྦེན་ཅ་བའོ་གི་གདན་ཞུ་ཕུལ་བ་བཞིན་ད་ཕན་སོལོ་ལྦེ་ནི་ཡའི་སྲིད་འཛིན་ཌེ་ནི་ལོ་ཊཀ་དང་པོའོ་ལེན་གྱི་སྲིད་བློན་ཌོ་ནལ་ཀྲསི་རྣམ་གཉིས་ཡང་ཕེབས་གཏན་འཁེལ་ཡོད་པ་རེད་།