བོད་མིའི་སྒྲིག་འཛུགས་ཀྱིས་དྲ་ཐོག་འཛིན་སྐྱོང་གི་ལས་གཞི་གློག་འཕྲུལ་ཡིག་ཚགས་དངོས་སུ་འགོ་བརྩམས་སོང་།
བོད་མིའི་སྒྲིག་འཛུགས་ཀྱི་དྲ་ཐོག་འཛིན་སྐྱོང་ལས་གཞི་གློག་འཕྲུལ་ཡིག་ཚགས་(E-Filing)་དངོས་སུ་ལག་བསྟར་བྱེད་རྒྱུ་སྲིད་སྐྱོང་སྤེན་པ་ཚེ་རིང་ལགས་ཀྱིས་དབུ་འབྱེད་གནང་སྐབས། ༠༤།༠༡།༢༢
RFA/Dhasa
བོད་མིའི་སྒྲིག་འཛུགས་ཀྱི་རྩིས་ལོ་གསར་པའི་ཉིན་དང་པོ་སྟེ་སྤྱི་ཟླ་༤པའི་ཚེས་༡ཉིན་སྲིད་སྐྱོང་སྤེན་པ་ཚེ་རིང་ལགས་ཀྱིས་དེང་དུས་འཕྲུལ་རིག་དང་མཐུན་པའི་བོད་མིའི་སྒྲིག་འཛུགས་ཀྱི་དྲ་ཐོག་འཛིན་སྐྱོང་གློག་འཕྲུལ་ཡིག་ཚགས་(E-Filing)་ལས་གཞི་དངོས་སུ་ལག་བསྟར་བྱེད་རྒྱུ་གངས་སྐྱིད་དུ་དབུ་འབྱེད་གནང་ཡོད་པ་དང་། སྐབས་དེར་སྲིད་སྐྱོང་མཆོག་གིས། སྐབས་༡༦པའི་བཀའ་ཤག་གི་ངོས་ནས་ལས་གཞི་དེ་གལ་ཆེན་ཞིག་ལ་ངོས་འཛིན་གནང་གི་ཡོད་པ་དང་། འབྱུང་འགྱུར་གྱི་ལོ་གཅིག་ནང་ཚུད་ས་གནས་ཀྱི་ལས་ཁུངས་ཁག་དང་། ཕྱི་རྒྱལ་སྐུ་ཚབ་དོན་གཅོད་ཁག་ལས་གཞི་འདིའི་ནང་འཇུག་ཐུབ་པ་ཡིན་ན། བོད་མིའི་སྒྲིག་འཛུགས་ཁྱོན་ཡོངས་དྲ་ཐོག་ནས་འཛིན་སྐྱོང་བྱེད་ཐུབ་པའི་ལམ་ལ་བསྐྱོད་ཐུབ་ཅེས་དང་། མ་འོངས་པ་ལས་དོན་ཅི་འདྲ་ཞིག་གི་ཐོག་མཁས་པ་ཞིག་དགོས་ཀྱི་ཡོད་ན། ཕྱིར་བསྟུན་མི་དགོས་པར་བོད་མིའི་སྒྲིག་འཛུགས་རང་ནང་བཏོན་དགོས་པ་ལས་བྱེད་ཚོར་ལམ་སྟོན་གནང་སོང་།
བོད་མིའི་སྒྲིག་འཛུགས་ཀྱི་གློག་ཀླད་རྩིས་འཁོར་ཀམ་པུ་ཊར་སྡེ་ཚན་ནས་ཐུགས་འགན་གཙོ་བོ་བཞེས་ཏེ་༢༠༢༡ལོའི་སྤྱི་ཟླ་༡༠པའི་ནང་ལས་གཞི་དེའི་ཐོག་ལས་ཀ་བྱེད་རྒྱུ་དངོས་སུ་འགོ་འཛུགས་གནང་འདུག་པ་དང་། སྡེ་ཚན་དེ་ཉིད་ཀྱི་ལས་བྱེད་ཀུན་དགའ་འཇིགས་མེད་ལགས་ནི་ལས་གཞི་དེའི་ཐོག་འགན་ཁུར་གནང་མཁན་གཙོ་བོ་གྲས་ཤིག་ཡིན་པ་རེད། ཁོང་གིས། ལས་གཞི་དེ་འགོ་བཙུགས་སྐབས། འདས་པའི་བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་ཡིག་ཚགས་ཉར་ཕྱོགས་ཐད་རྒྱུས་ལོན་ཡོང་བར་དཀའ་ངལ་ཅུང་ཙམ་འཕྲད་ཡོད་ཀྱང་། འབྱུང་འགྱུར་བོད་མིའི་སྒྲིག་འཛུགས་ཀྱི་ལས་དོན་བྱེད་ཕྱོགས་དེ་སྟབས་བདེ་རུ་ཕྱིན་ཡོད་པ་འགྲེལ་བརྗོད་གནང་བྱུང་།
སྤྱིར་དྲ་རྒྱ་བཀོད་སྤྱོད་བྱེད་པའི་སྐབས་བདེ་འཇགས་མེད་པའི་དཀའ་ངལ་མང་པོ་ཞིག་འཕྲད་ཀྱི་ཡོད། འོན་ཀྱང་། ད་རེས་དབུ་འབྱེད་གནང་བའི་བོད་མིའི་སྒྲིག་འཛུགས་ཀྱི་གློག་འཕྲུལ་ཡིག་ཚགས་དེ་སྒྲིག་འཛུགས་ཀྱི་ལས་བྱེད་ནང་ཁུལ་འབྲེལ་བ་བྱེད་ས་ཞིག་ཡིན་པ་ལས། ནམ་རྒྱུན་སྤྱི་དམངས་ཀྱི་བཀོད་སྤྱོད་བྱེད་བཞིན་པའི་དྲ་རྒྱ་དང་ཐད་ཀ་འབྲེལ་བ་མེད་སྟབས། བདེ་འཇགས་ཡག་པོ་ཡོད་པ་མ་ཟད། དྲ་རྒྱའི་ཐོག་འཇག་རྒོལ་རིགས་ཡོང་རྒྱུ་ཁག་པོ་ཆགས་ཡོད་པ་ཀུན་དགའ་འཇིགས་མེད་ལགས་ཀྱིས་འགྲེལ་བརྗོད་གནང་བྱུང་།
གཞན་ཡང་ཉིན་འདིར་དངོས་སུ་དབུ་འབྱེད་གནང་བའི་ལས་གཞི་དེ་བརྒྱུད་ནས་ཤོག་བུ་བེད་སྤྱོད་གཏོང་མཚམས་གཏན་ནས་འཇོག་མི་ཐུབ་ཀྱང་ཤོག་བུ་བཀོལ་སྤྱོད་བརྒྱ་ཆ་༥༠ལྷག་ཉུང་དུ་གཏོང་ཐུབ་པའི་རེ་བ་ཡོད་པས། དེས་ཁོར་ཡུག་སྲུང་སྐྱོབ་ལ་ཡང་ཕན་ཐོགས་ཡོད་པ་སྲིད་སྐྱོང་མཆོག་གིས་གསུངས་གནང་སོང་།
གསར་འགོད་པ། བློ་བཟང་དགེ་ལེགས།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག