རྒྱ་ནག་ནང་ཏོག་དབྱིབས་ནད་ཡམས་རྩ་མེད་བཟོ་རྒྱུའི་སྲིད་ཇུས་ལྷོད་ཡངས་ལག་བསྟར་བྱས་ཀྱང་ནད་ཡམས་ཁྱབ་གདལ་ཤུགས་ཆེ་རུ་འགྲོ་བཞིན་པ།
རྒྱ་ནག་ནང་ཏོག་དབྱིབས་ནད་ཡམས་རྩ་མེད་བཟོ་རྒྱུའི་སྲིད་ཇུས་ལྷོད་ཡང་ལག་བསྟར་བྱས་ཀྱང་ནད་ཡམས་ཁྱབ་གདལ་ཤུགས་ཆེ་རུ་འགྲོ་བཞིན་པ།
Photo: RFA
རྒྱ་ནག་གཞུང་གིས་མི་མང་གི་རྒྱུན་ལྡན་འཚོ་བ་བསྐྱར་གསོ་ཡོང་ཆེད་ཏོག་དབྱིབས་ནད་ཡམས་རྩ་མེད་བཟོ་རྒྱུའི་སྲིད་ཇུས་ལྷོད་ཡངས་ལག་བསྟར་བྱེད་འགོ་བཙུགས་ཡོད་ནའང་། ཕྱི་ཚེས་བདུན་ཉིན་ཉིས་ཁྲི་ཆིག་སྟོང་ལྷག་ཙམ་ཐོན་ཡོད་པའི་སྐོར་གནས་ཚུལ་ཐོན་འདུག དེ་ཡང་ཕྱི་ཟླ་བཅུ་གཉིས་པའི་ཚེས་༨ ཉིན་ཧྲང་ཧད་ནས་Reuters་གསར་འགྱུར་ལས་ཁང་གིས་གནས་ཚུལ་སྤེལ་བའི་ནང་། ཕྱི་ཟླ་༡༢ པའི་ཚེས་༦ ཉིན་རྒྱ་ནག་ནང་ཏོག་དབྱིབས་ནད་པ་གསར་པའི་གྲངས་ཀ་ཉིས་ཁྲི་ལྔ་སྟོང་གསུམ་བརྒྱ་ཉི་ཤུ་རྩ་གཅིག་ཐོན་པ་ནས། ནད་རྟགས་ཡོད་པའི་ནད་པ་བཞི་སྟོང་བཞི་བརྒྱ་བཅུ་མེད་དགུ་དང་། ནད་རྟགས་མེད་པའི་ནད་པ་ཉིས་ཁྲི་སྟོང་མེད་དགུ་བརྒྱ་བཅུ་གཉིས་ཐོན་ཡོད་པའི་སྐོར་རྒྱ་ནག་གཞུང་གིས་ལོག་ཏུ་གྲངས་ཐོ་བཏོན་ཡོད་པ་མ་ཟད། ཕྱི་ཚེས་༨ ཉིན་རྒྱ་ནག་རྒྱལ་ཡོངས་འཕྲོད་བསྟེན་ལྷན་ཁང་གིས་ཕྱི་ཚེས་༧ ཉིན་རྒྱ་ནག་ནང་ཏོག་དབྱིབས་ནད་པ་གསར་པའི་གྲངས་ཀ་ཉིས་ཁྲི་ཆིག་སྟོང་བཞི་བརྒྱ་གསུམ་ཅུ་སོ་དགུ་ཐོན་པ་ནས། ནད་རྟགས་ཡོད་པའི་ནད་པ་བཞི་སྟོང་བརྒྱ་མེད་དོན་ཅུ་དོན་དགུ་དང་། ནད་རྟགས་མེད་པའི་ནད་པ་ཆིག་ཁྲི་བདུན་སྟོང་གསུམ་བརྒྱ་དྲུག་བཅུ་ཐོན་ཡོད་པའི་སྐོར་གྱི་གྲངས་ཀ་བཏོན་ཡོད་ལུགས་ལུང་འདྲེན་བྱས་འདུག ད་དུང་ས་གནས་ནང་ཁུལ་ནས་ཏོག་དབྱིབས་རིམས་ནད་འགོས་ཁྱབ་བྱུང་བའི་ནད་པ་ཉིས་ཁྲི་ཆིག་སྟོང་བརྒྱ་དང་དྲུག་ཅུ་རེ་ལྔ་ཐོན་པའི་ནང་ནས། ༤༠༣༡ ནད་རྟགས་ཡོད་པའི་ནད་པ་དང་། ནད་རྟགས་མེད་པའི་ནད་པ་ཆིག་ཁྲི་བདུན་སྟོང་བརྒྱ་དང་བཅུ་གསུམ་ཐོན་པ་དང་། དེའི་སྔོན་གྱི་ཉིན་གཅིག་ནང་ཐོན་པའི་ནད་པའི་གྲངས་ཀ་དང་བསྡུར་ན་ནད་པ་གསར་པའི་གྲངས་ཀ་ཉུང་དུ་ཕྱིན་ཡོད་པའི་སྐོར་དང་། ད་རེས་ཏོག་དབྱིབས་ནད་པ་རྐྱེན་འདས་སུ་གཅིག་ཀྱང་ཕྱིན་མེད་པར་བརྟེན་ནས་ཏོག་དབྱིབས་ནད་པ་འདས་གྲོངས་ཕྱིན་པའི་གྲངས་ཀ་ཉིས་ཁྲི་ལྔ་སྟོང་བརྒྱ་དང་བཅོ་ལྔ་རང་སོར་གནས་ཡོད་པ་རེད།།
གསར་འགོད་པ། ཉི་མ་གཡུ་སྒྲོན།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- རྒྱ་དཀར་ནག་གཉིས་དབར་འདི་ལོའི་དབྱར་ཁར་རྒྱ་གར་གྱི་གནས་སྐོར་བ་བོད་ནང་གནས་མཇལ་དུ་གཏང་རྒྱུའི་གྲོས་མཐུན་བྱུང་འདུག