རྒྱ་ནག་གཞུང་གིས་ཕི་ལི་ཕིན་གྱི་བྱ་སྤྱོད་ལ་ཉེན་བརྡ།

༄༅༎ས྄་པ་རཊ་ལི་ ཨའི་ལེན་ཌ་ ཞེས་པའི་ལྷོ་རྒྱ་ནག་རྒྱ་མཚོ་ཆེན་མོའི་ཁུལ་གྱི་མཚོ་གླིང་གི་བདག་དབང་ཐད། རྒྱ་ནག་དང་ཕི་ལི་ཕིན་སི གཙོས་པའི་གཞན་ལྦེཌ་ནམ་དང་ སྦུ་རུ་ནིའི་མ་ལ་ཡ་ཤི་ཡ་དང་ཐེ་ལྦན་བཅས་དབར་རྩོད་རྙོག་ཆེན་པོ་ཡོད་པ་རེད།

ཁ་ས་ཅའི་ན་ཌེ་ལི ཞེས་པའི་རྒྱ་ནག་གི་གཞུང་འབྲེལ་གསར་ཤོག་གི་གླེང་བརྗོད་ནང་། ཉེ་སྔོན་ལྷོ་ཤར་ཨེ་ཤི་ཡའི་ཡུལ་གྲུའི་མཐུན་ཚོགས་ཀྱི་ལྷན་འཛོམས་སྐབས། ས྄་པ་རཊ་ལི་ མཚོ་གླིང་གི་རྩོད་རྙོག་དེ་བཞིན་ཞི་མོལ་གྱི་ལམ་ནས་སེལ་ཕྱོགས་སྐོར་མཐུན་ཚོགས་ཀྱི་ཡུལ་ཁག་དབར་གྲོས་འཆམ་བྱུང་ནའང་། ཕི་ལི་ཕིན་སི གཞུང་ཕྱོགས་ནས་དེར་རྩིས་མེད་གཏོང་བཞིན་པ་དེ་ནི། རྒྱ་ནག་གི་བདག་དབང་ལ་ཐེ་ཇུས་བྱས་པ་ཞིག་དང་། ཕི་ལི་ཕིན་སི གཞུང་གིས་རྩོད་གཞི་ཅན་གྱི་གནད་དོན་དེའི་ཐོག་རྩིས་ལོག་གི་སྲིས་ཇུས་ལག་བསྟར་བྱས་ཚེ། རྒྱ་ནག་ཕྱོགས་ནས་གདོང་ལེན་ཤུགས་ཆེ་བྱ་རྒྱུ་ཡིན་ལུགས་བཅས་ཉེན་བརྡ་བཏང་ཡོད་པ་རེད། 

རྒྱ་ནག་ཉིན་རེའི་གསར་ཤོག་གི་གླེང་བརྗོད་ཐོག་ཉེན་བརྡའི་རྩོམ་བྲིས་དེ་བཞིན། བདུན་ཕྲག་སྔོན་མ་ཕི་ལི་ཕིན་སི་ ས྄་ཊར་ ཞེས་པའི་གསར་ཤོག་གིས་ ས྄་པ་རཊ་ལི མཚོ་རྒྱུད་ནང་ ཕི་ལི་ཕིན་ སྐད་ཡིག་ཐོག་་པ་ཏཀ ཞེས་པ་དང་། ཡང་རྒྱ་སྐད་ཐོག་ཧེཕ་ཞིན་ ཞེས་རྒྱལ་ཁབ་གཉིས་དབར་རྩོད་གཞི་ཅན་གྱི་མཚོ་གླིང་དེའི་ནང་། ཕི་ལི་ཕིན གྱི་བདེ་འཇགས་དམག་དཔུང་དང་མཚོ་གླིང་གི་བདག་དབང་སྲུང་སྐྱོབ་ཆེད་ ཕི་ལི་ཕིན་ གྱི་མཚོ་དམག་སྒྲིགས་འཛུགས་ནས་ དམག་མིའི་སྡོད་ཁང་གསར་འཛུགས་བྱ་རྒྱུ་ཡིན་སྐོར་གནས་ཚུལ་ཐོན་པ་ལས་བྱུང་ཡོད་པ་རེད༎