གང་ཐུབ་ཀྱིས་མི་གཞན་ལ་བརྩེ་ཞིང་ཕན་ཐོགས་པ་དང་གནོད་པ་མི་བྱེད་རྒྱུ་དེ་གལ་ཆེན་པོ་ཡིན། ༧གོང་ས་མཆོག་གིས།
མཇལ་ཁར་བཅར་མཁན་གྱི་ཁོངས་ནས་རྒྱ་གར་བའི་ནང་པ་བུད་མེད་ཞིག་གིས། ༧གོང་ས་སྐྱབས་མགོན་ཆེན་པོ་མཆོག་ལ་འཛམ་གླིང་འདིའི་སྟེང་གི་བུད་མེད་ཚོས་བུད་མེད་སྤྱི་ཡོངས་ཀྱི་ནུས་སྟོབས་གོང་སྤེལ་ཆེད་ཀྱི་བྱེད་ཕྱོགས་ཇི་ཡོད་བཀའ་འདྲི་ཞུས་པར། ༧གོང་ས་མཆོག་གིས། ཨ་མ་ནི་བརྩེ་བའི་བདག་ཉིད་ཅན་ཡིན་པ་དང་ཕྲུ་གུ་ཚོའི་ངོས་ནས་ཨ་མའི་བྱམས་སྐྱོང་དང་བརྩེ་བ་དེ་གཞན་ལ་རྒྱ་སྐྱེད་གཏོང་ཐབས་སུ་བསམ་བློ་བཏོང་དགོས་པ་དང་། ང་ཚོས་གང་ཐུབ་ཀྱིས་མི་གཞན་ལ་བརྩེ་ཞིང་ཕན་ཐོགས་པ་དང་གནོད་པ་མི་བྱེད་པ་དེ་གལ་ཆེན་པོ་ཡིན་པ་བཀའ་ལན་བསྩལ་འདུག
སངྐི་སཱ་ནང་པའི་གཞོན་ནུ་ཚོགས་པའི་རྒྱལ་སྤྱིའི་འབྲེལ་མཐུད་པ་དང་༧གོང་ས་མཆོག་གི་ཧིན་སྐད་གསུང་སྒྱུར་བ་ཀེ་ལ་ཤ་བྷོདྷ་(Kailash Bodh)་ལགས་སུ། ད་རེས་ཀྱི་ནང་ཆོས་ངོ་སྤྲོད་དེ་གོ་སྒྲིག་ཞུ་དགོས་པའི་དམིགས་ཡུལ་སྐོར་བཅར་འདྲི་ཞུས་པར་ཁོང་གིས། ༧གོང་ས་སྐྱབས་མགོན་ཆེན་པོ་མཆོག་གིས་དཔལ ནཱ་ལེན་ཌ་ནས་བྱུང་བའི་རྒྱ་གར་གྱི་གནའ་བོའི་རིག་གཞུང་སླར་གསོ་དང་དེའི་ཐོག་སློབ་སྦྱོང་བྱ་དགོས་པའི་བཀའ་སློབ་ཡང་ཡང་ཕེབས་དོན་བཞིན་ད་རེས་ཀྱི་ནང་ཆོས་ངོ་སྤྲོད་ཀྱི་ཟབ་སྦྱོང་དེ་གོ་སྒྲིག་ཞུས་པ་ཞིག་ཡིན་པ་གསུངས་བྱུང་།
ཏུ་ཥི་ཏཱ་ཆོས་ཚོགས་དང་། སངྐི་སཱ་ནང་པའི་གཞོན་ནུ་ཚོགས་པ་ཟུང་འབྲེལ་གྱིས་གོ་སྒྲིག་ཞུས་པའི་ནང་ཆོས་ངོ་སྤྲོད་ཀྱི་ཟབ་སྦྱོང་དེ་བཞིན་ཧིན་རྡུའི་སྐད་ཀྱི་ཐོག་གནང་པ་ཐེངས་དང་པོ་ཡིན་པ་དང་། ད་རེས་ཀྱི་ཟབ་སྦྱོང་ཐོག་རྒྱ་གར་གྱི་མངའ་སྡེ་ཨུ་ཏར་པརཱ་དེཤ་དང་། ར་ཇེསི་ཐན། མཧྰ རཤ་ཊརཱ། ཧ་རི་ཡ་ན་དང་རྒྱ་གར་གྱི་རྒྱལ་ས་ལྡི་ལི་བཅས་ནས་ཁྱོན་མི་གྲངས་༡༢༥དང་ཏུ་ཥི་ཏཱ་ཆོས་ཚོགས་ཀྱི་ཚོགས་མི་༢༩མཉམ་ཞུགས་གནང་ཡོད་འདུག
གསར་འགོད་པ། པ་སངས་ཚེ་རིང་།
རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག