བོད་དུ་སློབ་ཕྲུག་ལ་རིན་མེད་གསུམ་གྱི་མཐུན་རྐྱེན་སྤྲོད་རྒྱུ།

༄༅༎བོད་རང་སྐྱོང་ལྗོངས་ས་གནས་སྲིད་གཞུང་གིས་རིན་མེད་གསུམ་ཞེས་པའི་ལས་འཆར་ པ་མ་ལེ་ཤི་ཡ་སི་ཀྲའར་(Malaysia Star)ཞེས་པའི་གསར་ཤོག་གིས་གཟའ་ཟླ་བའི་ཉིན་གནས་ཚུལ་སྤེལ་འདུག
རྒྱ་ནག་གི་ཞིང་ཆེན་ཁག་དང་རང་སྐྱོང་ས་གནས་ཁག་ནང་ལག་ལེན་བསྟར་མུས་ཡིན་པ་ནང་བཞིན་བོད་ནང་གི་སློབ་ཕྲུག་ཚོས་འཛིན་རིམ་ དང་པོ་ནས་བཅུ་གཉིས་བར་སློབ་ཡོན་སྤྲོད་མི་དགོས་པར་བསྐྱོད་ཆོག་པའི་མཐུན་རྐྱེན་ཡོད་མུས་ཐོག་ལ་ ད་ལོའི་སྟོན་ཀ་ནས་འགོ་བཙུགས་ཏེ་ སྔོན་འགྲོའིསློབ་གྲའི་ནང་ལའང་ ལོ་གསུམ་རིང་སློབ་ཡོན་སྤྲོད་མི་དགོས་པར་བསྐྱོད་ཆོག་པའི་མཐུན་རྐྱེན་སྤྲོད་རྒྱུ་ཡིན་པ་གསལ་བསྒྲགས་བྱས་འདུག་ བོད་རང་སྐྱོང་ལྗོངས་ཀྱི་ཤེས་ཡོན་ལས་ཁུངས་ཀྱི་འགན་འཛིན་སུང་ཧོ་ཕིང་གིས་ཉེ་ཆར་རྒྱ་ནག་རྒྱལ་ཡོངས་རླུང་འཕྲིན་ཐོག་ལ་ལས་འཆར་རྒྱང་སྲིང་བྱས་གསལ་ལྟར་ན་ ༡༩༨༥འི་ལོ་ནས་བཟུང་ལག་ལེན་བསྟར་བའི་འཆར་གཞི་གཞིར་བཟུང་ ལོ་ ༡༥ བར་དུ་ སློབ་ཡོན་སྤྲོད་མི་དགོས་པར་ཤེས་ཡོན་གྱི་འགྲོ་སོང་ཆ་ཚང་གཞུང་གིས་གཏོང་རྒྱུའི་ཐོག་ལ་ ཕྱི་ལོ་ ༢༠༡༡ ནས་ ༢༠༡༥ བར་གྱི་ལོ་ ༥འི་འཆར་གཞིའི་འོག་ གྲོང་ཁྱེར་ཁག་ནང་ སློབ་ཕྲུག་རེ་རེར་རོགས་དངུལ་རྒྱ་སྒོར་ཡོན་ ༣༠༠༠ རེ་སྤྲོད་རྒྱུ་དང་ ཞིང་འབྲོག་ཁུལ་དང་ ཉམ་ཐག་ཅན་ཚོར་ རོགས་དངུལ་འཐོལ་པ་སྤྲོད་རྒྱུའི་འཆར་གཞི་ཡོད་པ་རེད་ བོད་རང་སྐྱོང་ལྗོངས་ཀྱི་ཤེས་ཡོན་ལས་ཁུངས་ཀྱི་འགན་འཛིན་ སུང་ཧོ་ཕིང་གིས་མུ་མཐུད་བརྗོད་གསལ་ལ་ འདས་པའི་དུས་སུ་ རྒྱ་ནག་ནང་ འཛིན་རིམ་ ༡༢ བར་དུ་ སློབ་ཡོན་སྤྲོད་མི་དགོས་པར་ ཕྲུ་གུ་ཚང་མས་སློབ་གྲར་བསྐྱོད་དགོས་པ་གཏན་འབེབས་བྱས་ཀྱང་ད་ཆ་དུས་ཀྱི་འགྱུར་བར་བསྟུན་ཏེ་ ཕྲུ་གུ་ཚོ་སྔོན་འགྲོའི་སློབ་གྲར་བཏང་སྟེ་ཤེས་ཡོན་གྱི་རྩིག་རྨང་ཡག་པོ་ཞིག་གཏིང་རྒྱུ་ཡང་ མ་བྱས་ཐབས་མེད་ཆགས་འདུག་ཞེས་གསལ་བསྒྲགས་བྱས་འདུག།