རྒྱ་ནག་ནང་འབྱོར་ལྡན་མི་སྣ་ཚོས་རྒྱས་སྤྲོས་ཚོད་འཛིན།

ལྐོག་ཟ་རུལ་སུངས་བཀག་སྡོམ་གྱི་གནོན་ཞུགས་འོག་རྒྱ་ནག་གི་འབྱོར་ལྡན་མི་སྣ་ཚོས་རྒྱས་སྤྲོས་བྱེད་རྒྱུར་ཚོད་འཛིན་བྱེད་འགོ་ཚུཊ་ཡོད་འདུག
དེ་ཡང་སྲིད་འཛིན་ཞི་ཅིན་ཕེན་གྱིས་སྔ་ལོ་ནས་ལྐོག་ཟ་རུལ་སུངས་ཐད་དམ་བསྒྲགས་སྲིད་ཇུས་ལག་བསྟར་བྱས་ཡོད་པ་དང་། དེའི་ཆེད་མཐོ་རིམ་དཔོན་རིགས་མང་དག་གི་བྱ་སྤྱོད་ལ་ཞིབ་འཇུག་གི་གནོན་ཤུགས་འོག་དེ་སྔ་རྒྱུ་ནོར་ངོམ་རྒྱུར་ཐེ་ཚོམ་མེད་པའི་དཔོན་རིགས་མང་པོས་ད་ཆ་གཟབ་གཟབ་བྱེད་ཀྱི་ཡོད་པའི་རྣམ་པར་བར་ལམ་ནས་ཧོང་ཀོང་དང་། མ་ཁའོ་གཉིས་ནང་རྒྱན་རྩེད་ཆེད་འགྲུལ་བཞུད་བྱེད་མཁན་ཉུང་དུ་ཕྱིན་ཡོད་འདུག དེ་བཞིན་གཞུང་འབྲེལ་གྱི་གསོལ་སྟོན་རྒྱས་པོ་དང་། ཆང་རག་གོང་ཆེན་ཉོ་བ། རྔན་པ་གྱ་ནོམ་པ་སྤྲོད་སྲོལ་ཐད་ཀྱང་བསྲི་ཚགས་མི་བྱེད་རང་བྱེད་ཆགས་ཡོད་འདུག གཞུང་གི་དམ་བསྒྲགས་དང་། སོ་སོའི་ལས་སྣེ་ཤོར་བའི་འཇིགས་སྣང་འོག་ད་ཆ་འབྱོར་ལྡན་དཔོན་རིགས་ཚོ་ཧོང་ཀོང་དང་། མ་ཀའོ་ནང་རྒྱན་རྩེད་ཆེད་འགྲོ་རྒྱུར་ཡིད་ཟབ་བྱེད་བཞིན་པའི་རྣམ་པར་ཟླ་བ་བདུན་པའི་ནང་། ས་གནས་དེ་གཉིས་ཀྱི་རྒྱན་རྩེད་ཡོང་བབ་བརྒྱ་ཆ་བཞི་མིན་ཙམ་ཉུང་དུ་ཕྱིན་ཡོད་པའི་ཁར་རྒྱན་ཆ་ཉོ་མཁན་ཡང་བརྒྱ་ཆ་༢༨ལྷག་ཉུང་དུ་ཕྱིན་ཡོད་འདུག དབྱིན་ཡུལ་གྱི་གྲགས་ཆེ་བའི་ཨ་རག་ཚོང་འབྲེལ་ཡང་བརྒྱ་ཆ་༡༤མར་ཆག་ཡོད་འདུག དེ་བཞིན་ཡོ་རོབ་ཁུལ་དུ་རིན་གོང་ཆེ་བའི་དཔེ་གསར་གྱོན་ཆས་ཁྲོམ་རའི་འགྲོ་རྒྱུག་ཀྱང་ཉུང་དུ་ཕྱིན་ཡོད་འདུག

གསར་འགོད་པ་ཀརྨ་རྒྱ་མཚོ།