༸གོང་ས་མཆོག་ཆེཀ་སྤྱི་མཐུན་རྒྱལ་ཁབ་དུ་ཆིབས་བསྒྱུར།

༄༅༎བོད་ཀྱི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ཟླ་བཅུ་གཅིག་པའི་ཚེས་ཉི་ཤུ་དགུ་ནས་ཕྱི་ཟླ་བཅུ་གཉིས་པའི་ཚེས་གཅིག་བར་ཆེཀ་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་ལྦཀ་ལེལྦ་ཧ་ལྦེལ་མཆོག་གིས་གདན་ཞུ་བཞིན་ཆེཀ་སྤྱི་མཐུན་རྒྱལ་ཁབ་དུ་ཆིབས་བསྒྱུར་བསྐྱངས་ཡོད་པ་དང་༸གོང་ས་༸སྐྱབས་མགོན་ཆེན་པོ་མཆོག་ཡུལ་དེའི་ནང་ཆིབས་བསྒྱུར་བསྐྱངས་རིང་ཆེཀ་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་ཧ་ལྦེལ་མཆོག་དང་མཇལ་འཕྲད་གནང་རྒྱུ་མ་ཟད་གཟའ་ཟླ་བའི་ཉིན་ཆེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་སུ་བོད་དོན་རྒྱབ་སྐྱོར་ཚོགས་མི་ཚོར་གསུང་བཤད་གནང་རྒྱུའི་མཛད་འཆར་ཡོད་པ་དང་དེ་མིན་སྙིང་རྗེ་དང་བདེ་སྐྱིད་ཀྱི་བརྗོད་གཞིའི་ཐོག་དམངས་ཚོགས་ལ་གསུང་བཤད་གནང་རྒྱུ་སོགས་ཀྱི་མཛད་འཆར་ཡོད་པ་རེད། དེ་བཞིན་ད་ལོ་སྤྱི་ཟླ་བརྒྱད་པའི་ནང་ཚོགས་པའི་པེ་ཅིང་ཨོ་ལིམ་པིག་རྩེད་འགྲན་ནང་རི་རྩེད་འགྲན་བསྡུར་ནང་བྱ་དགའ་ཐོབ་པའི་ཨི་ཊ་ལིའི་རི་རྩེད་འགྲན་བརྩོད་པ་མའར་ག་རི་    གེརེན་སི་སྦ་སི་ཡང་༸གོང་ས་མཆོག་ཞལ་མཇལ་དུ་བཅར་གྱི་ཡོད་འདུག དེ་རྗེས་ཕྱི་ཟླ་བཅུ་གཉིས་པའི་ཚེས་དྲུག་ཉིན་༸གོང་ས་༸སྐྱབས་མགོན་ཆེན་པོ་མཆོག་པོའོ་ལེན་གྱི་ཡུལ་ནང་པོའོ་ལེན་གྱི་དབུ་ཁྲིད་ཟུར་པ་ལེཆ་ལྦ་ལེ་ས་མཆོག་ལ་ནོ་བེལ་ཞི་བདེའི་བྱ་དགའ་ཐོབ་སྟེ་ལོ་ངོ་ཉི་ཤུ་རྩ་ལྔ་འཁོར་བའི་དུས་དྲན་སྲུང་བརྩིའི་མཛད་སྒོར་གདན་ཞུ་བཞིན་ཆིབས་བསྒྱུར་གནང་གི་ཡོད་པ་དང་པོའོ་ལེན་ནང་ཆིབས་བསྒྱུར་བསྐྱངས་རིང་པོའོ་ལེན་གྱི་སྲིད་བློན་ཌོ་ནལ་ཊསྐ་མཆོག་དང་མཇལ་འཕྲད་གནང་རྒྱུའི་འཆར་གཞི་ཡོད་པའི་སྐོར་པོའོ་ལེན་གྱི་སྲིད་བློན་མཆོག་ནས་གནས་ཚུལ་ཕྱིར་བསྒྲགས་གནང་ཡོད་འདུག།