རྒྱ་ནག་ཏུ་མོ་ཌ་བདལ་གླ་གཏོང་མཁན་གྱིས་་ངོ་རྒོལ།
2011.08.09
༄༅༎དེ་རིང་རེས་གཟའ་མིག་དམར་ཉིན་སླར་ཡང་རྒྱ་ནག་གི་ཤར་ཕྱོགས་ཀྲེ་ཅང་ཞིང་ཆེན་གྱི་མོ་ཊ་བདལ་་གླ་གཏོང་མཁན་བརྒྱ་ཕྲག་འདུ་འཛོམས་ཀྱིས་མོ་ཊའི་སྣུམ་གྱི་རིན་གོང་འཕར་བ་དང་གླ་ཕོགས་ཉུང་ཉུང་ལས་མི་ཐོབ་པའི་གནད་དོན་ཐོག་ངོ་རྒོལ་གྱི་ལས་འགུལ་སྤེལ་ཡོད་པ་རེད།
དེ་ཡང་ཉེ་ཆར་རྒྱ་ནག་གི་ཀྲེ་ཅང་ཞིང་ཆེན་གྱི་ཧང་ཀྲུའུ་གྲོང་ཁྱེར་གྱི་རྒྱ་ལམ་ཐོག་མོ་ཊ་གཏོང་མཁན་ཁ་ལོ་བ་ཆིག་སྟོང་ལྔ་བརྒྱ་ཙམ་གྱིས་གནད་དོན་དེ་གཉིས་ཐོག་ངོ་རྒོལ་གྱི་ལས་འགུལ་སྤེལ་ནས་ཉིན་མ་འགའ་ཤས་ཕྱིན་པའི་རྗེས། དེ་རིང་སླར་ཡང་ཞིང་ཆེན་དེའི་ཅ་ཤིན་གྲོང་ཁྱེར་ནང་གི་ས་ཁུལ་ཁག་གཉིས་ཐོག་ངོ་རྒོལ་གྱི་ལས་འགུལ་སྤེལ་ཡོད་ཅིང༌། དེ་རིང་ངོ་རྒོལ་བྱེད་མཁན་མོ་ཊའི་ཁ་ལོ་བ་ཉིས་བརྒྱ་ལྷག་ཀྲེ་ཅང་ཞིང་ཆེན་གྱི་ཅ་ཤིན་ནང་འདུ་འཛོམས་ཀྱིས་ངོ་རྒོལ་ལས་འགུལ་སྤེལ་ཡོད་པ་དང༌། མོ་ཊའི་ཁ་ལོ་བ་བཅུ་གྲངས་ཤིག་གིས་ཅ་ཤིན་གྲོང་ཁྱེར་གཞུང་གི་ཉེ་འཁྲིས་སུ་་མོ་ཊ་བཀག་ཏེ་ངོ་རྒོལ་བྱས་ཡོད་པ་མ་ཟད། ཞིང་ཆེན་དེའི་ལྷོ་ཕྱོགས་ལྦེན་ཀྲུའུ་གྲོང་ཁྱེར་ནང་དུའང་མོ་ཊ་གཏོང་མཁན་བརྒྱ་ལྷག་འདུ་འཛོམས་ཀྱིས་ངོ་རྒོལ་བྱས་པ་དང་ཁག་ཅིག་གིས་མོ་ཊ་ས་གནས་གཞུང་གི་ལས་ཁུངས་མདུན་དུ་བཀག་ཏེ་ངོ རྒོལ་བྱས་ཡོད་པ་རེད། མོ་ཊ་ཀྲེཀ་སི་(Taxi)བདལ་་གླ་གཏོང་མཁན་ཚོས། ངོ་རྒོལ་ལས་འགུལ་དེ་ལྟར་སྤེལ་ཏེ། ཁོང་ཚོའི་ལས་ཀའི་གླ་འབབ་མཐོ་རུ་གཏོང་དགོས་པ་དང༌། འཚོ་རྟེན་དྲག་ཏུ་གཏོང་དགོས་པ། འདས་པའི་ལོ་འགའ་ཤས་རིང་མོ་ཊའི་སྣུམ་གྱི་རིན་གོང་མཐོ་རུ་ཕྱིན་པ་དེའི་དཀའ་ངལ་སེལ་དགོས་པའི་དགོས་འདུན་བཏོན་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག