རྒྱ་ནག་དང་རོ་མ་ཎི་ཡའི་མཛའ་འབྲེལ་གོང་མཐོར་སྤེལ་དགོས་ལུགས།

༄༅༎རྒྱ་ནག་གི་ཆབ་སྲིད་སློབ་སྟོན་པ་གཙོ་གྲས་ ཅཱ་ཆིང་ལིན་ རྒྱ་ནག་དང་རོ་མ་ཎི་ཡའི་མཛའ་འབྲེལ་གོང་མཐོར་སྤེལ་དགོས་ལུགས་གསུངས་ཡོད་འདུག

རོ་མ་ཎི་ཡའི་གྲོས་ཚོགས་ཀྱི་དབུ་ཁྲིད་ ནི་ཀོ་ལའེ་ ལྦ་ཀ་རོའེའུ་ རྒྱ་ནག་ནང་འཚམས་འདྲིའི་གཟིགས་སྐོར་དུ་ཕེབས་སྐབས་ རྒྱ་ནག་གི་རྒྱལ་ཡོངས་ཆབ་སྲིད་གྲོས་ཚོགས་ཀྱི་ཚོགས་གཙོ་ ཅཱ་ཆིན་ལིན་གྱིས་རྒྱལ་ཁབ་གཉིས་དབར་ཡུན་རིང་ནས་གནས་པའི་མཛའ་འབྲེལ་དེ་སོར་གནས་ཡོང་བའི་ཆེད་དུ་སླད་ཕྱིན་ཆད་ནས་ཀྱང་གང་ཅིའི་ཐད་འབྲེལ་ལམ་མཇུག་སྐྱོང་གནང་དགོས་ལུགས་གཏམ་བཤད་གནང་འདུག ཁོང་ཟླ་བ་སྔོན་མ་རོ་མ་ཎི་ཡར་འཚམས་འདྲིའི་གཟིགས་སྐོར་བསྐྱོད་ཡོད་འདུག ཡུལ་གཉིས་དབར་གཞུང་འབྲེལ་འགོ་བཙུགས་ནས་ལོ་༦༠འཁོར་རན་པའི་སྐབས་འདིར་ཡུལ་གཉིས་ཀྱི་ཆེས་མཐོའི་དབུ་ཁྲིད་ཕན་ཚུན་གཟིགས་སྐོར་དུ་བསྐྱོད་རྒྱུ་མཚོན་པའི་འབྲེལ་ལམ་གོང་མཐོར་སྤེལ་དགོས་པ་དང་ ལྷག་དོན་དུ་ཐའེ་ལྦན་དང་བོད་དོན་སྐོར་རོ་མ་ཎི་ཡའི་གཞུང་གིས་རྒྱ་ནག་གཞུང་ལ་རྒྱབ་བསྐྱོར་གནང་བ་དེར་བསྔགས་བརྗོད་གནང་འདུག ལྦ་ཇ་རོའེའུ་ཡིས་ རོ་མ་ཎི་ཡའི་གཞུང་གིས་རྒྱ་ནག་གཅགས་ཀྱི་སྲིད་ཇུས་ངོས་ལེན་གནང་བཞིན་པ་དེར་འགྱུར་བ་མེད་པ་དང་ བཱེ་ཅིང་ནང་ཨོ་ལིམ་པིག་རྩེད་འགྲན་ལམ་ལྷོངས་ཡོང་བའི་འཚམས་འདྲི་ཞུས་གནང་འདུག།