ལྷོ་བྱང་ཀོ་རི་ཡའི་གྲོས་མོལ་ལ་རྒྱ་ནག་གཞུང་གིས་དགའ་བསུ་ཞུས།

༄༅༎རྒྱ་ནག་ཕྱི་སྲིད་ལས་ཁུངས་ཀྱི་དྲ་རྒྱའི་ཐོག་ཕྱི་སྲིད་ལས་ཁུངས་ཀྱི་མགྲིན་ཚབ་པ་ཧོང་ལེཡིས་གྲོས་མོལ་གྱི་ལམ་ནས་ལྷོ་བྱང་ཀོ་རི་ཡ་གཉིས་དབར་གྱི་འབྲེལ་ལམ་ཡར་རྒྱས་གཏོང་ཐབས་དང་ དེ་བརྒྱུད་ཕྱོགས་གཉིས་དབར་ཞི་འཆམ་འདུམ་སྒྲིག་ཡོང་ཐབས་བྱེད་བཞིན་པར་ང་ཚོས་དགའ་བསུ་དང་རྒྱབ་སྐྱོར་བྱེད་རྒྱུ་ཡིན་ཞེས་དང་ གྲོས་མོལ་འཆར་གཞི་འདིའི་གྲུབ་འབྲས་བཟང་པོ་འབྱུང་རྒྱུར་ང་ཚོས་རེ་བ་བྱེད་ཀྱི་ཡོད་ཅེས་བཀོད་འདུག

ཕྱི་ལོ་༢༠༡༠ལོའི་ནང་དོན་རྐྱེན་མང་པོ་ཞིག་གི་ཐོག་ནས་ལྷོ་བྱང་ཀོ་རི་ཡ་འི་འབྲེལ་ལམ་ཇེ་སྡུག་ཏུ་ཕྱིན་ཡོད་ཅིང་དེ་ཡང་སྔ་ལོ་ཕྱི་ཟླ་གསུམ་པའི་ནང་ལྷོ་ཀོ་རི་ཡའི་དམག་གྲུ་ཞིག་ལ་གཏོར་རྒོལ་བྱུང་སྟེ་ དམག་མི་༤༦དུ་རྐྱེན་ལམ་དུ་སོང་བ་དང་དེའི་བྱེད་ལྟེ་བྱང་ཀོ་རི་ཡ་ཡིན་པ་བརྗོད་བཞིན་ཡོད་པ་རེད། ཡང་དེ་རྗེས་ཕྱི་ཟླ་བཅུ་གཅིག་པའི་ནང་ལྷོ་ཀོ་རི་ཡའི་ས་མཚམས་ཀྱི་ས་ཁུལ་ཞིག་ཏུ་བྱང་ཀོ་རི་ཡས་མེ་སྒྱོག་གི་ཚུར་རྒོལ་བྱུང་སྟེ་ཞི་དྲག་གི་ཡུལ་མི་བཞི་རྐྱེན་ལམ་དུ་བཏང་པའི་དོན་རྐྱེན་གྱི་ཐོག་ནས་ཀོ་རི་ཡའི་ཕྱེད་གླིང་དེའི་ནང་ཛ་དྲག་གི་གནས་ཚུལ་ཆེན་པོ་ཞིག་བཟོས་ཡོད་པ་རེད། ཨ་མི་རི་ཀ་སོགས་འཛམ་གླིང་གི་ཡུལ་གྲུ་མང་པོས་བྱང་ཀོ་རི་ཡའི་བྱ་སྤྱོད་ལ་སྐྱོན་བརྗོད་ཆེན་པོ་བྱས་ཡོད་ཀྱང་རྒྱ་ནག་བྱང་ཀོ་རི་ཡའི་རྒྱབ་ཏུ་བརྟན་པོར་ལངས་སྟེ་སྐྱོན་བརྗོད་གང་ཡང་བྱས་མེད་པ་རེད།།