རྒྱ་ནག་ནང་ཕྲུ་གུ་སྐྱེས་མཁན་ཉུང་བའི་རྐྱེན་ཕྲུ་གུ་སྐྱེས་བསུའི་ཚན་པ་མང་པོ་སྒོ་རྒྱག་བཞིན་འདུག
རྒྱ་ནག་གི་(Hefei)་གྲོང་ཁྱེར་གྱི་སྨན་ཁང་ཞིག་གི་ནང་། ༢༠༡༡
Stringer/Reuters
དེ་ཡང་(Aljazeera)་གསར་ལས་ཁང་གིས་གནས་ཚུལ་སྤེལ་བར་གཞིགས་ན། རྒྱ་ནག་གཞུང་གིས་རྒྱ་ནག་ནང་ཕྲུ་གུ་སྐྱེས་མཁན་ཉུང་དུ་ཕྱིན་པའི་དཀའ་ངལ་སེལ་ཐབས་སུ། མང་ཚོགས་ལ་ཕྲུ་གུ་སྐྱེས་རྒྱུ་ནི་རྒྱལ་གཅེས་ཀྱི་ལས་འགན་ཡིན་པ་སོགས་ཀྱི་སྐུལ་སློང་དང་ལམ་སྟོན་སོགས་རྣམ་པ་འདྲ་མིན་གྱི་ཐོག་ནས་སྐུལ་མ་ཇི་ཙམ་བྱས་ཀྱང་། མི་འབོར་ཐེར་འབུམ་གཅིག་དང་དུང་ཕྱུར་བཞི་ཙམ་ཡོད་པའི་རྒྱ་ནག་རྒྱལ་ཁབ་དེར་འདས་པའི་ལོ་གཉིས་བསྟུད་མར་མི་འབོར་ཉུང་དུ་ཕྱིན་པའི་དཀའ་ངལ་འཕྲད་བཞིན་པ་ལྟར། རྒྱ་ནག་རྒྱལ་ཡོངས་ཀྱི་སྨན་ཁང་ཁག་ནང་གི་ཕྲུ་གུ་སྐྱེས་བསུའི་ཚན་པ་རྣམས་སྒོ་རྒྱག་བཞིན་ཡོད་འདུག
རྒྱ་ནག་གཞུང་གིས། རྒྱ་ནག་རྒྱལ་ཁབ་ནི་འཛམ་གླིང་ནང་དཔལ་འབྱོར་ཆེ་ཤོས་ཀྱི་རྒྱལ་ཁབ་ཞིག་ཏུ་གྱུར་ཏེ། ཨ་མི་རི་ཀའི་གོང་དུ་འགྲོ་རྒྱུ་མངོན་གྱུར་ཡོང་ཐབས་ཀྱི་ཐག་རིང་པོའི་དམིགས་ཡུལ་འཛིན་བཞིན་པ་དང་ཆབས་ཅིག ད་ཆ་རྒྱ་ནག་ནི་འཛམ་གླིང་ནང་ནས་དཔལ་འབྱོར་ཆེ་ཤོས་སུ་རྒྱལ་ཁབ་མ་ཆགས་གོང་ལ་རྒན་ཁོག་ཆགས་རྒྱུའི་དུས་བབ་འགོ་བཙུགས་བཞིན་ཡོད་པའི་སྐོར་བཀོད་འདུག
འདས་པའི་ལོའི་ནང་རྒྱ་ནག་གཞུང་གིས་མི་འབོར་འཕེལ་རྒྱས་ཚད་འགག་བཟོ་རྒྱུའི་ཆེད་དུ་༡༩༨༠ཐམ་པའི་ནང་འཆར་ལྡན་བུ་བཙའི་སྲིད་ཇུས་ལག་བསྟར་བྱས་ཏེ་བཟའ་མི་གཉིས་ལ་ཕྲུ་གུ་གཅིག་ལས་སྐྱེས་མི་ཆོག་པའི་དམ་དྲག་བྱས་པ་ནས་བཟུང་། རྒྱ་ནག་ནང་དུ་ཕྲུ་གུ་སྐྱེས་ཚད་གྲངས་འབོར་མར་ཆག་ཡོད་ཅིང་། དེ་ནི་རྒྱ་ནག་གཞུང་གི་འཆར་ལྡན་བུ་བཙའི་སྲིད་ཇུས་ལག་བསྟར་བྱས་པ་ཧ་ཅང་གི་ལམ་ལྷོངས་ལྡན་པ་ཞིག་བྱུང་བའི་ར་སྤྲོད་བྱས་ཡོད་པར་བརྟེན། རྒྱ་ནག་གཞུང་གིས་༢༠༡༥ལོར་སྲིད་ཇུས་དེར་འགྱུར་བཅོས་བཏང་ནས་བཟའ་མི་གཉིས་ལ་ཕྲུ་གུ་གཉིས་སྐྱེས་ཆོག་པ་བཟོས་པ་དང་། དེ་ནས་སླར་ཡང་༢༠༢༡ལོར་བཟའ་མི་གཉིས་ཀྱིས་ཕྲུ་གུ་གསུམ་སྐྱེས་ཆོག་པའི་སྲིད་ཇུས་བཅས་རིམ་པས་འགྱུར་བ་བཏང་ཡང་། ཕྲུ་གུ་སྐྱེས་མཁན་ཧ་ཅང་ཉུང་བའི་དཀའ་ངལ་དེ་མུ་མཐུད་ནས་གནས་ཡོད་པ་རེད།
རྒྱ་ནག་གཞུང་གིས་རྒྱ་ནག་གི་སྨན་ཁང་མང་པོའི་ནང་ཕྲུ་གུ་སྐྱེས་བསུའི་ཚན་པ་སྒོ་རྒྱབ་པའི་ཐད་ལ་གཞུང་འབྲེལ་གྱིས་ཚན་པ་ཇི་ཙམ་སྒོ་རྒྱབ་པའི་སྐོར་གནས་ཚུལ་གང་ཡང་བཏོན་མེད། འོན་ཀྱང་རོའུ་ཀྲར་གསར་འགྱུར་ལས་ཁང་གིས་གཟའ་འཁོར་འདིའི་ནང་གནས་ཚུལ་ཞིག་བཏོན་པའི་ནང་། འདི་ལོ་རྒྱ་ནག་ནང་གི་སྨན་ཁང་མང་པོ་ཞིག་གིས་ཕྲུ་གུ་སྐྱེས་བསུའི་ཞབས་ཞུ་མཚམས་འཇོག་བྱས་པའི་སྐོར་བཀོད་ཡོད་ལུགས་ལུང་འདྲེན་བྱས་འདུག
རྒྱ་ནག་རྒྱལ་ཡོངས་འཕྲོད་བསྟེན་ལྷན་ཁང་གིས། ༢༠༢༠་དང་༢༠༢༡ལོའི་བར་ལ་རྒྱ་ནག་གི་ཕྲུ་གུ་སྐྱེས་བསུ་བྱེད་མཁན་གྱི་སྨན་ཁང་གྲངས་༨༠༧ནས་༧༩༣བར་ཉུང་དུ་ཕྱིན་ཡོད་པའི་གནས་ཚུལ་བཏོན་ཡོད་པའི་སྐོར་བཀོད་འདུག
གསར་འགོད་པ། གཡུ་སྒྲོན།
རྩོམ་སྒྲིག་པ། རྡོ་རྗེ་དགྲ་འདུལ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག