སྒྱུ་རྩལ་བ་ཨེ་ཝེ་ཝེའི་ཁྲིམས་རྩོད་པར་བརྟག་དཔྱད།

༄༅༎རྒྱ་ནག་ནང་སྙན་གྲགས་ཆེ་བའི་སྒྱུ་རྩལ་བ་ཨེ་ལྦེ་ལྦེའི་དཔྱ་ཁྲལ་གནད་དོན་ཐོག་ཁྲིམས་རྩོད་གནང་མཁན་གྱི་ཁྲིམས་རྩོད་པས་དེ་རིང་གཟའ་ལྷག་པའི་ཉིན་གསུང་ན་ རྒྱ་ནག་ཉེན་རྟོག་པས་ཨེ་ལྦེ་ལྦེ་ཡི་དཔྱ་ཁྲལ་མ་སྤྲད་པའི་དོན་རྐྱེན་ཁྲིམས་གཞི་དེ་དང་ ཁྲིམས་རྩོད་པའི་དབར་འབྲེལ་བ་ཡོད་ལུགས་བཤད་ནས་གཟའ་མིག་དམར་ཉིན་ཁྲིམས་རྩོད་ཁང་དེར་ཉེན་རྟོག་པས་བརྟག་དཔྱད་བྱེད་པར་ཡོང་ལུགས་ཁྲིམས་རྩོད་པ་ཕུའུ་ཀྲེ་ཆིང་གིས་དེ་རིང་གསུང་འདུག  
ཁྲིམས་རྩོད་པ་ཕུའུ་ཀྲེ་ཆིང་གི་ཁྲིམས་རྩོད་ལས་ཁང་དེ་བཞིན་སྒྱུ་རྩལ་བ་ཨེ་ལྦེ་ལྦེས་མ་དངུལ་བཏང་ནས་གསར་བཙུགས་བྱས་པ་ཞིག་ཡིན་པ་དང་ ཉེན་རྟོག་པས་ཁྲིམས་རྩོད་པ་ཕུའུ་ཀྲེ་ཆིང་ལ་ སྒྱུ་སྩལ་བ་ཨེ་ལྦེ་ལྦེའི་དཔྱ་ཁྲལ་གྱོད་དོན་སེལ་ཐབས་སུ་ཉེན་རྟོག་ལས་ཁང་ལ་གཞོགས་འདེགས་བྱེད་དགོས་པའི་དགོས་འདུན་བཏོན་ནས་ ལོ་འདིའི་ཨེ་ལྦེ་ལྦེ་དང་ཁྲིམས་རྩོད་ཁང་དེའི་བྱུང་སོང་ཀྱི་རྩིས་ཕྲ་ཆ་ཚང་འདྲ་བཤུས་རྒྱབ་ནས་འཁྱེར་བའི་སྐོར་ཁྲིམས་རྩོད་པ་ཕུའུ་ཡིས་གསུང་འདུག དེ་དང་འབྲེལ་ཉིན་དེ་རང་དུ་ཉེན་རྟོག་པས་ཨད་དབོད་དབོད་ཀྱི་བཟའ་ཟླ་ལུའུ་ཆིང་ཕྲལ་དུ་ས་གནས་དེའི་ཁོངས་གཏོགས་མངགས་གཏོང་ཁང་དུ་ཡོང་དགོས་པའི་བརྡ་ཐོ་བཏང་ཡོད་པ་དང་ སྒྱུ་རྩལ་བ་ཨེ་ལྦེ་ལྦེའི་བཟའ་ཟླ་་ལ་ས་གནས་ཉེན་རྟོག་པས་དུས་ཡུན་ཚོུད་གསུམ་ཙམ་རིང་དྲི་བ་ལེན་ནས་རྗེས་སུ་རང་ཁྱིམ་དུ་ཕྱིར་སློག་བཏང་ཡོད་པ་དང་ ཉེན་རྟོག་པས་ལུའུ་ཆིང་ལ་་དོགས་ཡོད་ཉེས་ཅན་པ་ཡིན་ལུགས་བཤད་ཡོད་ཀྱང་ལུའུ་ཆིང་གིས་ནག་ཉེས་གང་ཡང་བསག་མེད་ལུགས་བརྗོད་ནས་ཉེས་ཅན་པ་ཡིན་པ་ཁས་ལེན་བྱས་མེད་པའི་སྐོར་འབྲེལ་ཡོད་མི་སྣས་བརྗོད་ཡོད་འདུག