རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོཊ་པའི་ཚོཊ་ཆེན་ཐེངས་ལྔ་བ།
2015.11.02
རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོཊ་པའི་གསར་འགོད་ལྷན་ཚོགས་སྐབས། ༢༠༡༥།༡༠།༣༡
tibet.net
རྒྱ་གར་ཨ་སམ་གྷོ་ཧ་ཌིའི་ནང་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ལྔ་པ་བསྐོང་འཚོགས་གནང་གི་ཡོད་པ།
དེ་ཡང་དེ་རིང་ཕྱི་ཚེས་༢ནས་འགོ་འཛུགས་ཀྱི་ཉིན་གྲངས་གཉིས་རིང་། རྒྱ་གར་བྱང་ཤར་ཨ་སམ་མངའ་སྡེའི་རྒྱལ་ས་གྷོ་ཧ་ཌིའི་ནང་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ལྔ་པ་བསྐོང་འཚོགས་གནང་གི་ཡོད་པ་དང་། ཟླ་བ་སྔོན་མའི་ཚེས་༣༡ཉིན་གོང་ཞུས་གྲོང་ཁྱེར་དེའི་ནང་བསྐྱང་པའི་གསར་འགོད་ལྷན་ཚོགས་ཤིག་གི་ཐོག རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ལྔ་པའི་གོ་སྒྲིག་ཚོགས་ཆུང་གི་ཚོགས་གཙོ་སྐུ་ཞབས་ཨར་ཀེ་ཁི་རི་མེ་RK Khrimeyལགས་ཀྱིས། དང་པོ། ཆབ་སྲིད་ཐོག་ནས་བཤད་ན། ད་ལྟ་རྒྱ་གར་བྱང་ཤར་ཁུལ་གྱི་ས་མཚམས་ཁག་མང་པོར་རྒྱ་གར་གཞུང་གི་བདེ་འཇགས་སྲུང་སྐྱོབ་ཆེད་འགྲོ་གྲོན་ཧིན་སྒོར་དུང་ཕྱུར་མང་པོ་བཏང་དང་གཏོང་བཞིན་ཡོད། ཅི་སྟེ་བོད་དོན་བདེན་མཐའ་གསལ་བ་ཡིན་ན། ཉིན་དེ་ནས་བཟུང་འགྲོ་གྲོན་དེ་དག་གཏོང་དགོས་དོན་མེད་པར་སོང་། བོད་ཀྱི་གནད་དོན་དེ་བཞིན་རྒྱ་གར་བའི་བདེ་འཇགས་ཀྱི་གནད་དོན་ཞིག་ཀྱང་ཆགས་ཡོད།
གཉིས་པ། ད་ལྟའི་ཆར་རྒྱ་གར་བྱང་ཤར་ས་ཁུལ་དང༌བོད་གཉིས་དབར་ཕར་འགྲོ་ཚུར་འོང་བྱེད་ཐུབ་ཀྱི་མེད་པ་དང་། གལ་སྲིད་བོད་ཀྱི་གནད་དོན་སེལ་བ་ཡིན་ན། རྒྱ་གར་བྱང་ཤར་ས་ཁུལ་དེ་དག་ཚོང་འབྲེལ་གྱི་བསྟི་གནས་ཤིག་ཏུ་འགྱུར་རེ་ཡོད་པ།
གསུམ་པ་རིག་གཞུང་གི་ཐོག་ནས། འཕགས་བོད་གཉིས་དབར་བླ་མ་དང་སློབ་མའི་འབྲེལ་ཡོད་པ་དེ་ད་དུང་བརྟན་པོ་དང་། གཏིང་ཟབ་ཏུ་འགྲོ་ངེས་ཡིན་པར་སོང༌། གནད་དོན་འདི་དག་རྒྱ་གར་བྱང་ཤར་ཁུལ་གྱི་མི་མང་ཚོའི་ཤེས་ཐུབ་པ་བཟོ་རྒྱུའི་ཆེད་ད་ལམ་ཨ་སམ་མངའ་སྡེའི་རྒྱལ་ས་གྷོ་ཧ་ཌིའི་ནང་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ལྔ་པ་བསྐོང་འཚོགས་གནང་གི་ཡོད་ཅེས་གསལ་བསྒྲགས་གནང་ཡོད་པ་རེད།
སྲིད་སྐྱོང་མཆོག་རྒྱ་གར་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ལྔ་པའི་ཆེ་བསྟོད་སྐུ་མགྲོན་དུ་ཆེད་ཕེབས་གནང་ཡོད་པ་རེད།
གསར་འགོད་པ་ངག་ཆོས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།