བལ་ཡུལ་ཕྱོགས་འགལ་ཚོགས་པའི་ལས་ཁུངས་སུ་འབར་གས།

༄༅༎བལ་ཡུལ་ནང་ཕྱོགས་འགལ་ཚོགས་པའི་ཆེ་ཤོས་ཀྱི་ལས་ཁུངས་ནང་འབར་རྫས་ཀྱི་གས་གཏོར་གྱི་དོན་རྐྱེན་ནང་མི་ལ་སྐྱོན་གང་ཡང་བྱུང་མི་འདུག༎

རེས་གཟའ་ཉི་མའི་སྔ་དྲོ་བ་ཡུལ་ནུབ་དབུས་ཀྱི་སྦང་ཀེ་རྫོང་ནས་ཕྱོགས་འགལ་ཚོགས་པ་ལྟེ་བ་བལ་ཡུལ་དམར་ཤོག་ཆིག་སྒྲིལ་ཚོགས་པའི་ལས་ཁུངས་ཐབས་ཤས་ཤིག་གི་ནང་འབར་རྫས་གས་གཏོར་གྱི་དོན་རྐྱེན་བྱུང་ཡོད་ཀྱང་སྐབས་དེར་ལས་ཁུངས་ནང་མི་མེད་པར་རྐྱེན་རྨས་སྐྱོན་བྱུང་མེད་ལུགས་ས་གནས་ཀྱི་ཉེན་སྲུང་མི་སྣས་འགྲེལ་བརྗོད་བྱས་འདུག་ དྲག་རྒོལ་གྱི་ལས་འགུལ་སྤེལ་མཁན་ལྷོ་ཕྱོགས་ཏེ་རའི་མུཀ་ཏི་ཇ་ལྦ་ལ་སིངྒ་ཞེས་པའི་འཐབ་རྩོད་ཀྱི་སྒྲིག་འཛུགས་ཡིན་པ་ངོས་ལེན་བྱས་ཡོད་ལུགས་ནེ་པལ་ཌོཏ་ཀོམ་ཞེས་པའི་དྲྭ་རྒྱས་གནས་ཚུལ་སྤེལ་འདུག སྒྲིག་འཛུགས་དེའི་འགོ་ཁྲིད་སྦ་གཏ་སིངྒ་རང་ཉིད་ཀྱིས་ས་གནས་ཀྱི་གསར་འགོད་པ་ཁག་ཅིག་ལ་ཁ་དཔར་བཏང་ནས་དྲག་རྒོལ་བྱས་པ་ངོས་ལེན་བྱས་ཡོད་འདུག༎