བོད་ཕྱོཊ་ནས་རི་བོ་ཇོ་མོ་གླང་མར་འཛེག་རྒྱུ་བཀག་སྡོམ་གསལ་བསྒྲཊ།

པོ་ལན་ཊི་Polandགྱི་རི་འཛེག་མཁན་ཞིག་ནས་ཟླ་བ་སྔོན་མ་གཞུང་འབྲེལ་གྱི་ཆོག་མཆན་མེད་པར་བོད་ནས་བལ་ཡུལ་དུ་འཛུལ་ཞུགས་བྱས་པའི་རྗེས་ཁ་ས་རྒྱ་ནག་གཞུང་གིས་ཕྱི་ཕྱོགས་ཀྱི་རི་འཛེགས་མཁན་ཚོར་བོད་ཕྱོགས་ནས་རི་བོ་ཇོ་མོ་གླང་མར་འཛེག་རྒྱུ་བཀག་སྡོམ་བྱ་རྒྱུའི་གསལ་བསྒྲགས་བྱས་ཡོད་འདུག
དེ་ཡང་བོད་ཀྱི་རི་འཛེགས་མཐུན་ཚོགས་ཞེས་པས་རེས་གཟའ་ལྷག་པར་གསལ་བསྒྲགས་ཤིག་སྤེལ་བའི་ནང་། འདི་ལོ་སྟོན་དུས་རི་འཛེག་གི་དུས་ཚོད་སྐབས། ཕྱིའི་རི་འཛེག་པ་ཚོར་རི་བོ་ཇོ་མོ་གླང་པ་དང་། Cho Oyuདེ་བཞིན་ཤི་ཤི་པང་མ་ལ་སོགས་པའི་བོད་ཕྱོགས་ཀྱི་རི་བོ་ཆེ་ཁག་ཡོངས་རྗོགས་ལ་རི་འཛེག་ཀྱི་ཆོག་མཆན་སྤྲོད་རྒྱུ་མིན་པའི་ཐག་གཅོད་གསལ་བསྒྲགས་བྱས་འདུག
དེ་ལྟར་ཐག་གཅོད་བྱ་དགོས་དོན་ནི། ཉེ་སྔོན་ཕྱི་ཟླ་༥པའི་ནང་ Poland གྱི་མི་སེར་ཡིན་པ་རི་འཛེགས་པ་Adamskiཞུ་བ་ཞིག་ནས་རྒྱ་ནག་གཞུང་གི་ཆོག་མཆན་མེད་པར་བོད་ཕྱོགས་ཀྱི་ཇོ་མོ་གླང་མའི་བྱང་ངོས་ནས་རི་འཛེགས་བྱས་ཏེ་ཇོ་མོ་གླང་མའི་ཤར་ངོས་བལ་ཡུལ་དུ་འཛུལ་བཞུགས་བྱས་པའི་གནད་དོན་ལ་ཐུག་ཡོད་པ་བརྗོད་འདུག
བལ་ཡུལ་ནང་རྟེན་གཞི་བྱས་པའི་Seven Summit Treks ཞེས་རི་འཛེགས་ཁེ་ལས་ཀྱི་འགན་འཛིན་མིག་མར་ཤར་པ་ཞུ་བས། རྒྱ་ནག་གཞུང་ནས་གོང་གསལ་བསྒྲགས་སྤེལ་བའི་གནས་ཚུལ་དངོས་འབྲེལ་ཡིན་པ་ར་སྤྲོད་བྱས་པའི་ཐོག་རྒྱ་ནག་ཕྱོགས་ནས་འདི་ལྟ་བུའི་རི་འཛེགས་བཀག་སྡོམ་གྱི་ཐག་གཅོད་ཡང་སེ་བྱ་སྲོལ་ཡོད་ཀྱང་ཐག་གཅོད་ལ་འགྱུར་བ་ཡང་སེ་བཏང་སྲོལ་ཡོད་པའི་སྐོར་ཧྥརན་སི་གསར་ལས་ཁང་ལ་བརྗོད་འདུག
རྒྱ་ནག་གཞུང་ནས་རི་འཛེགས་ཀྱི་ཆོག་མཆན་བཀག་སྡོམ་གྱི་ཐག་གཅོད་གསལ་བསྒྲགས་བྱས་པའི་རྗེས། སྤྱི་ཚོགས་དྲ་ལམ་ཐོག་རི་འཛེགས་པ་མང་པོས་Polandགྱི་རི་འཛེགས་པ་Adamski གྱིས་ཆོག་མཆན་མེད་པར་རི་འཛེགས་བྱས་པ་དེར་རང་ཤེད་ཀྱི་བྱེད་སྟངས་ཤིག་ཡིན་ལུགས་སོགས་ཀྱི་སྐྱོན་བརྗོད་ཐོན་ཞིག་འདུག་པ་མ་ཟད། བལ་ཡུལ་གྱི་ཡུལ་སྐོར་ལྷན་ཁང་གི་མགྲིན་ཚབ་པ་Durgal Dutta Dhakalཞུ་བས། རི་འཛེགས་པ་Adamskiལ་བལ་ཡུལ་གཞུང་ནས་ལོ་ངོ་༡༠རིང་། བལ་ཡུལ་ནང་རི་འཛེགས་བྱ་མི་ཆོག་པའི་ཉེས་ཆད་འགེལ་རྒྱུ་དང་། ད་ལྟ་བལ་ཡུལ་ནས་ཕྱིར་ཕུད་གཏོང་རྒྱུ་ཡིན་ལུགས་ཧྥརན་སི་གསར་ལས་ཁང་ལ་བརྗོད་འདུག
རི་འཛེགས་མཁན་Adamskiཡིས་ཟླ་བ་སྔོན་མ་བོད་ཕྱོགས་ནས་ཇོ་མོ་གླང་མར་རི་འཛེགས་བྱས་ཏེ་མཐར་བལ་ཡུལ་ཕྱོགས་ལ་འབྱོར་སྐབས་བལ་བོད་གཉིས་ཕྱོགས་ནས་ཇོ་མོ་གླང་མའི་བྱང་དང་ལྷོ་ངོས་སུ་རི་འཛེགས་བྱ་ཐུབ་པ་དེ་ནི།  མི་ཚེའི་ནང་ཁོ་པའི་སེམས་ཀྱི་འཆར་སྣང་ཞིག་གྲུབ་ཡོད་པ་དང་། བལ་ཡུལ་གཞུང་ནས་ཁོ་པར་ཁྲིམས་ཐོག་ནག་ཉེས་ཆད་ཇི་འདྲ་ཞིག་བཀལ་ཡང་དེར་གདོང་ལེན་བྱ་རྒྱུར་གྲ་སྒྲིག་ཡོད་ཅེས་བརྗོད་འདུག།

གསར་འགོད་པ་དོན་གྲུབ་རྣམ་རྒྱལ།