རྒྱ་ནག་གིས་ཁྲིམས་རྩོད་པ་ཐང་པིའོ་གློད་བཀྲོལ་བཏང་ཡོད་པ།

༄༅༎ད་རེས་ཉེ་ཆར་ཨ་མི་རི་ཁའི་རྒྱལ་དོན་དྲུང་ཆེ་ལས་རོགས་མའེ་ཀལ་པོ་སི་ནར་རྒྱ་ནག་ལ་འགྲོ་བ་མིའི་ཐོིབ་ཐང་གི་གནད་དོན་ཐད་བཀའ་མོལ་གནང་བར་ཕེབས་འབྱོར་གནང་བའི་ཉིན་རྗེས་མ་དེ་རང་ལ། རྒྱ་ནག་ནང་འགྲོ་བ་མིའི་ཐོབ་ཐང་ཐད་ཁྲིམས་རྩོད་གནང་མཁན་ཁྲིམས་རྩོད་པ་ ཐང་པིའོ་ཞུ་བ་ཁོང་རྒྱ་ནག་གཞུང་གིས་སྤྱི་ཟླ་༢་པ་ནས་འཛིན་བཟུང་དམ་བསྒྲགས་འོག་གནས་ཡོད་པ་ཁོང་གུ་ཡང་གློད་བཀྲོལ་བཏང་ཡོད་པའི་སྐོར་ཁོང་གི་སྐུ་ཟླ་ལྦང་ལིང་གིས་འགྲེལ་བརྗོད་བྱས་ཡོད་པ་རེད།

ཝང་ལིང་གིས་ཞལ་དཔར་ཐོིག་གསར་འགོད་པར་འགྲེལ་བརྗོད་གནང་བར་ངའི་བཟའ་ཟླ་དེ་རིང་ཉིན་དགུང་རྒྱབ་ལ་གུ་ཡང་གློད་བཀྲོལ་བཏང་བྱུང་བས་ཁོང་ད་ལྟ་བདེ་པོ་རེད། ཡིན་ནའི་ད་ལྟ་ཞལ་པར་ཐོག་བཀའ་མོིལ་ཞུ་སྟབས་བདེ་པོ་མིན་འདུག་ཅེས་བཤད་ཡོད་པ་རེད།

རྒྱ་ནག་གཞུང་གིས་འགྲོ་བ་མིའི་ཐོབ་ཐང་ཐད་ཁྲིམས་རྩོད་རྒྱབ་མཁན་གྱི་ཁྲིམས་རྩོད་པ་མང་པོ་ཡང་ནས་ཡང་དུ་གསང་བའི་སྒོ་ནས་འཛིན་བཟུང་བྱས་པའི་གནས་ཚུལ་མང་དག་ཅིག་བྱུང་དང་འབྱུང་བཞིན་ཡོད་པའི་གནས་ཚུལ་ཐོན་བཞག།