ཡོ་རོབ་མཉམ་འབྲེལ་ལྷན་ཁང་གི་ཚོཊ་གཙོ་དང་རྒྱ་ནག་གི་སྲིད་བློན་རྣམ་གཉིས་མཇལ་འཕྲད་གནང་ཡོད་པ།

༄༅༎ཡོ་རོབ་མཉམ་འབྲེལ་ལྷན་ཁང་གི་ཚོགས་གཙོ་ ཧོསེ མེནུའུཝེལ་ བྷརོ་སོ་ཡིས་རྒྱ་ནག་གི་སྲིད་བློན་ ཝུན་ཅ་པའོ་ དང་མཇལ་འཕྲད་གནང་བའི་སྐབས་རྒྱ་ནག་གི་ ཨོ་ལིམ་པིཀ་ རྩེད་འགྲེན་ལ་རྒྱབ་སྐྱོར་ཡོད་པའི་སྐོར་དང་ལྷག་པར་དུ་བོད་ནང་གི་ཛ་དྲག་གི་

གནས་སྟངས་སྐོར་གླེང་སློང་གནང་བའི་རྗེས་བོད་ཀྱི་གནས་སྟངས་ལ་དུས་ཚོད་གང་མགྱོགས་ནང་བཟང་ཕྱོགས་ཀྱི་འགྱུར་བ་ཞིག་ཡོང་རྒྱུའི་ཐུགས་རེ་གནང་གི་ཡོད་པའི་སྐོར་གསུངས་ཡོད་པ་རེད། དེང་སྐབས་བོད་ནང་རྒྱ་ནག་གཞུང་གི་མུ་མཐུད་དྲག་གནོན་ཤུགས་ཆེ་

བྱེད་བཞིན་པའི་ཛ་དྲག་གི་དུས་སྐབས་དང་། རྒྱ་ནག་གི་་ ཨོ་ལིམ་པིཀ་ རྩེད་འགྲན་ཐོག་ངོ་རྒོལ་བྱེད་པའི་ཛ་དྲག་གི་སྐབས་དེར་སྐུ་ཞབས་ ཧོསེ་ བྷརོ་སོ་་ ཡི་གཙོས་པའི་ཡོ་རོབ་མཉམ་འབྲེལ་ལྷན་ཚོགས་ཀྱི་སྐུ་ཚབ་ཆེས་མང་པོ་ཞིག་གིས་སྣེ་ཁྲིད་གནང་སྟེ་རྒྱ་ནག་ཏུ་

འཚམས་འདྲིར་ཕེབས་ཡོད་ཅིང་། ད་རེས་ཁོང་གི་འཚམས་འདྲི་དེའི་རིང་ལ་རྒྱ་ནག་གི་དབུ་ཁྲིད་དང་བཀའ་མོལ་གནང་

རྒྱུའི་ལས་དོན་ནང་གི་ནང་ནས། གཙོ་བོ་གཅིག་བོད་ཀྱི་ཛ་དྲག་གི་གནས་སྟངས་སྐོར་གླེང་སློང་གནང་རྒྱ་དེ་ཡིན་པ་དང་། ཡོ་རོབ་ཀྱི་ཚོང་ལས་པ་ཚོས་རྒྱ་ནག་དང་ཚོང་ལས་ཀྱི་འབྲེལ་ལམ་ཡར་རྒྱས་གཏང་རྒྱུའི་གནད་དོན་ཡང་ཡོད་པ་རེད། ད་རིང་ཁོང་གིས་རྒྱལ་ས་པེ་ཅིང་དུ་གསར་འགོད་ལྷན་ཚོགས་ཐོག་ལ་ཁོང་དང་རྒྱ་ནག་གི་སྲིད་བློན་་ ཝུན་ཅ་པའོ་མཇལ་འཕྲད་གྲོས་མོལ་བྱུང་བའི་སྐབས་ངེས་པར་དུ་བོད་ནང་རང་དབང་ལྡན་པའི་ཕྱི་རྒྱལ་གསར་འགོད་པ་དང་ཕྱི་རྒྱལ་བལྟ་སྐོར་འགྲོ་བསྐྱོད་ཆོག་པའི་གནད་དོན་སྐོར་ལ་ཛ་དྲག་གི་འབོད་སྐུལ་ཞུས་པ་དང་། ཝུན་ཅ་པའོ་ ཡི་ལྷན་དུ་བོད་ཀྱི་གནད་དོན་ཐོག་ཕྱོགས་ཕན་ཚུན་གྱི་དགོངས་ཚུལ་སྤེལ་རེས་ལྷུག་པོ་བྱུང་བའི་སྐོར་གསུངས་ཡོད་པ་རེད། ཝུན་ཅ་པའོ་ ངོས་ནས་ཀྱང་རེས་གཟའ་ཕུར་བུའིི་ཉིན་ཡོ་རོབ་མཉམ་འབྲེལ་ལྷན་ཚོགས་ཀྱི་ཚོགས་གཙོའི་ལྷན་དུ་བོད་ཀྱི་གནས་སྟངས་དང་དེར་རྒྱ་ནག་གཞུང་གིས་འཛིན་བཞིན་པའི་ལངས་ཕྱོགས་སྐོར་གྲོས་མོལ་དུས་ཚོད་ཐུང་ངུ་ཞིག་བྱུང་བ་དང་ཕྱོགས་བར་ལ་གནད་དོན་མང་པོའི་ཐོག་དགོངས་ཚུལ་གཅིག་མཐུན་བྱུང་བ་མ་ཟད། ད་རེས་ཀྱི་མཇལ་འཕྲད་གྲོས་མོལ་དེ་ནི་རྨང་གཞི་ཡག་པོ་ཞིག་བཏིང་ཐུབ་པ་བྱུང་ཡོད་པའི་སྐོར་བཤད་ཡོད་པ་

རེད༎