རྒྱ་ནག་གིས་ལྷོ་བྱང་ཀོ་རི་ཡའི་རྩོད་རྙོག་སེལ་ཐབས་བྱེད་བཞིན་པ།

༄༅༎རྒྱ་ནག་གཞུང་གིས་ལྷོ་བྱང་ཀོ་རི་ཡའི་ཛ་དྲག་གི་དཀའ་རྙོག་སེལ་ཐབས་ཆེད་རྒྱལ་ཁབ་དྲུག་གི་ལྷན་ཚོགས་ཤིག་ཕྱི་ཟླ་བཅུ་གཉིས་པའི་གོ་སྟོད་དུ་འཚོགས་དགོས་པའི་གྲོས་འཆར་སྟོན་ཡོད་འདུག

ཉེ་དུས་བྱང་ཀོ་རི་ཡས་ལྷོ་ཀོ་རི་ཡའི་ལྷོ་ཕྱོགས་ཀྱི་མཚོ་གླིང་ནང་དྲག་རྒོལ་གྱི་དོན་རྐྱེན་རྗེས་སུ་ཡུལ་གཉིས་ཀྱི་འབྲེལ་ལམ་ཇེ་སྡུག་ཕྱིན་ཡོད་པ་མ་ཟད་ད་ཆ་ཨ་མི་རི་ཀ་དང་ལྷོ་ཀོ་རི་གཉིས་ཟུང་འབྲེལ་གྱི་དྲག་པོའི་དམག་སྦྱོང་བྱེད་གཏན་འཁེལ་བ་དེར་རྒྱ་ནག་གཞུང་བློ་འཚབ་ངང་ཀོ་རི་ཡའི་མཚོ་གླིང་ནང་གི་དཀའ་རྙོག་ཞི་འཇམ་ཡོང་བའི་ཆེད་དུ་རྒྱལ་ཁབ་དྲུག་གི་དམིགས་བསལ་ཚོགས་འདུ་ཞིག་ཟླ་བ་བཅུ་གཉིས་པའི་འགོ་སྟོད་དུ་རྒྱ་ནག་འཚོགས་དགོས་པའི་གྲོས་འཆར་སྟོན་ཡོད་འདུག འོན་ཀྱང་ལྷོ་ཀོ་རི་ཡས་གྲོས་འཆར་དེ་ཁས་ཁེན་གནང་མིན་ཐེ་ཚོམ་བྱེད་ཀྱི་ཡོད་འདུག།