༧གོང་ས་སྐྱབས་མགོན་ཆེན་པོ་མཆོག་ལ་དྭགས་སུ་ཆིབས་བསྒྱུར་གྱི་ཕེབས་སྒྲིག་ཞུ་བཞིན་འདུག
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་དྭགས་སུ། ༢༠༢༢་ལོར།
OHHDL
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་རིང་མིན་སྤྱི་ཟླ་༧པའི་ཚེས་༡༠ཉིན་བོད་དང་ས་འབྲེལ་ལ་དྭགས་སུ་ཆིབས་བསྒྱུར་གནང་གཏན་འཁེལ་ཡོད་པ་དང་། ལ་དྭགས་ནང་ཚོགས་དང་དགོན་ཚོགས་ནས་ཇི་ལྟར་གསོལ་བ་བཏབ་པ་ལྟར་ལ་དྭགས་ཞི་བའི་ཚལ་གསུང་ཆོས་ར་བ་རུ་ཆོས་འབྲེལ་གསུང་ཆོས་དང་བརྟན་ཞུགས་བསྟར་འབུལ་གྱི་མཛད་འཆར་ཐུགས་གཏན་འཁེལ་འདུག ལ་དྭགས་ཁུལ་ནང་པ་དང་ཁ་ཆེ་སོགས་ཆོས་ལུགས་འདྲ་མིན་གྱི་རྗེས་འཇུག་པ་ཡོད་ཅིང་། ༧གོང་ས་༧སྐྱབས་མགོན་ཆེན་པོ་མཆོག་ལ་དྭགས་སུ་ཞབས་སོར་འཁོད་སྐབསཆོས་ལུགས་རྗེས་འབྲང་དབྱེར་མེད་ཀྱི་ཐོག་ནས་ཕེབས་བསུ་གཟབ་རྒྱས་ཞུ་སྲོལ་ཡོད་ལ། འདི་ལོའི་ཆིབས་བསྒྱུར་སྐབས་དེ་སྔོན་ལས་ཕེབས་སྒྲིག་རྒྱས་པ་ཞུ་རྒྱུ་ཡིན་པ་ལ་དྭགས་ནས་ཨེ་ཤེ་ཡ་རང་དབང་རླུང་འཕྲིན་ཁང་གི་ལ་དྭགས་ཀྱི་གསར་འགོད་པ་འཕྲིན་ལས་ཆོས་སྒྲོན་ལགས་ཀྱིས་རྒྱུད་ལོན་གནང་འདུག
དཔེར་ན་ཨེ་ཤེ་ཡ་རང་དབང་རླུང་འཕྲིན་ཁང་ལ་ལ་དྭགས་ཀྱི་ཁ་ཆེ་བ་ས་ཕི་ན་ཁོ་སར་ལགས་ཀྱིས། ང་རང་ཁ་ཆེ་(Moslem)་ཆོས་ལུགས་རྗེས་འབྲངས་པ་ཞིག་ཡིན། ཡིན་ན་ཡང་༧གོང་ས་མཆོག་གིས་ནང་པ་ཙམ་མིན་པར་ང་ཚོ་ཁ་ཆེ་བ་ཚོ་ལ་ཡང་ཐུགས་བརྩེ་བ་གནང་གི་རེད། དེ་བས་ད་ཐེངས་སྐུ་མདུན་ལ་དྭགས་སུ་ཡང་བསྐྱར་ཆིབས་བསྒྱུར་གནང་རྒྱུ་ཡིན་སྟབས་སེམས་སྐྱིད་པོ་འདུག་ཞེས་གསུངས་བྱུང་ལ། ཡང་ལ་དྭགས་བསོད་ནམས་གླིང་བོད་མི་གཞིས་ཆགས་ནས་ཡིན་པ་ཚེ་རིང་བཀྲ་ཤིས་ལགས་ཀྱིས། སྐུ་མདུན་ལ་དྭགས་སུ་ཕེབས་སྐབས་ལ་དྭགས་འདི་ས་སྐྱིད་པ་དང་ང་རང་སེམས་སྐྱིད་པོ་ཡོད་པའི་ཚོར་སྣང་འདུག་ཅེས་དང་། ཡང་པ་སངས་ལྷ་མོ་ལགས་ཀྱིས་དགའ་ཚོར་དང་བཅས་༧གོང་ས་༧སྐྱབས་མགོན་ཆེན་པོ་མཆོག་ལ་དྭགས་ས་གནས་སུ་ཕེབས་རྒྱུར་ཕེབས་སྒུག་ཞུས་བསྡད་ཡོད་པ་གསུངས་བྱུང་།
དེ་སྔ་ལྷ་སའི་ཁ་ཆེ་བ་ཡིན་པ་བ་ཧི་ཨིབ་ར་ཧིམ་ལགས་ཀྱིས། རྒྱལ་བ་རིན་པོ་ཆེ་ལ་དྭགས་ས་གནས་སུ་ཕེབས་ན་སེམས་པ་དགའ་ཚོར་ཞེ་དྲགས་ཡོང་གི་འདུག དེང་སང་ལ་དྭགས་སུ་ཡུལ་སྐོར་བ་སོགས་མང་པོ་མེད་སྟབས་སེམས་ཆགས་ཀྱི་མི་འདུག་ཅེས་དང་། ཡང་ལ་དྭགས་ཨར་ཡན་རི་ལྗོངས་ནས་ཡིན་པ་ཟླ་བ་ཚེ་རིང་ལགས་ཀྱིས། སྐུ་མདུན་དགུང་ལོ་བགྲེས་བོ་ཡིན་ཡང་ལ་དྭགས་ས་གནས་སུ་ཡང་ཡང་ཆིབས་བསྒྱུར་གནང་ནས་ལ་དྭགས་མི་མང་ལ་ཐུགས་བརྩེ་བ་གནང་བཞིན་པ་ནི། ལ་དྭགས་པ་ཚོའི་བསོད་ནམས་རེད་བསམ་གྱི་འདུག་ཅེས་གསུངས་བྱུང་།
ལ་དྭགས་ནང་ཚོགས་དང་དགོན་ཚོགས་ནས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནས། ཕྱི་ཟླ་༧ཚེས་༢༡དང་༢༢སོ་སོར་སྔ་དྲོའི་ཆོས་མཐུན་གཅིག་རིང་རྒྱལ་སྲས་དངུལ་ཆུ་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་སྒོ་ནས་ཆོས་འབྲེལ་གསུང་ཆོས་སྩོལ་གནང་མཛད་རྒྱུ་ཡིན་འདུག་ཅིང་། ཕྱི་ཚེས་༢༣ཉིན་ལ་དྭགས་ནང་པ་ཡོངས་ཀྱི་ཚབ་ཞུས་ནས་ལ་དྭགས་དགོན་ཚོགས་ནས་༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་ཡུན་དུ་བརྟན་སླད་བརྟན་བཞུགས་བསྟར་འབུལ་ཞུ་རྒྱུའི་མཛད་འཆར་འདུག་ལ། དེ་ཉིན་འཕགས་མཆོག་སྤྱན་རས་གཟིགས་ཀྱི་བཀའ་དབང་ཡང་སྩོལ་རྒྱུ་ཐུགས་གཏན་འཁེལ་ཡོད་པ་དགའ་ལྡན་ཕོ་བྲང་ཡིག་ཚང་གིས་གསལ་བསྒྲགས་གནང་འདུག
གསར་འགོད་པ། འཕྲིན་ལས་ཆོས་སྒྲོན། ཀླུ་འབུམ།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག