རྒྱ་ནག་ལ་རྩེད་འགྲན་ཚོགས་པ་དེས་རྒྱ་ནག་ཡར་རྒྱས་ཕྱིན་ལུགས།

༄༅༎རྒྱ་ནག་གཞུང་ནས། རྒྱ་ནག་ལ་རྩེད་འགྲན་ཚོགས་པ་དེས་རྒྱ་ནག་ནང་ཡར་རྒྱས་ཕྱིན་པའི་གནས་སྟངས་གསལ་པོ་བཏོན་ཐུབ་པ་ཞིག་བྱུང་ཡོད་ལུགས་གསུངས་འདུག

པེ་ཅིང་དུ་ཨོ་ལིམ་པིག་རྩེད་འགྲན་ཚུགས་ནས་ཉེན་མ་འགའ་ཤས་ཕྱིན་པའི་བརྒྱུད་རིམ་ནང་གསར་འགོད་རང་དབང་ལ་དམ་བསྒྲགས་བྱས་པ་སོགས་ཀྱི་གནས་ཚུལ་ཡང་སེ་བྱུང་ཡོད་པ་དང་ ལྷག་པར་དུ་ཁ་ས་བོད་དོན་ལས་འགུལ་སྤེལ་བའི་སྐབས་དབྱིན་ཇིའི་གསར་འགོད་པར་རྒྱ་མིའི་ཉེན་རྟོག་པས་སྟངས་འཛིན་བྱེད་ཕྱོགས་སོགས་ཀྱི་ཐོག་རྙོག་དྲ་བྱུང་ཡོད་པ་བཅས་ལ་བརྟེན་དེས་རྒྱ་ནག་གཞུང་དང༌། ཨོ་ལིམ་པིག་རྩེད་འགྲན་ཚོགས་ཆུང་གཉིས་ངོ་ཚ་ཁ་སྐྱེངས་ཆགས་ཡོད་མེད་སོགས་དེ་རིང་གསར་འགོད་ལྷན་ཚོགས་ཐོག་འདིའི་སྐོར་གླེང་སློང་བྱས་པའི་སྐབས། རྒྱ་ནག་གི་ཨོ་ལིམ་པིག་རྩེད་འགྲན་ཚོགས་ཆུང་གི་སྤྱི་ཁྱབ་གཞོན་པ་ ལྦང་ལྦེས། ཐོག་མར་རྒྱ་ནག་ནས་ཨོ་ལིམ་པིག་རྩེད་འགྲན་ཚོགས་རྒྱུར་འགྲན་རྩོད་བྱེད་པའི་སྐབས་སུ་གུས་རང་ཚོགས་ཆུང་དེའི་དྲུང་ཆེ་ཡིན། སྐབས་དེ་དུས་ཀྱང་རྒྱ་ནག་ལ་མགྲོན་བདག་སྤྲད་པ་ཡིན་ན་དེས་རྒྱ་ནག་ནང་བཅོས་བསྒྱུར་འགོ་གི་ཡོད་མེད་སྐོར་འདྲི་བ་མང་པོ་བཏང་མཁན་བྱུང་ལ་སྐབས་དེར་ཡང་རྒྱ་ནག་ནང་བཅོས་བསྒྱུར་ཡོང་གི་རེད་ཅེས་བཤད་ཡོད་པ་ལས་དེས་ཆ་ཚང་འགྱུར་བ་འགྲོ་གི་རེད་ཅེས་བཤད་མེད། དེ་འདྲ་ཡིན་དུས་ད་ལྟའི་ཆར་རྒྱ་ནག་མི་མང་ས་ཡ་མང་པོའི་གནས་སྟངས་ཡར་རྒྱས་ཕྱིན་ཡོད་རེད། ཡིན་ནའང་རྒྱལ་ཁབ་གཞན་ལ་ཡོད་པ་ནང་བཞིན་འགའ་ཤས་གཏན་གཏན་འཐུས་ཀ་མ་ཚང་བ་ཡོང་གི་ཡོད་རེད། དེ་ནི་དངོས་ཡོད་གནས་ཚུལ་རེད། དེ་འདྲ་ཡིན་དུས་ད་ཆ་གནས་ཚུལ་ཆུང་ཙག་རིགས་ལུང་འདྲེན་བྱས་ནས་རྒྱ་ནག་གཞུང་ནས་མགྲོན་བདག་བྱས་པའི་སྐབས་ཁས་ལེན་བྱས་པ་ནང་བཞིན་ཡོང་གི་མི་འདུག་ཟེར་ཡག་དེ་དངོས་ཡོད་གནས་སྟངས་དང་མི་འཚམས་པ་ཞིག་རེད་ཅེས་ལན་རྒྱབ་འདུག།