༸གོང་ས་མཆོག་ནས་ཨོ་ལིམ་པིག་རྩེད་འགྲན་ཆེད་གསུང་འཕྲིན།

༄༅༎བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཚེས་ ༦ ཉིན་པེ་ཅིང་ཨོ་ལིམ་པིག་གི་རྩེད་འགྲན་ཐོག་གསུང་འཕྲིན་ཞིག་སྩལ་གནང་བའི་ནང་༸གོང་ས་མཆོག་གིས་རིང་མིན་པེ་ཅིང་དུ་ཚོགས་རྒྱུའི་ཨོ་ལིམ་པིག་གི་གོ་སྒྲིག་ཚོགས་ཆུང་དང་ རྩེད་འགྲན་པ་ ཀྲུང་ཧ་མི་མང་སྤྱི་མཐུན་རྒྱལ་ཁབ་བཅས་ལ་འཚམས་འདྲི་ཞུ་གི་ཡིན་ཞེས་བཀའ་སྩལ་གནང་ཡོད་པ་རེད་

ཡང་༸གོང་ས་མཆོག་གིས་ཐོག་མར་རྒྱ་ནག་གཞུང་གིས་ཨོ་ལིམ་པིག་གི་རྩེད་འགྲན་རྒྱ་ནག་ནང་སྐོངས་འཚོགས་གནང་རྒྱུར་སྙན་ཞུ་ཕུལ་བའི་སྐབས་ནས་༸གོང་ས་མཆོག་གིས་རྒྱ་ནག་གཞུང་ཕྱོགས་ནས་རྩེད་འགྲན་དེ་གོ་སྒྲིག་ཞུ་རྒྱུའི་ཐོབ་ཐང་ལ་རྒྱབ་སྐྱོར་ཞུས་ཡོད་ དེ་ནི་རྒྱ་མི་རིགས་ཐེར་འབུམ་༡དང་ཚགས་༣ཡོད་པའི་རྒྱ་ནག་མི་མང་གི་སྤོབས་སྟོབས་འཕེལ་བའི་དུས་ཚོགས་ཤིག་དང་ ཨོ་ལིམ་པིག་གི་རྩེད་འགྲན་གྱི་རྩ་དོན་དེ་མཛའ་མཐུན་དང་ གུ་ཡང་ ཞི་བ་ དེ་བཅས་གོང་སྤེལ་གཏོང་རྒྱུར་ཕན་འབྲས་ཐོན་པ་བྱེད་དགོས་ཀྱི་རེད་ ༸གོང་ས་མཆོག་གིས་ཨོ་ལིམ་པིག་གི་རྩེད་འགྲན་གྱི་དུས་སྟོན་དེ་ལམ་ལྷོང་ཡོང་རྒྱུར་སྨོན་ལམ་དང་འཚམས་འདྲི་ཞུ་གི་ཡོད་ཅེས་གསུང་འཕྲིན་སྩལ་གནང་ཡོད་པ་དེ་དག་བཙན་བྱོལ་བོད་གཞུང་གི་དྲ་རྒྱའི་ཐོག་དེ་རིང་རེས་གཟའ་ལྷག་པའི་ཉིན་འགྲེམས་སྤེལ་གནང་ཡོད་པ་རེད་