དཀར་མཛེས་སུ་བོད་མི་ན་གཞོན་བརྒྱད་འཛིན་བཟུང་བྱས་ཡོད་པ།

༄༅༎བོད་ཤར་ཕྱོགས་སུ་བོད་མིས་རྒྱ་ནག་གི་དམ་བསྒྲགས་དང་དྲག་གནོན་ལ་གདོང་ལེན་གྱིས་བོད་མི་ཚོས་ངོ་རྒོལ་གྱི་ལས་འགུལ་འདྲ་མིན་སྤེལ་བཞིན་པ་ལྟར་ འདི་ཚེས་ ༡༥ ཉིན་དཀར་མཛེས་གྲོང་ཁྱེར་ནང་བོད་མི་ཁག་ཅིག་གིས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་སྤེལ་ནས་ ༸གོང་ས་མཆོག་བོད་ནང་ཕྱི་ཕེབས་དགོས་པ་དང་བོད་ལ་རང་དབང་མེད་ལུགས་སོགས་སྐད་འབོད་དང་སྦྲགས་རྔམ་སྟོན་ཁྲོམ་སྐོར་བྱེད་སྐབས་ས་གནས་རྒྱ་མིའི་ཉེན་སྲུང་བས་བོད་མི་ན་གཞོན་བརྒྱད་འཛིན་བཟུང་བྱས་ནས་ཉེས་བརྡུང་དྲག་པོ་བཏང་རྗེས་ གར་སོང་ཆ་མེད་དུ་ཁྲིད་ཡོད་པའི་གནས་ཚུལ་ཨོསེ་ཀྲོ་ལི་ཡ་ནས་དགེ་བཤེས་བསོད་ནམས་ལགས་ཀྱིས་འདི་ག་ཨེ་ཤི་ཡ་རང་དབང་རླུང་འཕྲིན་ཁང་གི་གསར་འགོད་པ་སྐལ་བཟང་ལྷ་མོ་ལགས་སུ་ཞལ་པར་བརྒྱུད་འགྲེལ་བརྗོད་གནང་འདུག།