རྒྱ་གར་དམག་སྤྱི་ཟུར་པས་བོད་དོན་རྒྱབ་སྐྱོར་གནང་བ།

༄༅༎རྒྱ་གར་གྱི་དམག་སྤྱི་དང་ཁྲིམས་རྩོད་པ་ཚོས་བོད་ཀྱི་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་ལ་རྒྱབ་སྐྱོར་མཚན་རྟགས་བཀོད་གནང་འདུག
འདི་ཚེས་༤་ཉིན་རྒྱ་གར་ལྷོ་ཕྱོགས་ཁུལ་གྱི་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་དེ་རཱ་ཇ་སེ་ཐན་ནང་འབྱོར་བ་དང་། རཱ་ཇ་སེ་ཐན་མངའ་སྡེའི་ཁྲིམས་ཁང་གོང་མའི་ཁྲིམས་རྩོད་པའི་སྒྲིག་འཛུགས་ནས་བདེན་པའི་མེ་ལྕེར་ཕེབས་བསུ་སྣེ་ལེན་གནང་བ་དང་། ལྷག་པར་རྒྱ་གར་གྱི་ས་དམག་དམག་སྤྱི་ཟུར་པ་སྐུ་ཞབས་ཝི་ ཀེ་ སིངྒ་དང་། དམག་དཔོན་ཟུར་པ་ ཨེན་ སྦི་ སིངྒ་ བཅས་ཀྱིས་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་ལ་རྒྱབ་སྐྱོར་མཚོན་ཆེད། རྒྱལ་ཚོགས་སུ་འབུལ་རྒྱུའི་བོད་དོན་ཞུ་སྙན་སྟེང་མཚན་རྟགས་བཀོད་གནང་འདུག
རྒྱ་གར་ནང་བདེན་པའི་མེ་ལྕེ་དེ་ཕྱོགས་གསུམ་སྐོར་བསྐྱོད་བྱེད་བཞིན་ཡོད་པ་དང་། དེ་བཞིན་ཨ་རི་དང་ཡོ་རོབ། ཨོ་སི་ཊོ་ལི་ཡ་སོགས་ཕྱི་ཡི་རྒྱལ་ཁབ་སུམ་ཅུ་ལྷག་ནང་སྐོར་སྐྱོད་བྱེད་བཞིན་ཡོད་པ་རེད།།