གསེར་རྟ་རྫོང་དུ་མེ་མདའ་ཕོག་པའི་བོད་མིའི་གནས་སྟངས།

༄༅༎ཕྱི་ཟླ་བཅུ་པའི་ཆེས་ ༡༧ ཉིན། བོད་ཀྱི་གསེར་རྟ་རྗོང་གི་ཁེ་སྐོར་ས་གནས་སུ་རྒྱ་གཞུང་ཉེན་རྟོག་པས་མེ་མདའ་བརྒྱབ་ནས་རྨས་སྐྱོན་ཕོག་པའི་ནང་ནས། བོད་མི་གཅིག་གི་གནས་སྟངས་ཛ་དྲག་ཏུ་ཕྱིན་པའི་གནས་ཚུལ་ཤེས་རྟོགས་བྱུང་འདུག།
ཕྱི་ཟླ་བཅུ་པའི་ཚེས་ ༡༥་ ཉིན་ཁེ་སྐོར་ས་གནས་སུ་བོད་རིགས་ཚེ་དབང་སྐྱིད་ཞུས་པ་ཞིག་གིས་གཉེར་བཞིན་པའི་ཟ་ཁང་ནང་༧གོང་ས་མཆོག་གི་སྐུ་པར་བསྒྲིག་བཤམ་བྱས་པར། ཉེན་རྟོག་པས་སྒྲིག་བཤམ་མི་ཆོག་པ་བཙན་བཀའ་བཏང་ནས་ཉེན་བརྡ་བཏང་བའི་སྐབས་རིན་ཆེན་རྡོ་རྗེ་སོགས་བོད་མི་བདུན་གྱིས་ས་གནས་ཀྱིས་བོད་ཀྱི་རྒྱལ་དར་འཕྱར་ནས་ཉེན་རྟོག་ལས་ཁང་མདུན་དུ་ངོ་རྒོལ་སྐད་འབོད་གནང་འདུག རྒྱ་གཞུང་གི་ཉེན་རྟོག་པས་ངོ་རྒོལ་བྱས་མི་བོད་རིགས་བདུན་པོ་འཛིན་བཟུང་བྱས་འདུག དེ་ནས་ཕྱི་ཚེས་ ༡༧ ཉིན་བོད་མི་ཁག་གཅིག་ཉེན་རྟོག་ལས་ཁང་དུ་ཕེབས་ནས་བཀག་ཉར་བྱས་པ་རྣམས་གློད་འགྲོལ་དགོས་པའི་དགོས་འདུན་བཏོན་པའི་སྐབས། ཉེན་རྟོག་དམག་དང་ཁ་རྩོད་ཤོར་བའི་ནང་རྒྱ་མིའི་ཉེན་རྟོག་པས་མེ་མདའ་བརྒྱབ་ནས། འབྲུག་སྡེ་དང་། སྒོ་རྡ་ཞུ་བའི་བོད་མི་གཉིས་ལ་མེ་མདའ་ཕོག་ནས་རྨས་སྐྱོན་བཏང་བའི་གནས་ཚུལ་བྱུང་ཡོད་ཅིང་། ད་ལྟའི་འཆར་རྨས་སྐྱོན་ཕོག་པའི་གྲས་ནས་འབྲུག་སྡེ་རྗོང་གི་སྨན་ཁང་ནང་དུ་སྨན་བཅོས་བྱེད་བཞིན་པ་ཡིན་རུང་གནས་སྟངས་ཛ་དྲག་ཏུ་གྱུར་ཡོད་པའི་སྐོར་འགྲེལ་བརྗོད་གནང་འདུག།