བཀའ་ཤག་དང་སྤྱི་འཐུས་སོ་སོ་ནས་གསར་འགོད་བསྒྲགས་གཏམ།

༄༅༎ཟླ་འདིའི་ཚེས་༡༥ཉིན་བོད་མདོ་སྨད་གཅན་ཚ་རྫོང་ནང་ རང་ལོ་ ༥༩ ཙམ་ཡིན་པའི་འབྲོག་པ་རྟ་མགྲིན་ཐར་ལགས་ཀྱིས་རྒྱ་ནག་གཞུང་ལ་ངོ་རྒོལ་མཚོན་ཆེད་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་བར། བོད་གཞུང་བཀའ་ཤག་དང༌། སྤྱི་འཐུས་ལྷན་ཚོགས་སོ་སོ་ནས་གསར་འགོད་བསྒྲགས་གཏམ་རེ་སྤེལ་ཏེ། རྒྱ་ནག་གཞུང་གིས་དམ་དྲག་ཅན་གྱི་སྲིད་བྱུས་དེ་ཕན་འབྲས་མེད་པར་བརྟེན། འཕྲལ་མར་མཚམས་འཇོག་ཐོག་བོད་མིས་རང་ལུས་མེར་སྲེག་བཏང་བའི་དོན་རྐྱེན་འགོག་ཐབས་བྱེད་དགོས་སྐོར་དང༌། ད་ལྟའི་ཆར་གཅན་ཚའི་ཁུལ་དུ་རྒྱ་མིའི་དྲག་ཆས་ཉེན་རྟོག་དམག་མི་བརྒྱ་ཕྲག་མང་པོ་འགྲེམས་འཇོག་བྱས་ཏེ་བོད་མི་ཚོའི་འགྲོ་སྡོད་ལ་སྟངས་འཛིན་བྱེད་བཞིན་པའི་གནས་སྟངས་ཧ་ཅང་ཛ་དྲག་པོ་ཡོད་པ་དེ་དག་ཕྱིར་བསྡུའི་ཐོག   བོད་ནང་ད་ལྟ་བོད་མིའི་དངོས་ཡོད་ཀྱི་དཀའ་ངལ་ཁག་ཞི་བའི་ལམ་ནས་སེལ་ཐབས་ཀྱིས་ཕུགས་བརྟན་འཕེར་བའི་ཐབས་ལམ་ལག་བསྟར་དགོས་པ་དབུས་བོད་བཞུང་གིས་འབོད་སྐུལ་ཞུ་ཡོད་ཅེས་བརྗོད་འདུག།

དངུལ་ཆུའི་རིགས་སྲེལ་ལྷད་ཕྱིན་པའི་འོ་ཙམ་གྱིས་ཕྲུ་གུའི་གླད་པ་དང་ མཁྱལ་མར་ནད་པ་བཟོ་གི་ཡོད་པ་དང༌། ཕྱི་ལོ་ཉིས་སྟོང་བརྒྱད་ལོར་དབྱིད་ལིས་དང་ མང་མྱུའི་སོགས་རྒྱ་ནག་ནང་འོ་མ་བཟོ་ལས་ཁང་ཁག་ཅིག་ལ་དོན་རྐྱེན་དེ་རིགས་ལྷགས་ནས་་ཕྲུ་གུ་མང་པོ་ཤི་བ་དང་ན་བ་བྱུང་ཡོད་པ་རེད།