༸གོང་ས་མཆོག་ནས་ནིའུ་ཡོརྐ་ཏུ་གསར་འགོད་ལྷན་ཚོགས།

༄༅༎བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་རེས་གཟའ་ཕུར་བུའི་ཉིན། ཨ་མི་རི་ཀའི་གྲོང་ཁྱེར་ནིའུ་ཡོག་ཏུ་གསུང་ཆོས་གཙོ་བོ་འགྱུར་བའི་ཉིན་གྲངས་བཞིའི་མཛད་རིམ་དབུ་འཛུགས་གནང་ཡོད་ཅིང་། གསུང་ཆོས་དབུ་བཙུགས་མ་གནང་གོང་གསར་འགོད་ལྷན་ཚོགས་ཤིག་གནང་བའི་ནང་། རྒྱ་ནག་གིས་དྲག་གནོན་ཇི་ཙམ་བྱས་ཀྱང་དེ་ཙམ་གྱི་བོད་མི་རྣམས་ཀྱི་ངར་ཤུགས་ཆེ་རུ་འགྲོ་རྒྱུ་དང་། རྒྱ་ནག་གི་གུང་བྲན་ཚོགས་པའི་འགོ་ཁྲིད་རྣམས་ཀྱིས་བོད་ཀྱི་རིག་གཞུང་ཐོག་འཇིགས་སྣང་དང་རྒྱུ་མཚན་མེད་པའི་དོགས་པ་བྱེད་བཞིན་ཡོད་པའི་སྐོར་བཀའ་བསྩལ་གནང་འདུག

༧གོང་ས་སྐྱབས་མགོན་ཆེན་པོ་མཆོག་གིས་གསུང་དོན་གཙོ་བོ་ནི། བོད་ཀྱི་མཐུན་མོང་མ་ཡིན་པའི་རིག་གཞུང་འདིར། རྒྱ་ནག་གུང་བྲན་ཚོགས་པའི་འགོ་ཁྲིད་རྣམས་ཀྱིས་འཇིགས་སྣང་དང་རྒྱ་ནག་ནང་ཁ་བྲལ་གཏང་རྒྱུའི་རྒྱུ་རྐྱེན་ལྟ་བུར་ངོས་འཛིན་བྱས་ཏེ་ལོག་པར་རྟོག་བཞིན་ཡོད་པའི་སྐོར་བཀའ་བསྩལ་གནང་འདུག།